25 Ar ruạṛ hecʼkate uni do ona oṛakʼ sapha ar sajao akatʼe ńama.
Onkoakʼ moca katha do bạṛicʼ ar phạsiạrate perecʼgea; Akelan hoṛko leka calakʼ doko bad akada, ar bhage kạmi hõ bako kạmikana.
Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!
“Bạṛicʼ jiu do mitʼṭen hoṛ khone oḍokʼ calaolenre jirạukʼ lạgitʼ hahaṅkar jaegakoreye ạcur baṛaea. Ar bae ńamle khan uni doe mena, ‘oka oṛakʼ khoniń oḍok hecʼakan ona oṛakʼtege arhõń ruạṛ calakʼa.’
Unre uni do senkate acʼ khon artetʼ bạṛicʼ eṭakʼ eae goṭecʼ jiue soṅge darajoṅa ar onḍeye girobasokʼa. Onate uni hoṛakʼ dosa do pạhilakʼ khon artetʼ bạṛicʼ hoyokʼtaea.”