Luk 11:22 - সান্তালী বাইবেল

²² Menkhan uni khon ḍher daṛeanicʼ jãhãe hecʼkate uniye bhagao lekhan enḍekhan okako khanḍa bhanḍareye bhorsakʼkan tahẽkan, onakoe recʼ ocokʼa ar uni eṭakʼ hoṛ do luṭakʼ jiniskoe hạṭińtaea.

Santali Common Language New Testament

²² Menkhan uni khon ḍher daṛeanicʼ jãhãe hecʼkate uniye bhagao lekhan enḍekhan okako khanḍa bhanḍareye bhorsakʼkan tahẽkan, uni eṭakʼ hoṛ do onakoe rejea ar luṭakʼ jiniskoe hạṭińtaea.

Luk 11:22 Referans Kwoze

Jesaea 53:12

Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

Jesaea 27:1

Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

1 Johan 4:4

Menkhan E gidrạko, ape do Isorren kanape. Ape do onko eṛeko cetanrepe jitạu akana, ente noa dhạrtire okoe menae, uni khon apeakʼ ontorre menayicʼ doe maraṅgea.

1 Johan 3:8

Okoeye kại idiyetʼkan uni doe Soetanren kana, ente Soetan do etohopʼ khongeye kạiyeda. Ar Soetan kạmi marao giḍikakʼ lạgitʼge Isorren Hopon doe sodorakana.

Kolossiko lạgitʼ Pạul Apostolakʼ ciṭhi 2:15

Uni do sanam bạṛicʼ rajosṭiko ar ektiạriankoakʼ daṛeye cabaketʼtakoa. Nonkate uni do Mạsiyakʼ kurus hotete onko cetanreye jitạuena ar jotoko samaṅre onkoe bemanot ocoketʼkoa.

Exodus 15:9

“Bạiri doe menkeda, ‘onkoń khudạukoa, ariń sapʼkoa, ar onkoakʼ jiniskoń hạṭińjoṅa; iń do onkoakʼ jiniskote apnar iń perejokʼa. Ar tarwaṛe sapʼkate onkoń khudạukoa.’

Luk 11:21

“Mitʼṭen daṛe hoṛ do sanam lekan khanḍa bhanḍawate acʼakʼ oṛakʼe horhotae khan uniyakʼ jinisko do nirạige tahentaea.

Luk 11:23

“Jãhãege iń secʼrene baṅkan khan uni do iń upạrten kanae. Okoe iń sãote bae halaṅ uni doe chiṭiạua.

Ephesiko lạgitʼ Pạul Apostolakʼ ciṭhi 6:11

Lạṛhại lạgitʼ Isorakʼ sanam saj-bajko horokʼ joṅpe, jemon Soetanakʼ joto lekan phor phundikorepe teṅgo daram daṛeakʼ.

Ephesiko lạgitʼ Pạul Apostolakʼ ciṭhi 6:13

Onate ape do lạṛhại lạgitʼ Isore emakan sanamakʼ sajbajko horokʼ joṅpe, jemon Soetane hạ̃nlepere unipe teṅgo daram daṛeae arpe bhagaoete teṅgo ṭak akanpe tahen.