Luk 10:29 - সান্তালী বাইবেল

²⁹ Uni dhorom guru do dhorome ṭarhaokʼa mente Jisui kulikedea, “Okoe kanae iń aḍepaseren hoṛ do?”

Santali Common Language New Testament

²⁹ Uni dhorom guru do dhorome ṭarhaokʼa mente Jisui kulikedea, “Okoe kanae iń aḍepaseren hoṛ do?”

Luk 10:29 Referans Kwoze

Luk 16:15

Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.

Galathiko lạgitʼ Pạul Apostolakʼ ciṭhi 3:11

Ona chaḍa noa hõ pusṭạugea je, ạn-ạri manaote Isor do okoe hõ dhorom mente bae ataṅkoa, ente sonot sostor reakʼ katha leka, “Okoe dhorom menteye ataṅ ocokʼ uni do biswạs hotetege jione ńama.” Ente pạtiạu tulucʼ ạn-ạri reakʼ jãhãn jopoṛao do bạnukʼ anaṅ.

Romiko lạgitʼ Pạul Apostolakʼ ciṭhi 4:2

Abraham do kạmiko iạte dhorom menteye ataṅ ocoakan khan enḍekhan uniyakʼ gorbokʼ reakʼ do menakʼgetaea. Menkhan Isor samaṅre do acʼakʼ gorbokʼ reaṅ cetʼge bạnukʼtaea.

Levitikus 19:34

Apnar jạtrenko sãote cetʼlekape beoharetʼ onkage onko sãote hõ beoharpe. Ar apnar leka dulạṛkope, ente ape hõ Misorrenko talare upriạpe tahẽkana. Iń kangeạń aperen Probhu Isor do.

Romiko lạgitʼ Pạul Apostolakʼ ciṭhi 10:3

Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

Luk 10:36

Mucạtʼre Jisui menkeda, “Am do ńitokʼ cetʼem hudiskea? Noko pene hoṛ modre okoeṭakʼ do ḍạku tireye paṛaolen hoṛren aḍepaserene hoyena?”

Jakob 2:24

Enḍekhanpe ńeleda, eken biswạstege Isor do manwa dhorom menteye aṅgocea ona do baṅ, menkhan biswạs ar kạmi noa banar iạtege Isor do manwa dhorom menteye aṅgoc edekana.

Jobakʼ 32:2

Onate Ram gharońjren Busi hoṛ Barkelren hopon Elihu do Job cetanre ạḍiye raṅgaoena, ente Job do Isor lekage dhorome hudisokʼkan tahẽkana.

Mark 8:34

Noa tayom celako ar gadel hoṛko acʼ ṭhen hoho sorkateye metatʼkoa, “Jãhãege ińakʼ horte hijukʼe menetʼ khan uni do acʼakʼ sana leka aloe calakʼma; bickom acʼakʼ kurus gokʼkateye pańjayiń ma.