Luk 10:27 - সান্তালী বাইবেল

²⁷ Uni dhorom guru doe roṛ ruạṛkeda, “Probhu amren Isor do amakʼ goṭa ontorte, amakʼ goṭa jiwite, ar amakʼ goṭa daṛete dulạṛem, ar am aḍepaseren hoṛ apnar leka dulạṛem.”

Santali Common Language New Testament

²⁷ Uni dhorom gurui roṛ ruạṛkeda, “Probhu amren Isor do amakʼ goṭa ontorte, amakʼ goṭa jiwite, amakʼ goṭa daṛete ar amakʼ goṭa monte dulạṛem, ar am aḍe paseren hoṛ apnar leka dulạṛem.”

Luk 10:27 Referans Kwoze

Dosar Biboron 6:5

Ape do apeakʼ goṭa ontorte, goṭa jiwite, goṭa daṛete aperen Probhu Isor dulạṛepe.

Romiko lạgitʼ Pạul Apostolakʼ ciṭhi 13:9

Hukum menakʼa, “Alom laṭghaṭa, alom khũna; alom kombṛoya, alom lalocakʼa.” Noako ar noa lekan arhõ eṭakʼ hukumko do niạ katharege guṭ mitʼkate noage roṛakana, “Am aḍepaseren hoṛ do apnar lekam dulạṛea.”

Dosar Biboron 30:6

Ar jemon apeakʼ goṭa mon ar ontorte unipe dulạṛete jiwetʼpe tahen ona lạgitʼ ape ar aperen bõsko ontorreye khatna ocopea.

Levitikus 19:18

Alom hala hạliya, se okoe cetanre hõ monre khĩs alom dohoya. Ar am aḍepaseren hoṛ do apnar lekam dulạṛea. Iń kangeạń aperen Probhu Isor do.

Jakob 2:8

Sonot sostorre olakana, “Am aḍepaseren hoṛ apnar leka dulạṛem.” Ape do Mạsiyakʼ rajosṭi reakʼ ạnko sạrigepe manaoetʼ khan enḍekhan do ạḍipe bhageyetʼ kangea.

Dosar Biboron 10:12

“E Israel, amren Probhu Isor do am ṭhen khon ńit cetʼe khojkana? Uni doe khojkana jemon amren Isorem botorae ar uniyakʼ sanamakʼ hortem taṛam, unim dulạṛe ar amakʼ goṭa monte ar amakʼ goṭa jiwite unim sewawae, ar amakʼ bhạlại lạgitʼ teheń am ṭhen Probhu Isorakʼ okako hukum ar niạmiń emokʼkan ona baṛe dohoyme.

1 Johan 3:18

E gidrạko, abo do eken moca kathate dulạṛ baṅ udukʼkate kạmi hotete sạriyakʼ reakʼ dulạṛ bon udugma.

Ibriko 8:10

Probhu Isor do arhõe meneda, “Iń do Israelko lạgitʼ noa bondobos iń bandhaoa. Ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa, ar onko do ińren hoṛgeko hoyokʼa.

Galathiko lạgitʼ Pạul Apostolakʼ ciṭhi 5:13

E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ kusi sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

Mathae 19:19

eṅgam-ạpum ganaokinme ar am aḍepaseren hoṛ apnar leka dulạṛem.”

Dosar Biboron 6:4

“E Israelko ańjompe, aboren Probhu Isor doe mitʼ goṭengea.

Luk 10:26

Jisu do uniye metadea, “Moseyakʼ ạnre cetʼko ol menakʼa? Onḍe do cetʼem paṛhao akada?”