Luk 10:16 - সান্তালী বাইবেল

¹⁶ Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tediń kana. Ar okoe ińko nihạ̃tedińkan onko do kol akadińicʼgeko nihạ̃tedekana.”

Santali Common Language New Testament

¹⁶ Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tedeń kana. Ar okoe ińko nihạ̃tedeńkan onko do kol akadińicʼgeko nihạ̃tedekana.”

Luk 10:16 Referans Kwoze

Johan 13:20

Sạrigeń metapekana, iń okoeyin kole, ar uni okoeye ataṅe, uni do ińgeye ataṅedińạ ar iń okoeye ataṅiń uni do kol akadińicʼgeye ataṅedekana.”

Mathae 10:40

“Okoe apeko ataṅpe onko do ińgeko ataṅediń kana; ar okoe ińe ataṅediń kan uni do kol akadińicʼgeye ataṅedekana.

1 Thessalonikikko 4:8

Onate okoe noa cecetʼakʼ bae hetawakʼ uni do manwa do baṅ, bickom okoe acʼren sonot Jiue dan akawatʼpe uni Isorge bae hetawae kana.

Johan 12:48

Okoe iń bae bạsutạń ar ińakʼ katha bae ańjom uni lạgitʼ do bicạricʼ menaea. Oka kathań roṛakatʼ ona kathage mucạtʼ dinre uni do dusi menteye sạbudea;

Johan 12:44

Jisu do ãṭ aṛaṅteye menkeda, “Okoe ińreye pạtiạukʼkan uni do eken ińre do baṅ bickom okoeye kol akadiń unire hõe pạtiạukʼkana.

Mark 9:37

“Jãhãege nonkan kạṭicʼ gidrạ iń ńutumteye ataṅe uni do ińgeye ataṅińạ, ar okoe ińe ataṅiń uni do eken iń do baṅ, menkhan kol akadińicʼgeye ataṅedekana.”

Mathae 18:5

Ar jãhãege iń ńutumte nonkan kạṭicʼ gidrại ataṅe uni do ińgeye ataṅińạ.

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”

Aposkạmi 5:4

Ạkhriń lahare jumi do cetʼ amakʼge baṅ tahẽkana? Ar ạkhriń tayom hõ ṭaka do cetʼ amakʼ tirege baṅ tahẽkana? Enḍekhan cedakʼ nonkan kạmi dom kạmikeda? Am do manwa ṭhen eṛe do bam roṛ akada, menkhan Isor ṭhengem roṛ akada.”

Luk 9:48

Ona tayome metatʼkoa, “Jãhãege iń ńutumte nui gidrại ataṅe, uni do ińgeye ataṅińạ. Ar okoe ińe ataṅiń, uni do kol akadińicʼgeye ataṅea. Apeko modre okoe sanamko khone huḍiń utạricʼkan, unigeye maraṅa.”

Numeri 16:11

Am ar amren hoṛkoge Probhu Isor upạrte dolpe pakaoeda. Ar Aron doe celekante, uni upạrtepe karacʼ kurujokʼkana?”

Numeri 14:11

Probhu Isor do Moseye metadea, “Onko do ar tinạkʼ din ińko nihạ̃tińạ? Onko talare cinhạkoń udukʼ akatʼrehõ ar tinạkʼ din ińre bepạtiạuko tahena?

Numeri 14:2

Onko do Mose ar Aron upạrteko karacʼ kurucʼena. Ar jotoko mitʼkate unkinko metatʼkinạ, “Misor disạmre se hahaṅkarregele gocʼlen khan bhage hoykokʼa.

Exodus 16:8

Mose do arhõe menkeda, “Ạyupʼ jokhecʼ Probhu Isor do tinre jele emapea ar setakʼre piṭhạ unrepe bujhạu daṛeakʼa, Probhu Isorge Misor disạm khone oḍok ạguakatʼpea. Uni upạrte tinạkʼ kathape roṛakatʼ uni do jotogeye ańjom akada. Ar ạliń doliń celekana? Noako katha do ạliń upạrte do baṅ, menkhan Probhu Isor upạrtegepe roṛakada.”

Galathiko lạgitʼ Pạul Apostolakʼ ciṭhi 4:14

Ińakʼ ruạ iạtepe duklenre hõ bape hirkhạwạdiń tahẽkana, bickom Isorren goḍet se Jisu Mạsi cetʼlekape ataṅ akade onkage iń hõpe ataṅ sãohãledińa.