Luk 10:15 - সান্তালী বাইবেল

¹⁵ Ar am E Kapharnạhum, am do cetʼ serma hạbicʼ usul ocokʼem meneda? Tishõ baṅa, bickom am do patal puritem giḍi ocokʼa.”

Santali Common Language New Testament

¹⁵ Ar am E Kapharnạhum, am do cetʼ serma hạbicʼ usul ocokʼem meneda? Tishõ baṅa, bickom am do patal puritem giḍi ocokʼa.”

Luk 10:15 Referans Kwoze

Mathae 4:13

Jisu do Gạlilteye calaoena ar Nasaret atoe bạgiyatʼte Sebulon ar Naphthạli elaka reakʼ doreão aṛe Kapharnạhum nagrahate senkateye berelena.

2 Patras 2:4

Serma goḍetkoko kạiletʼre Isor do onko bae aṛakʼ giḍiletʼkoa, bickom norok reakʼ ńut ghaḍlakʼreye giḍiletʼkote bicạrko lạgitʼe dohoakatʼkoa.

Luk 13:28

“Tinre Abraham, Isạhak, Jakob ar nạbiko do Isorakʼ rajosṭirepe ńelkoa ar ape do bahrerepe giḍi ocoakana, unre ape dope rakʼ homora ar hasotepe togocʼ ḍaṭaea.

Mathae 11:23

Ar E am Kaparnạhum! Baṅ do serma hạbicʼem usul ocokokʼ? Tishõ baṅa, am do patal puritem giḍi ocokʼa. Okako hahaṛa kạmi amre hoyakan, onako Sodomre hoylen khan enḍekhan teheń hạbicʼ ona do tahẽkokʼa honaṅ.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Obodiạ 1:4

Am do pajhaṛ cẽṛẽ leka coṭrem ạphir baṛaekanre hõ ar ipilko talare oṛakʼem benaojoṅkanre hõ iń do onḍe khoniń or pheḍ ạgumea. Iń Probhu Isorge noa katha doń meneda.

Jeheskel 32:27

Menkhan onko do bin khatna akan eṭakʼ lạṛhại birko sãote do bako giticʼ tahena. Onko lạṛhại bir do khanḍa bhanḍawante Seolteko pheḍ akana, onkoakʼ tarwaṛe do onkoakʼ bohokʼ latarre doho akana ar onkoakʼ kại reakʼ sạjại do onkoakʼ jaṅko cetanrege menakʼa. Onko do jiwetʼkoakʼ disạmre torasko udukʼako kan tahẽkana.

Jeheskel 32:20

Lạṛhạire okoeko gocʼakan onko modre uniren hoṛge giḍi akanko tahena. Uni do tarwaṛereye soprot ocokʼa; uniren sanam hoṛko sãote uni hõe or idi ocokʼa.

Jeheskel 32:18

“E manwa hopon, Misorren hoṛko lạgitʼ homor halaṅpe ar okoe Seolteko pheḍ calakʼkan onko sãote uni ar eṭakʼ daṛean jạtkoren hoṛko hõ dhạrti reakʼ khandṛaṅte kolkakome.

Jeheskel 31:18

“ ‘E Pharao raj, ṭhonok ar jakjomok secʼte Eden reakʼ dareko modre mitʼṭecʼ hõ am soman do baṅkana. Enhõ Eden reakʼ dareko sãote amhõ ot reakʼ latar utạrakʼkotem pheḍ ocokʼa; ar okoe bin khatna akan hoṛ lạṛhạiteko gocʼakan onko sãote giticʼ akanem tahena.’ “Iń Probhu Isorgeń menetʼkana, ona dare do hoyokʼ kana Pharao ar uniren sanam phạdkoge.”

Jeheskel 26:20

unre patal purite calakʼkan hoṛko sãote onko sedaeren hoṛko ṭheniń pheḍ idimea. Ar dhạrti khạndṛuṅ reakʼ jarkharakʼ talare patal purite calakʼkan hoṛko sãoteń girobas ocomea. Amre do ar celege bako girobasokʼa ar jiwetʼkoakʼ disạmre amakʼ ṭhạ̃i do ar baṅ hoyokʼtama.

Jirimiạ 51:53

Babel do serma hạbicʼe usullenre hõ ar onḍe kajak aotan gaṛpe benaolerehõ, enhõ iń do uni upạrte jarkharicʼ iń kolea.”

Jesaea 5:14

Ona iạte patal puri do acʼakʼ nạnḍriye osar akatʼtaea, ar moca do maraṅ okocʼe cahapʼ akada. Ar manotanko ar disạm hoṛko, jhogṛakʼko, gulmaletʼ hoṛko jotoge onḍeko ńurokʼa.

Dosar Biboron 1:28

Abo do cekate onḍebo calakʼa? Aboren boehage coṅ aboakʼ mon mako bạṛicʼ akatʼtabon. Onkoko meneda, onḍenko hoṛ do abo khonko daṛeangea arko maraṅgea; onkoakʼ nagrahako hõ maraṅgetakoa ar beṛhaete pạcri hõ usulgetakoa. Onḍe do Anakren hopon hõko ńelketʼkoa.’

Genesis 11:4

Onkoko menkeda, “Dela, abo lạgitʼ mitʼṭecʼ nagraha bon benaoa ar nonkan mitʼṭecʼ usul oṛakʼ bon benaoa one ona reakʼ cuṛạ do serma hạbicʼ rakabokʼ. Ar noa iạte abo do ńutum hoyokʼtabona ar goṭa dhạrtire babon pasnaokʼa.”

Luk 16:23

Ado patalreye sasetokʼkan tahẽkanre coṭ secʼe beṅgetʼ rakapʼketʼ khan sạṅgińre Abraham ar uni sorre Lasare ńelkeda.