Luk 1:77 - সান্তালী বাইবেল

^77-78 Am do uniren hoṛkom baḍae ocokoa, cetʼ leka aboren Isorakʼ mãyãte kại reakʼ ikạ ńamokʼte kại khon bańcao bon ńama. Uniyakʼ mãyãte serma khon mitʼṭecʼ jolokʼkan marsal abo cetanreye pheḍ hijukʼ kana,

Santali Common Language New Testament

^77-78 Am do uniren hoṛkom baḍae ocokoa, cetʼ leka aboren Isorakʼ mãyãte kại reakʼ ikạ ńamokʼte kại khon bańcao bon ńama. Uniakʼ mãyãte serma khon mitʼṭen jolokʼkan marsal abo cetanreye pheḍ hijukʼ kana,

Luk 1:77 Referans Kwoze

Aposkạmi 10:43

Ar sanam nạbikoge uni reaṅ noa gohako emetʼkana, unire pạtiạukʼ mitʼke mitʼ hoṛ do uniyakʼ ńutumte kại reakʼ ikạko ńama.”

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

Aposkạmi 2:38

Patrase roṛ ruạṛatʼkoa, “Kại khon mon ạcurtape ar Jisu Mạsi ńutumte bạptisokʼpe. Ar ape do dan lekate sonot Jiupe ńamea.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Johan 1:34

Iń do onań ńelakada ar gohań emetʼkana nui kangeae Isorren Hopon do.”

Johan 1:29

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Luk 3:6

Manwako kại khon bańcaoko lạgitʼ Isor okae ceka akatʼ, ona do sanam hoṛko ńela.’ ”

Luk 3:3

Unre Johan do Jordan gaḍa beṛhaeteakʼ sanam jaegakore senkate porcare ehopʼena jemon hoṛko kại khon monko ạcurte ikạko ńam, ar ona reakʼ cinhạ lekate bạptismako ataṅ.

Ephesiko lạgitʼ Pạul Apostolakʼ ciṭhi 1:7

Isorakʼ bin mucạtʼ dayate Mạsi tulucʼ bon jopoṛao akante uniyakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

Jirimiạ 31:34

Apnar aḍepaserenko ar apnar boeha hõ noa mente okoege tishõ bae cetʼakoa, ‘Probhu Isor baḍaeyepe,’ ente jotoge ińko oromińạ. Ona iạte iń do onkoakʼ bedhoromiń ikạitakoa, onkoakʼ kại do ar tishõ bạń disạitakoa. Iń Probhu Isorge noa katha doń meneda.”

Romiko lạgitʼ Pạul Apostolakʼ ciṭhi 3:25

Isor doe sodorakatʼ tahẽkana je, okoeko pạtiạukʼkan onko lạgitʼ Jisu Mạsi do acʼakʼ mãyãm hotete, metakʼme acʼakʼ jiwiye alaeketʼte uniye kusi ocokedea. Nonkate Isor doe udukʼ akada acʼakʼ sahao gun iạte manwakoakʼ lahateakʼ kại reakʼ sạjại bae emlenre hõ uni doe dhoromgea.

Aposkạmi 19:4

Khan Pạule metatʼkoa, “Kại khon mon ạcurkate okaṭakʼ bạptisma ataṅokʼ, ona do Johanakʼ bạptisma kana. Johan do hoṛkoe metatʼko tahẽkana, acʼ tayomte okoeye daraekan unire, metakʼme Jisure jemonko pạtiạukʼ.”