Luk 1:64 - সান্তালী বাইবেল

⁶⁴ Ar unrege Sakariạwakʼ moca do jhicʼgotʼentaea ar alaṅ do ulṭạuentaea ar Isor sarhaoate katha roroṛe ehopʼena.

Santali Common Language New Testament

⁶⁴ Ar unrege Sakariạwakʼ moca do jhicʼgotʼena ar alaṅ do ulṭạuentaea ar Isor sarhaoate katha roroṛe ehopʼena.

Luk 1:64 Referans Kwoze

Luk 1:20

Ńelme, ińakʼ katha do okterege purạukʼa, menkhan ińakʼ katha bam pạtiạuatʼte am do guṅgạm tahena. Ar noako ạuri hoyokʼ hạbicʼ katha bam roṛ daṛeakʼa.”

Jirimiạ 1:9

Ona tayom Probhu Isor do ti tiạrkate ińakʼ mocae joṭetʼketʼteye metadińạ, “Nitokʼ do amakʼ mocare ińakʼ kathakoń dohokeda.

Jeheskel 33:22

Uni hoṛ seṭerokʼ lahare ạyupʼ jokhecʼ Probhu Isorakʼ ti do iń cetanre tahẽkana ar setakʼ jokhecʼ iń ṭhene hijukʼ lahare Probhu Isor do ińakʼ mocae jhicʼketʼtińạ. Onate iń do katha roroṛiń ehopʼena, ar guṅgạ do bạń tahẽlena.

Sereńko 51:15

E Probhu Isor, ińakʼ moca baṛe jhicʼkạtińme, iń do amakʼ sarhaoiń lại jạhira.

Mathae 9:33

Jisu do bhute oḍok giḍikade khan uni hoṛ do roroṛe ehopʼena. Onate sanam hoṛ do hahaṛayenteko menkeda, “Israel disạmre nonka do ar tishõ baṅ ńelakana.”

Jeheskel 3:27

Menkhan am tulucʼ iń galmarao jokhecʼ iń do amakʼ mocań jhijtama ar am do onko ṭhen Probhu Isorakʼ katham lạiya. Onko modre okoe amakʼ ańjom reakʼe khoj uni doe ańjomma ar okoe ańjom bae khoj uni do aloe ańjomma; ente onko do huhulkan jạtren kanako.”

Jesaea 12:1

Enhilokʼ am dom mena, “E Probhu Isor, iń do amiń sarhaomea, ente iń cetanre edrem sodorleda; menkhan ńitokʼ amakʼ edre do caba akana ar jiwi raṛecʼem emạń kana.

Jeheskel 29:21

“Enhilokʼ Israel do daṛean jạtkoń hoyocokoa ar onko talare katha roṛ lạgitʼ amakʼ mocań jhijtama. Unre onkoko baḍae daṛeakʼa, ińkangeạń Probhu Isor do.”

Exodus 4:11

Menkhan Probhu Isor do uniye metadea, “Manwakoakʼ moca do okoeye benao akada? Okoe uni doe kala, guṅgạ are kãṛã ocoakadea? Ar ńeńel lạgitʼ daṛe do okoeye emakawadea? Uni do cetʼ iń Probhu Isorgeń baṅkana?