Luk 1:33 - সান্তালী বাইবেল

³³ Uni do Jakob bõsrenko cetanre jaejug hạbicʼe rajokʼa. Ar uniyakʼ raj do tishõ baṅ mucạdokʼtaea.”

Santali Common Language New Testament

³³ Uni do Jakob bõsrenko cetanre jaejug hạbicʼe rajokʼa. Ar uniakʼ raj do tishõ baṅ mucạdokʼtaea.”

Luk 1:33 Referans Kwoze

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Ibriko 1:8

Menkhan Hopontetʼ reaṅ doe meneda, “E Isor, amakʼ siṅghạson do jug cetan jugge; ar amakʼ ḍanṭao do hok reakʼ ḍanṭaokangea.

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

2 Samuel 7:16

Amakʼ bõs ar rajosṭi do am samaṅre jaejug ṭarhao akae tahena. Ar amakʼ siṅghạson do jaejug hạbicʼ tahena.’ ”

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.

Sereńko 45:6

E Isor, amakʼ siṅghạson do jug cetan jugge; ar amakʼ ḍanṭao do dhorom reakʼ ḍanṭaokana.

Mikạ 4:7

Leḍhako do jiwetʼ iń dohokoa ar laga ńir hoṛko do mitʼṭen daṛean jạtreniń hoyocokoa. Ar iń Probhu Isorge enhilokʼ khon jaejug hạbicʼ Sion burure onko cetanreń rajokʼa.

Daniel 7:18

Menkhan mucạtʼre maraṅ Isorren hoṛko do ektiạri ńamkate jaejug, hẽ, jaejug hạbicʼko rajokʼa.’

Galathiko lạgitʼ Pạul Apostolakʼ ciṭhi 3:29

Mạsirenpe hoyakante Abraham bõsren hoponko hõpe hoyakana. Isor do Abraham oka emae reakʼe gokʼade tahẽkan ape hõ ona sanamakʼren ạidạrikope hoyakana.

Romiko lạgitʼ Pạul Apostolakʼ ciṭhi 9:6

Isorakʼ katha je eṛeteakʼ hoyakan ona do baṅa, ente okoe Israel jạtrenko talareye janam akan onko sanamkoge khạṭi Israel doko baṅkana.

Galathiko lạgitʼ Pạul Apostolakʼ ciṭhi 6:16

Okoe hoṛ noa ạn lekateko calakʼkan onkore, metakʼme Isorren sạri Israelko uni do suluk ar mãyãe dan akoma.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Mathae 1:1

Jisu Mạsi do Dạudakʼ bõsren ar Dạud do Abraham bõsren hoṛe tahekana. Jisu Mạsiyakʼ bõsbudạ do nonkaleka.

Obodiạ 1:21

Disạm cakʼlaoko do Sion buru khon Esaoakʼ buru ṭoṭhakoren hoṛko ḍanṭaokoa, ar rajosṭi do Probhu Isorakʼge hoyokʼa.

2 Samuel 7:13

Amren uni hoponge ińakʼ ṭhonok lạgitʼ mitʼṭecʼ oṛakʼe benaoa. Ar uniyakʼ raj siṅghạson do jaejug hạbicʼ tahena.

Sereńko 89:4

‘amakʼ bõs do jaejug hạbicʼ iń teṅgo keṭeja; ar piṛhike piṛhi amakʼ siṅghạsoniń ṭarhao dohoya.’ ” (Sela)

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Jesaea 16:5

Asambheṛ dulạṛte Dạudakʼ raj oṛakʼre mitʼṭecʼ siṅghạson do beredokʼa; mitʼṭen pạtiạrạnicʼ hoṛ do onareye duṛupʼa. Uni do dhoromteye bicạra ar usạrage dhorom kạmiye purạua.

Jirimiạ 23:5

Probhu Isore meneda, “Ona dinko hijukʼkana tinre iń do Dạudakʼ bõsre mitʼṭecʼ dhorom reakʼ kahleń omon ocoya; uni do raj lekate ạkil salakʼ rajosṭiye calaoa ar disạmre hok ar dhorom reakʼe kạmiya.

Daniel 4:34

Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.

Daniel 6:26

Ińiń hukumetʼ kana, ińakʼ rajosṭiren sanam hoṛ do jemon Danielren Isorko botorae arko ḍobokʼaema, ente uni kangeae jiwetʼ ar jaejugicʼ Isor do. Uniyakʼ rajosṭi do tishõ baṅ maraokʼtaea, ar uniyakʼ ạidạri do tishõ baṅ mucạdokʼtaea.

Luk 1:34

Mạriạm do serma goḍete metadea, “Noa do cekate hoedaṛekokʼa? Ińakʼ ma baplage coṅ baṅ hoyakantiń.”