Luk 1:31 - সান্তালী বাইবেল

³¹ Ńelme, am dom bhạrti hoṛmokʼa ar mitʼṭen koṛa gidrại hoyokʼtama. Uniyakʼ ńutum do Jisum dohoytaea.

Santali Common Language New Testament

³¹ Ńelme, am dom bhạrti hoṛmokʼa ar mitʼṭen koṛa gidrại hoyokʼtama. Uniakʼ ńutum do Jisum dohoetaea.

Luk 1:31 Referans Kwoze

Jesaea 7:14

Ona iạte Probhu Isor do acʼge ape ṭhen mitʼṭecʼ cinhại uduga. Ona do hoyokʼ kana, mitʼṭen kũạri kuṛi doe bhạrti hoṛmokʼa ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.

Mathae 1:21

Ar am do uniyakʼ ńutum Jisum dohoetaea, ente uni do acʼren hoṛko akoakʼ kại khone bańcaokoa.”

Mathae 1:25

Uni do Mạriạme baplakedea, menkhan gidrạ ạuriye janame hạbicʼ bae jakʼ joṭetʼledea; ar gidrạwakʼ ńutum do Jisui dohoketʼtaea.

Luk 2:21

Ado irạl mãhã purạuen khan Jihudikoakʼ niạm lekate uniyakʼ ńutum do Jisuko dohoketʼtaea. Noa ńutum do eṅgatakʼ kukhire ạuriye hijukʼre serma goḍete emlen tahẽkana.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Galathiko lạgitʼ Pạul Apostolakʼ ciṭhi 4:4

Menkhan oktetetʼ purạuen khan Isor do acʼren Hopone kolkedea. Uni Hopon do maejiuakʼ kukhireye janamena ar ạn gobolreye harayena.

Luk 1:13

Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniyakʼ ńutum do Johanem dohoytaea.

Luk 1:27

Uni do Dạud bõsren Joseph ńutuman mitʼṭen hoṛ sãote baplakʼ lạgitʼe horokʼ cikhnạ akan tahẽkana.

Kạhtukko 23:25

Amren go baba dokin rạskạkʼ ma; ar okoeye janam akatʼme uni doe hulạsokʼma.

Luk 20:44

Dạud ma Mạsige Probhu menteye hohowade tahẽkan; enḍekhan cekate Mạsi do Dạudren hopone hoydaṛekokʼa?”