Luk 1:20 - সান্তালী বাইবেল

²⁰ Ńelme, ińakʼ katha do okterege purạukʼa, menkhan ińakʼ katha bam pạtiạuatʼte am do guṅgạm tahena. Ar noako ạuri hoyokʼ hạbicʼ katha bam roṛ daṛeakʼa.”

Santali Common Language New Testament

²⁰ Ńelme, ińakʼ katha do okterege purạukʼa, menkhan ińakʼ katha bam pạtiạuatʼte am do guṅgạm tahena. Ar noako ạuri hoyokʼ hạbicʼ katha bam roṛ daṛeakʼa.”

Luk 1:20 Referans Kwoze

Jeheskel 3:26

Am do jemon hape akanem tahen ar onko bam ruhetʼ daṛeako ona iạte amakʼ alaṅ do tạrureń jalatʼ ocoytama. Ente Israelko do mitʼṭen huhulkan jạtren kanako.

Jeheskel 24:27

Ona jokhecʼ amakʼ moca do jhijokʼtama; am do uni tulucʼ katham roṛa, amakʼ alaṅ do ar baṅ thirokʼtama. Nonkate am do onko ṭhen mitʼṭecʼ cinhạm hoyokʼa ar onkoko baḍae daṛeakʼa, iń kangeạń Probhu Isor do.”

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Ibriko 6:18

Isorakʼ gokʼakʼ ar kiriạ do tishõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriạ akana, jemon abo samaṅre oka as menakʼ ona kajakte sapʼ dohoy lạgitʼ bạ̃ṛti udgạu bon ńam.

Luk 1:22

Ado Sakariại oḍok hecʼen khan hoṛko sãote katha bae roṛ daṛeada. Ar noateko bujhạukeda, uni do sonot jaegare jãhãn dorsone ńelakada. Uni do hoṛko sãote isạrate kathae roṛkeda ar guṅgạgeye tahẽyena.

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

2Timothi 2:13

Abo do bepạtiạrko bon hoylenre hõ uni do pạtiạricʼgeye tahena, ente acʼtetʼ do ohoe baṅ daṛelena.

Luk 1:45

Bhạgan geam am do, ente am dom pạtiạu akana, Probhu Isor okae men akawatʼme ona purạukʼa mente.”

Mark 16:14

Inạ tayom Jisu do acʼren gelmitʼ celako ṭhene ńel ocoyena. Unre onko doko jojomkan tahẽkana. Ar onkoakʼ bepạtiạu ar keṭecʼ mon iạte uni doe nisrạuketʼkoa, ente gocʼko khone jiwetʼ beretʼen tayom okoeko ńellede onkoakʼ katha bako pạtiạuatʼ tahẽkana.

Mark 9:19

Unre Jisui metatʼkoa, “E bepạtiạuko! Ar tinạkʼ din ape sãoteń tahena? Ar tinạkʼ iń sahaokatapea? Dini iń ṭhen ạguiyepe.”

Jesaea 7:9

Ephrayimren matha Samariạ baṅ cetʼ kan, ar Samariạren matha Remaliạren hoponge baṅe celekan? Apeakʼ pạtiạure ṭehãḍ akanpe tahen khan ape do oka lekate hõ ohope teṅgo keṭecʼ daṛelena.’ ”

2 Rapajko 7:19

Uni guti do Isorren hoṛe metade tahẽkana, “Ńelme, Probhu Isor do serma reakʼ duạre jhicʼlere hõ noa do baṅ hoedaṛeakʼa?” Isorren hoṛe roṛ ruạṛleda, “Am do amakʼ mẽtʼtegem ńela, menkhan ona reakʼ do cetʼge bam jom ńama.”

2 Rapajko 7:2

Raj do okoe gutiye goṛowade tahẽkan uni guti do Isorren hoṛe metadea, “Ńelme, Probhu Isor do serma reakʼ duạrkoe jhicʼlere hõ onka do ohoge hoylena?” Elisaeye roṛ ruạṛkeda, “Amakʼ mẽtʼtege noa dom ńela, menkhan am do ona reakʼ cetʼge bam jom ńama.”

Numeri 20:12

Menkhan Probhu Isor do Mose ar Arone galmaroatʼkinạ, “Aben do iń cetanre baben bhorsalena ar Israelko samaṅre sonot mente baben manaoledińa. Onate Israelko okaṭakʼ disạmiń emako ona disạmte onko do baben idi daṛeakoa.”

Exodus 4:11

Menkhan Probhu Isor do uniye metadea, “Manwakoakʼ moca do okoeye benao akada? Okoe uni doe kala, guṅgạ are kãṛã ocoakadea? Ar ńeńel lạgitʼ daṛe do okoeye emakawadea? Uni do cetʼ iń Probhu Isorgeń baṅkana?

Romiko lạgitʼ Pạul Apostolakʼ ciṭhi 3:3

Onko modre adom hoṛ do bako pạtiạulena, menkhan onate do cekayena? Onko bako pạtiạu akan iạte Isor hõ cetʼ bepạtiạricʼe hoyokʼa?

Daniel 10:15

Uni do tinre niạ kathae metadińạ unre iń doń tumbutʼ akan tahẽkana, ar ińakʼ mocare cetʼ kathage baṅ tahẽkana.

Luk 1:19

Serma goḍete menkeda, “Iń doń Gabriel kana; iń do Isor samaṅre teṅgo akaniń tahenkana. Am saõte galmarao ar noa bhage sombat emam lạgitʼge Isor doe kol akadińạ.

Luk 1:21

Hoṛko do Sakariạ lạgitʼko koyokʼ hor akatʼ tahẽkana. Ar mundil reakʼ sonot jaegareye bilomokʼkana ńelte onko do hahaṛakʼko ehopʼena.

Luk 1:64

Ar unrege Sakariạwakʼ moca do jhicʼgotʼentaea ar alaṅ do ulṭạuentaea ar Isor sarhaoate katha roroṛe ehopʼena.