Luk 1:13 - সান্তালী বাইবেল

¹³ Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniyakʼ ńutum do Johanem dohoytaea.

Santali Common Language New Testament

¹³ Serma goḍet do uniye metadea, “Alom botorokʼa, Sakariạ, ente Isor do amakʼ koejoṅe ańjomakada. Amren bạhu Elisabetren do mitʼṭen koṛa gidrại hoyokʼtaea. Ar uniakʼ ńutum do Johanem dohoetaea.

Luk 1:13 Referans Kwoze

Aposkạmi 10:31

‘Kornelius, Isor do amakʼ koejoṅe ańjom akada ar reṅgecʼ orecʼkom danakokan reakʼ katha hõ uni doe disạ akada.

1 Samuel 2:21

Probhu Isor do Hanna sạrigeye dayawadea. Onate Hanna doe bhạrti hoṛmoyena ar uniren do jotote pea hopon ar barea kuṛikin hoyentaea. Ar huḍiń Samuel do Probhu Isor ṭhen tahẽkate hara idikʼe ehopʼena.

Sereńko 113:9

Bạńjhi do gidrạkoren rạskạwạnicʼ gogoye hoyocoyedea ar soṅsar reakʼ purạ ạidạri hõe emaekana. Probhu Isorakʼge sarhao hoyokʼtae ma.

Genesis 25:21

Isahakren bạhu do bạńhigeye tahẽkante Isahak do acʼren bạhu lạgitʼ Probhu Isor ṭhene koekeda. Probhu Isor do uniyakʼ koejoṅe ańjomkeda ar Rebeka doe bhạrti hoṛmoyena.

Luk 2:21

Ado irạl mãhã purạuen khan Jihudikoakʼ niạm lekate uniyakʼ ńutum do Jisuko dohoketʼtaea. Noa ńutum do eṅgatakʼ kukhire ạuriye hijukʼre serma goḍete emlen tahẽkana.

Sereńko 118:21

Iń do amiń sarhaomea, ente am do ińakʼem ańjom akada; ińakʼ bańcao do amrege menakʼa.

Genesis 18:14

Probhu Isor ṭhen bin leṭejokʼakʼ do cetʼge bạnukʼanaṅ. Hijukʼkan bochor niạ okte iń do arhõ am ṭheniń hijukʼa ar unre Sarawakʼ hoborre mitʼṭen koṛa gidrại tahena.”

Mathae 14:27

Unre Jisui metatʼkoa,” Dil joṅpe, alope botorokʼa, ińkangeạń.”

Genesis 17:19

Unre Isore menkeda, “Amren bạhu Sara do sạrige gidrại hoyokʼtaea, ar uniyakʼ ńutum do Isahakem dohoytaea (metakʼme ‘landa’). Uni ar uni bõsren hoṛko lạgitʼ iń do ińakʼ jaejug hạbicʼ bondobosiń dohoya. Tobe Ismael reaṅ okam menketʼ iń doń ańjomkeda.

Mathae 28:5

Serma goḍet do maejiue metatʼkinạ, “Aloben botorokʼa, ente ińiń baḍaea, aben do kurus ocolen Jisu ben ńam baṛayede kana.

Daniel 10:12

Uni do roroṛe ehopʼena, “E Daniel, alom botorokʼa, ente buj ńam lạgitʼ ar amren Isor samaṅre nindhạnokʼ lạgitʼ amakʼ monem lagaoketʼ pạhil hilokʼ khonge amakʼ kathako do ańjom akantama; ar iń do amakʼ kathako iạtegeń hecʼakana.

Bikʼcạrko 6:23

Menkhan Probhu Isor do uniye metadea, “Suluk hoyokʼtam ma, ar alom botorokʼa. Am do bam gujukʼa.”

Genesis 17:10

Ińakʼ noa bondobos do, cinhạ lekate aperen sanam herel hoponko do khatnakʼ hoyokʼtakoa, ona do am ar am bõsren hoṛko manao idiya.

Luk 1:30

Serma goḍet do uniye metadea, “Mạriạm, alom botorokʼa, ente Isor do ạḍiye daya akatʼmea.

Jesaea 8:3

Tayomte ińren bạhu, okoe do maejiu nạbiye tahẽkan, uni sãoteń giticʼ mitʼente uni doe bhạrti hoṛmoyena ar mitʼṭen koṛa gidrại janamkedea. Unre Probhu Isor do ińe metadińạ, “Uniyakʼ ńutum do Maher-Salal-Has-Bas em dohoytaea.

Hosea 1:6

Gomer do arhõe bhạrti hoṛmoyena ar uniren do armitʼṭen kuṛi hopone janamena. Unre Probhu Isor do Hoseae metadea, “Kuṛi hoponakʼ ńutum do Lo ruhamah. (metakʼme ‘Mãyãwạnicʼ do baṅa’) ente Israelren hoṛko do ar bạń dayawakoa, ar onko do baṅgeń ikạkoa.

Hosea 1:4

Unre Probhu Isor do Hoseae metadea, “Am do uniyakʼ ńutum Jisreyelem dohoytaea, ente Jisreyel nagrahare Jehu do ḍher hoṛe gocʼletʼkote iń do uniyakʼ bõsrenko cetanre usạrage sạjạiyiń ạguiya ar Israelakʼ rajosṭiń caba utạra.

Mark 16:6

Uni juạn hoṛe metatʼkoa, “Alope tharbasaokʼa. Ape do Nasaretren Jisu, okoe doko kuruslede, unipe sendra baṛayede kana? Nonḍe do bạnugicʼan, uni doe jiwetʼ beretʼ akana. Ar nõkʼõe ńelpe ona jaega, one okareko doholede.

Mathae 1:21

Ar am do uniyakʼ ńutum Jisum dohoetaea, ente uni do acʼren hoṛko akoakʼ kại khone bańcaokoa.”

Luk 1:14

Uni do amakʼ jionre maraṅ rạskạwạnicʼe hoyokʼa ar uniyakʼ janam khạtirte arhõ ạḍi utạr hoṛko rạskạkʼa.