Levitikus 9:23 - সান্তালী বাইবেল

²³ Inạ tayom Mose ar Aron do ńapamokʼ tạmbu bhitrite kin boloyena. Ar onḍe khon oḍok hecʼkate unkin do hoṛkin bhoratʼkoa. Unre Probhu Isorakʼ ṭhonok do hoṛko samaṅre sodorena.

Levitikus 9:23 Referans Kwoze

Levitikus 9:6

Unre Mose do onkoe metatʼkoa, “Probhu Isorakʼ mạhima ape samaṅre jemon sodorokʼ ar onate uni do noako kạmi lạgitʼe hukum akatʼpea.”

Numeri 16:19

Korah do tinre Mose ar Aron upạrte somajren sanam hoṛko jarwakate ńapamokʼ tạmbu reakʼ duạr ṭhene teṅgoyena unre Probhu Isorakʼ ṭhonok do onko samaṅre sodorena.

Numeri 16:42

Menkhan somajren sanam hoṛko tinre Mose ar Aron upạrte jarwakate ńapamokʼ tạmbu secʼko samaṅkeda unre ackage ńapamokʼ tạmbu do ona rimilte danaṅena ar Probhu Isorakʼ ṭhonok sodorena.

Numeri 14:10

Menkhan onko do Josuạ ar Kaleb dhirite tiń gocʼkin lạgitʼko mepenena. Unre ńapamokʼ tạmbu khon Probhu Isorakʼ ṭhonok do sanam Israel hoponko samaṅre sodorena.

Exodus 39:43

Mose do onkoakʼ joto kạmi ńelteye bujhạukeda, Probhu Isorakʼ hukum lekage jotowakʼ kạmi do hoyakana. Onate Mose do Israelkoe bhoratʼkoa.

2 Bõsbudạ 7:1

Solomonakʼ koejoṅ mucạtʼen são sãote serma khon seṅgel do pheḍ hecʼente jeredokʼ samaṅokʼakʼ ar eṭakʼ eṭakʼ samaṅokʼakʼ jotowakʼ jiniskoe atarkeda ar koejoṅ oṛakʼ do Probhu Isorakʼ ṭhonokte perecʼena.

Exodus 16:10

Aron do tinre Israelko sãote kathae roroṛkan tahẽkana unre onko do hahaṅkar secʼko beṅgetʼketʼ khan, onḍe rimilre Probhu Isorakʼ ṭhonokko ńelkeda.