Levitikus 9:15 - সান্তালী বাইবেল

¹⁵ Ona tayom Aron do hoṛkoren samaṅokʼren janwarkoe ạguketʼkoa. Uni do hoṛkoakʼ kại ńutumte merome dãṛẽkedea ar lahate leka uni hotetege kại ńutumte samaṅokʼakʼe samaṅkeda.

Levitikus 9:15 Referans Kwoze

Ibriko 5:3

Uni do cetʼleka eṭakʼ hoṛkoakʼ kại lạgitʼ janware dãṛẽyedekan onkage acʼ apnartetʼ hõe nijorgete apnar lạgitʼ hõ ona dãṛẽ samaṅ hoyokʼtaea.

Ibriko 2:17

Onate Jisu do sanam secʼte acʼren boehako leka hoyokʼ hoylentaea, jemon uni do mãyãwan ar pạtiạranicʼ maraṅ naeke lekate Isorakʼkoe sapʼsor daṛeakʼ. Ar noa reakʼ monsubạ do hoyokʼ kana, jemon acʼakʼ gujukʼte manwakoakʼ kạiye ocogte Isore kusi ocoye.

Levitikus 9:3

Ar Israelkom metakoa jemon onko do Probhu Isor samaṅre kại ńutumte samaṅokʼ lạgitʼ mitʼṭen merom, jeredokʼ samaṅokʼ lạgitʼ mitʼṭen mĩhũ ar mitʼṭen bhiḍi hopon ar sulukren samaṅokʼ lạgitʼ mitʼṭen ḍaṅgra ar mitʼṭen bheḍako ạguko. Mĩhũ ar bheḍa hopon banarge jemon mitʼ bochor umerrenkin hoyokʼ ar jemon unkin do niphuṭ utạrkin hoyokʼ. Ar onko sãote jemon sunum mesalakatʼ jomakʼ samaṅokʼakʼ reakʼ jinis hõko ạgu darae. Noako nonkae hoyokʼtakoa ente Probhu Isor do onko ṭhene ńel ocokʼa.”

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Levitikus 9:14

Bheḍawakʼ lacʼ bhitri reakʼ hĩsko ar jaṅgako ạrupʼ saphakate uni do pinḍ cetan reakʼ jeredokʼ samaṅokʼakʼ cetanre dohokate onako hõe jeretʼkeda.

Levitikus 10:16

Kại ńutumte okoeṭakʼ merom bodae samaṅlen Mose do uniyakʼ jel reaṅ khojkateye baḍaekeda uni doe jeretʼ caba akana. Onate uni do Aronren sarecʼ banar hopon Eleasar ar Ithamar cetanre raṅgaoenteye metatʼkinạ,

2 Bõsbudạ 29:24

Inạ tayom naekeko do onko meromkoe gurketʼkoa ar sanam Israelkoakʼ kại ńutumte pinḍ cetanre ona mãyãmte kại reakʼ puruchune hoyocokeda. Sanam Israelko lạgitʼ jeredokʼ samaṅokʼakʼ ar kại iạte samaṅokʼakʼ lạgitʼ hukum do rajgeye ematʼko tahẽkana.