Levitikus 8:31 - সান্তালী বাইবেল

³¹ Ona tayom Mose do Aron ar uniren hoponkoe metatʼkoa, “Ape do ńapamokʼ tạmbu reakʼ duạr ṭhen noa jelpe isina ar onḍege ojokʼ bahalokʼ polob reakʼ ḍạlicʼre menakʼ piṭhạ tulucʼpe joma, ente iń do noań hukumatʼme tahẽkana, am ar amren hopon do ona reakʼ jojom hoyokʼtapea mente.

Levitikus 8:31 Referans Kwoze

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń kurus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

Johan 6:51

Ińge ona jiwetʼ reakʼ piṭhạ do one serma khon pheḍ hecʼakan. Ar okoe noa piṭhại jom uni do jaejug hạbicʼ jiwetʼe tahena. Ińakʼ hoṛmo kangea ona piṭhạ do. Manwa jemon jionko ńam ona lạgitʼ iń do ińakʼ hoṛmoń emokʼa.”

Johan 6:35

Jisui metatʼkoa, “Ińge ona jion reakʼ piṭhạ do. Okoe iń ṭhene hijukʼ uni do tis hõ baṅ reṅgejea. Ar okoe ińreye pạtiạukʼkan uni do tisge baṅ tetaṅea.

Johan 6:33

Serma khon pheḍ hecʼkate manwako okoe jione emakokan unikangeae Isore emokʼkan piṭhạ do.”

Levitikus 10:17

“Kại ńutumte samaṅokʼ reakʼ jel do sonot ṭhạ̃ire cedakʼ baben jomleda? Noa do sonot utạrakʼ jiniskana. Probhu Isor samaṅre Israelkoakʼ kại khon puruchun lạgitʼge onko doko ematʼben tahẽkana.

Levitikus 7:15

Gun manao johar lạgitʼ noa samaṅokʼakʼ jel do enhilokʼge jom cabae hoyokʼa, ar setakʼ hạbicʼ do baṅ sarecʼkakʼ hoyokʼa.

Levitikus 6:28

Ar hasa reakʼ okaṭakʼ ṭukucʼre noa samaṅokʼ reakʼ jel isinokʼ ona do rạputʼ giḍikakʼ hoyokʼa, menkhan pitạl reakʼ jinisre isinokʼ khan ona do gasao saphae hoyokʼa.