Levitikus 8:3 - সান্তালী বাইবেল

³ Ar ńapamokʼ tạmbu reakʼ duạr ṭhen sanam Israelkom jarwakoa.”

Levitikus 8:3 Referans Kwoze

Aposkạmi 2:1

Niạ thoṛa din tayom Pentekosṭ porob reakʼ dinre celako do mitʼ ṭhenko jarwa mitʼakan tahẽkana.

2 Bõsbudạ 30:13

Dosar cando do bin khạmiyanakʼ piṭhạ porobokʼ lạgitʼ ạḍi utạr hoṛ do Jerusalemre hecʼkateko jarwayena.

Sereńko 22:25

Maraṅ sabhare ińakʼ oka sarhaoteakʼ menakʼ ona do am ṭhen khonge hijukʼkana ar amre okoekoakʼ botor menakʼ onko samaṅre iń do ińakʼ manotakʼ koń purạutińạ.

Nehemiạ 8:1

Eaeakʼe cando lahare sanam hoṛko do mitʼ sãote dakʼ phaṭok samaṅre maedanreko jarwayena. Unre dhorom guru Esra do Israelko lạgitʼ Probhu Isorakʼ emakʼ hukum, metakʼme Moseyakʼ ạn-ạri puthi ạgu darako metadea.

2 Bõsbudạ 30:25

Jihudạren sanam hoṛko, naekeko, Liwiko, Israel khonko hecʼ akan hoṛko ar Israelre ar Jihudạre girobasokʼkan okoe bidisiạkoko hecʼlen onko sanamkogeko rạskạyena.

2 Bõsbudạ 5:6

Solomon raj ar uni ṭhenko jarwa akan sanam Israelko do sinduk samaṅre nunạkʼ bheḍa ar ḍaṅgrako samaṅketʼkoa, onko do bako lekha daṛeatʼkoa.

2 Bõsbudạ 5:2

Inạ tayom Solomon raj do Dạud nagraha, metakʼme Sion khon Probhu Isorakʼ bondobos sinduk ạgui lạgitʼ Israelren murubbiko, gusṭiren mathako ar Israelren mukhiyạko Jerusalemre acʼ ṭhene jarwaketʼkoa.

1 Bõsbudạ 15:3

Ar Probhu Isorakʼ sinduk lạgitʼ Dạud okare ṭhạ̃iye ṭhik dohoakatʼ tahẽkan onḍe ạgui lạgitʼ uni do sanam Israelko mitʼ ṭhene jarwaketʼkoa.

1 Bõsbudạ 13:5

Onatege Kiriat-Jiyarim khon Isorakʼ sinduk ạgui lạgitʼ Dạud do Misor reakʼ Sihor gaḍa khon Homat reakʼ simạ hạbicʼ sanam Israelkoe jarwa mitʼketʼkoa.

Numeri 21:16

Onḍe khon mohnḍakate Israelko do Beyar ńutuman mitʼṭecʼ kuń ṭhenko seṭerena. Niạ kuń ṭhenge Probhu Isor do Moseye galmaraoadea, “Hoṛko mitʼ ṭhen jarwakom, onko do dakʼiń emakoa.”

Numeri 20:8

“Am do ona ṭheṅga hataome ar dadam Aron taben Israel hoponko mitʼ ṭhen jarwakʼ lạgitʼ metakoben. Ar am do Israelko samaṅre menakʼ maraṅ dhirim metawakʼa ar ona do dakʼe emokʼa. Israel hoponko ar onkoren janwarko jemon dakʼko ńũ daṛeakʼ ona iạte am do dhiri khon dakʼem oḍok akoa.”

Levitikus 8:2

“Am do Aron ar uniren hoponko nonḍem ạgukoa. Ar ona sãote onkoakʼ kicricʼko, ojokʼ bahalokʼ reakʼ sunum, kại ńutumte samaṅokʼren ḍaṅgra, barea bheḍa ar bin khạmiyanakʼ piṭhạ reakʼ ḍạlicʼ hõm ạgu daraya.

Levitikus 8:4

Probhu Isorakʼ hukum leka Mose do sanamakʼe kạmikeda. Ar Israelren sanamko do ńapamokʼ tạmbu reakʼ duạr ṭhenko jarwayena.

Numeri 8:9

Inạ tayom do ńapamokʼ tạmbu samaṅre Liwikom ạgukoa ar sanam Israel hoponko mitʼ ṭhenem jarwakoa.

Levitikus 14:11

Ar okoeṭakʼ naeke uniyakʼ saphakʼ reakʼe kạmikatae uni do samaṅokʼakʼ lạgitʼe ạguakatʼ uniyakʼ jinisko ńapamokʼ tạmbu reakʼ duạr ṭhen Probhu Isor samaṅreye ạguiya.