Levitikus 8:27 - সান্তালী বাইবেল

²⁷ Onako uni do Aron ar uniren hoponkoakʼ tireye calatʼkote dolek samaṅokʼakʼ lekate ona do Probhu Isor samaṅreye dolaokeda.

Levitikus 8:27 Referans Kwoze

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Jirimiạ 30:21

Onkoren mukhiyạ do onkoren mitʼ hoṛe hoyokʼtakoa; onko tala khonge ḍanṭaoicʼe rakabokʼa. Iń do uniń hohoaea ar uni do iń ṭhene hijukʼa, ente bạń hohoae khan uni do cetʼ dil salakʼ iń ṭhene hecʼdaṛeakʼa?

Levitikus 8:28

Ona tayom uni do onkoakʼ ti khon onako hatao ruạṛkate ojokʼ bahalokʼ reakʼ samaṅokʼakʼ pinḍre jeredokʼ samaṅokʼ cetanreye jeretʼkeda. Noa do Probhu Isor ńutumte seṅgelteakʼ mitʼṭecʼ samaṅokʼakʼ kana, one ona reakʼ jut so Probhu Isor doe kusiyakʼkan.

Levitikus 14:12

“Ar naeke do unkin bhiḍi modren mitʼṭene hataoea ar mitʼ liṭer pe poa sunum tulucʼ dos ńutumte samaṅokʼakʼe samaṅa ar dolek samaṅokʼakʼ ńutumte Probhu Isor samaṅreye dolaoa.