Levitikus 8:23 - সান্তালী বাইবেল

²³ Mose do uni bheḍae dãṛẽkedea ar uniyakʼ ṭhoṛa mãyãm hataokate Aronakʼ jojom lutur reakʼ gonḍare ar jojomti ar jojom jaṅga reakʼ buḍhạ kạṭupʼreye jotʼadea.

Levitikus 8:23 Referans Kwoze

Exodus 29:20

Ar bheḍam mageya ar uniyakʼ thoṛa mãyãm hataokate Aron ar uniren hoponkoakʼ jojom lutur reakʼ gonḍare, jojom ti ar jaṅgạkin reakʼ buḍhạ kạṭupʼrem jotʼakoa. Ona chaḍa sarecʼ mãyãm do pinḍ beṛhaetem irciyakʼa.

Levitikus 14:17

Ona tayom acʼakʼ ti reakʼ sarecʼakʼ sunum khon thoṛa hataokate uni hoṛakʼ jojom lutur reakʼ gonḍare ar jojom ti ar jojom jaṅga reakʼ buḍhạ kạṭupʼre dos ńutumte dãṛẽ reakʼ mãyãm cetanreye lagaoaea.

Levitikus 14:14

Naeke do dos ńutumte samaṅ akade janwarakʼ mãyãm khon thoṛa hataokate uni hoṛakʼ lutur reakʼ gonḍare ar jojom ti ar jojom jaṅga reakʼ buḍhạ kạṭupʼreye jotʼaea.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

Philipiko lạgitʼ Pạul apostolakʼ ciṭhi 1:20

Ińakʼ purạ biswạs menakʼtińạ je, okaṭakʼte hõ iń do bạń lajao ocokʼa, bickom dil menakʼtińạ, cetʼleka lahate iń hotete Mạsiyakʼ ṭhonok sodorokʼkan tahẽkan onkage ńitokʼ hõ hoyokʼa baṅ doń gujukʼ ar baṅ doń jiwedokʼ;

1 Korinthiko 6:20

Ape do apnar lạgitʼ dope baṅkana; ente aema damtepe kiriń ocoakana; onate apeakʼ hoṛmo do Isorakʼ mạhimakʼ lạgitʼ emokʼpe.

1 Korinthiko 1:30

Jisu Mạsi tulucʼpe mitʼakan ona do Isor khonge hoyakana. Jisu Mạsige abo lạgitʼ Isor ṭhen khone emakan akel do; unige aboren dhoromicʼ, sonoticʼ ar chakʼḍaoicʼ.

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Romiko lạgitʼ Pạul Apostolakʼ ciṭhi 6:19

Manwakoakʼ nijortetʼ iạte iń do manwako bujhạu ocoko lekage kathań roṛeda. Ape hõ cetʼleka lahate artetʼ behokakʼ kạmi lạgitʼ apeakʼ hoṛmo hạṭińko besapha ar bedhoromren golampe hoyocoletʼ, onkage ńitokʼ do sonotre hara rakabokʼte apeakʼ hoṛmo hạṭińko dhorom kạmi lạgitʼ golam baṛe hoeocoytape.

Romiko lạgitʼ Pạul Apostolakʼ ciṭhi 6:13

Hoṛmo reakʼ oka hạṭiń hõ behokakʼ kạmi reakʼ hạtiạr lekate kại reakʼ tire alope jimạkakʼa. Gocʼko khon jiwetʼ akan hoṛko lekate ape do Isor ṭhen gobolokʼpe ar dhorom kạmi reakʼ hạtiạr lekate apeakʼ goṭa hoṛmoge Isor emaepe.

Levitikus 14:28

Uni hoṛakʼ jojom lutur reakʼ gonḍare ar jojom ti ar jojom jaṅga reakʼ buḍhạ kạṭupʼre okakore naeke do dos ńutumte dãṛẽ reakʼ mãyãme jotʼade tahekan ona jaegakore hõ ona sunume jotʼaea.

Ibriko 5:8

Menkhan Isorren Hopon hoykatere hõ uni do duk saset talate batao reakʼe cetʼleda.

Ibriko 2:10

Sanamakʼ do Isor lạgitʼ kangea ar uni hotetege sanamakʼ do hoyakana. Onate ạḍi utạr hoponko acʼakʼ mạhimaren bhạgiyạdarko hoyocoko lạgitʼ Jisu do duk jom talate sạbit ocoye reakʼ lek tahẽkantaea.

1 Thessalonikikko 5:22

ar joto lekan bạṛicʼakʼ khon sahaṛ akae tahenpe.

Exodus 29:21

Ona tayom ojokʼ bahalokʼakʼ thoṛa sunum ar pinḍ khon thoṛa mãyãm hataokate Aron ar uniren hoponkoakʼ kicricʼrem irciya. Onate kicricʼ sudhạ uni ar uniren hopon do iń ńutumteko begar ocokʼa.

Levitikus 7:37

Noa do hoyokʼkana jeredokʼ samaṅokʼakʼ, jomakʼ samaṅokʼakʼ, kại ńutumte samaṅokʼakʼ, dos ńutumte samaṅokʼakʼ, ojokʼ bahal porob reakʼ samaṅokʼakʼ ar sulukren samaṅokʼakʼ reakʼ niạmkoge.

Levitikus 14:25

Uni dãṛẽ akade bheḍa khon thoṛa mãyãm hataokate naeke do uni hoṛakʼ jojom lutur reakʼ gonḍare ar jojom ti ar jojom jaṅga reakʼ buḍhạ kạṭupʼreye jotʼaea.