Levitikus 8:22 - সান্তালী বাইবেল

²² Ona tayom uni do eṭakʼ bheḍa, metakʼme samaṅokʼren bheḍae ạgukedea. Unre Aron ar uniren hoponko do uni bheḍa cetanre akoakʼ tiko dohoketʼtakoa.

Levitikus 8:22 Referans Kwoze

Levitikus 8:2

“Am do Aron ar uniren hoponko nonḍem ạgukoa. Ar ona sãote onkoakʼ kicricʼko, ojokʼ bahalokʼ reakʼ sunum, kại ńutumte samaṅokʼren ḍaṅgra, barea bheḍa ar bin khạmiyanakʼ piṭhạ reakʼ ḍạlicʼ hõm ạgu daraya.

Ephesiko lạgitʼ Pạul Apostolakʼ ciṭhi 5:25

E jãwãeko, Mạsi cetʼ leka manḍere dulạṛletʼ ar ona lạgitʼ apnare emen ṭhik onkage ape hõ aperen bạhuko dulạṛkope.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

1 Korinthiko 1:30

Jisu Mạsi tulucʼpe mitʼakan ona do Isor khonge hoyakana. Jisu Mạsige abo lạgitʼ Isor ṭhen khone emakan akel do; unige aboren dhoromicʼ, sonoticʼ ar chakʼḍaoicʼ.

Johan 17:19

Onko iạte am lạgitʼ iń doń begar akana jemon sạriyakʼ hotete onko hõko begar ocokʼ.

Levitikus 8:29

Ona tayom uni do acʼakʼ bakhra reakʼ hĩs, metakʼme ojokʼ bahalokʼ samaṅokʼren bheḍawakʼ koṛam reakʼ hĩs hataokate dolek samaṅokʼakʼ lekate Probhu Isor samaṅreye dolaokeda. Ar Mose do jotowakʼge Probhu Isorakʼ hukum lekae kạmikeda.

Levitikus 7:37

Noa do hoyokʼkana jeredokʼ samaṅokʼakʼ, jomakʼ samaṅokʼakʼ, kại ńutumte samaṅokʼakʼ, dos ńutumte samaṅokʼakʼ, ojokʼ bahal porob reakʼ samaṅokʼakʼ ar sulukren samaṅokʼakʼ reakʼ niạmkoge.