Levitikus 8:21 - সান্তালী বাইবেল

²¹ Uni do bheḍawakʼ jaṅga ar lacʼ bhitri reakʼ hĩsko dakʼteye ạrupʼ saphakeda ar bheḍa do goṭate jeredokʼ samaṅokʼakʼ reakʼ pinḍ cetanreye atarkedea. Noa do Probhu Isor ńutumte seṅgelteakʼ mitʼṭecʼ samaṅokʼakʼ kana, one ona reakʼ jut so Probhu Isor doe kusiyakʼkan. Ar Mose do jotowakʼge Probhu Isorakʼ hukum lekae kạmikeda.

Levitikus 8:21 Referans Kwoze

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Exodus 29:18

Inạ tayom do pinḍ cetanrem atar giḍikaea. Noa do Probhu Isor ńutumte mitʼṭecʼ jeredokʼ samaṅokʼakʼge, metakʼme Probhu Isor ńutumte seṅgelre mitʼṭecʼ samaṅokʼakʼge, one ona reakʼ jut so do uniye kusiyakʼ kan.

Levitikus 2:9

Jomakʼ samaṅokʼakʼ reakʼ purạ samaṅokʼakʼ bodolte oka hạṭiń emokʼ hoyokʼ naeke do pinḍ cetanre eken onae jereda. Noa do seṅgelre mitʼṭen samaṅokʼakʼ kana, one ona reakʼ jut so do Probhu Isore kusiyakʼkan.

Levitikus 1:17

Uni do phạ̃kṛạ̃kʼre sapʼkate nonkae phạṛiyea jemon aloe topage. Ar ona tayom naeke do pinḍre jolokʼkan seṅgelreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Genesis 8:21

Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea.

Exodus 12:9

Ona jel do berelte se dakʼte isinkate do alope joma, menkhan bohokʼ, jaṅga ar bhitri reakʼ hạṭińko sudhạ seṅgelre rapakʼ katepe joma.

Exodus 40:16

Probhu Isor Mose oka lekae hukumade tahẽkan onkage jotowakʼe kạmikeda.

Levitikus 1:9

Ar samaṅedeyicʼ do uniyakʼ jaṅga ar lacʼ bhitri reakʼ sanam hạṭińko dakʼteye ạrupʼ saphaea ar naeke do onako sudhạ goṭa ḍaṅgrage pinḍreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana, one ona reakʼ jut so Probhu Isor doe kusiyakʼkan.

Levitikus 1:13

Ar samaṅetʼkạnicʼ do jaṅgako ar lacʼ bhitri reakʼ hĩsko dakʼteye ạrupʼ saphaea ar naeke do onako sudhạ goṭa ḍaṅgrage pinḍ cetanreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Levitikus 8:9

Ona tayom dạhṛi do Aronakʼ bohokʼreye horokʼadete sonot mukuṭ, metakʼme ona sona reakʼ pat do dạhṛi reakʼ samaṅ secʼe lagaoadea. Ar Mose do Probhu Isore hukumade leka sanamakʼgeye kạmikeda.

Levitikus 8:13

Ona tayom uni do Aronren hoponkoe ạguketʼkote aṅgrope horokʼatʼkoa ar ḍanḍa reakʼ paṭheakʼteye paṭheketʼkote bohokʼe dạhṛiketʼkoa. Ar Mose do sanamakʼge Probhu Isorakʼ hukum lekae kạmikeda.