19 Ar Mose do uni bheḍae makʼkedea ar uniyakʼ mãyãm hataokate pinḍ beṛhaeteye irciwada.
Sewa tạmbu ar dewa sewa kạmire beohar lạgitʼ joto jinisko cetanre Mose do inạ mitʼ lekage mãyãme ircileda.
Ar samaṅetʼkạnicʼ do pinḍ reakʼ utạr secʼre idikate Probhu Isor ńutumteye magea, ar Aronren hoponko do uniyakʼ mãyãm hataokate pinḍ beṛhaeteko irciyakʼa.
Ona tayom uni do jeredokʼ samaṅokʼren bheḍae ạgukedea. Unre Aron ar uniren hoponko do bheḍawakʼ bohokʼre akoakʼ tiko dohokeda.
Ar bheḍaye getʼ phạṛikedete uniyakʼ bohokʼ, jel ar itil doe atarkeda.
Naekeko do pạhilre onko ḍaṅgrako gur maṛaṅketʼkote onko mimitʼkoakʼ mãyãm do pinḍreko irciyada; ar ona tayom do bheḍako ar mucạtʼre bheḍa hoponko gurketʼkote onko mimitʼkoakʼ mãyãm hõko ircikeda.