Levitikus 8:15 - সান্তালী বাইবেল

¹⁵ Ar ona tayom Mose do uni ḍaṅgrae dãṛẽkedete uniyakʼ mãyãme hataokeda ar pinḍ saphae lạgitʼ kạṭupʼte ona mãyãm hataokate pinḍ reakʼ dereńkoe ojokʼada. Ar sarecʼakʼ mãyãm do pinḍ aṛereye dulkada. Nonkate uni do puruchun reakʼe kạmiketʼte pinḍ do Probhu Isor ńutumteye begarkada.

Levitikus 8:15 Referans Kwoze

Levitikus 4:7

Inạ tayom thoṛa mãyãm hataokate ńapamokʼ tạmbure Probhu Isor samaṅre one okare jut so mosola reakʼ pinḍ menakʼ ona reakʼ dereńkoreye ojokʼakʼa. Ar sarecʼakʼ mãyãmte do ńapamokʼ tạmbu reakʼ duạr ṭhen one okare jeredokʼ samaṅokʼakʼ reakʼ pinḍ menakʼ ona aṛereye dulkakʼa.

Ibriko 2:17

Onate Jisu do sanam secʼte acʼren boehako leka hoyokʼ hoylentaea, jemon uni do mãyãwan ar pạtiạranicʼ maraṅ naeke lekate Isorakʼkoe sapʼsor daṛeakʼ. Ar noa reakʼ monsubạ do hoyokʼ kana, jemon acʼakʼ gujukʼte manwakoakʼ kạiye ocogte Isore kusi ocoye.

Ephesiko lạgitʼ Pạul Apostolakʼ ciṭhi 2:16

Uniyakʼ monsubạ do tahẽkana jemon, acʼakʼ kurusteakʼ gujukʼte ona banar mitʼkate Isor tulucʼ arhõe mitʼ ruạṛ daṛeakʼ, ente noa banar talare oka bạiri leka tahẽkan, ona do acʼakʼ kurusteakʼ gujukʼ hoteteye maraokeda.

Romiko lạgitʼ Pạul Apostolakʼ ciṭhi 5:10

Abo do Isorren bạiri bon tahẽkanre acʼren Hoponakʼ gujukʼte uni tulucʼ bon samge ocoakana. Ar nonkage bon samge ocoakante Mạsiyakʼ jionte khạṭige kại khon bańcao bon ńama.

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Jeheskel 45:20

Okoe do bhulte se begor baḍaete mundil oṛakʼ upạrte jãhãnakʼko kại onko lạgitʼ do cando reakʼ eae hilokʼ onkagem kạmiya. Nonkate ape do kại ńutumte samaṅokʼ reakʼ porob hoyocokate mundil oṛakʼpe saphaea.

2 Bõsbudạ 29:24

Inạ tayom naekeko do onko meromkoe gurketʼkoa ar sanam Israelkoakʼ kại ńutumte pinḍ cetanre ona mãyãmte kại reakʼ puruchune hoyocokeda. Sanam Israelko lạgitʼ jeredokʼ samaṅokʼakʼ ar kại iạte samaṅokʼakʼ lạgitʼ hukum do rajgeye ematʼko tahẽkana.

Levitikus 16:20

“Sonot utạrakʼ ṭhạ̃i, ńapamokʼ tạmbu ar pinḍ ńutumte puruchun reakʼ kạmi sạtkate Aron do uni jiwetʼicʼ merom bodae ạguiyea.

Levitikus 6:30

Sonot ṭhạ̃ire kại ńutumte samaṅokʼicʼ janwarakʼ mãyãm do ńapamokʼ tạmbure aderlen khan ona reakʼ jel do baṅ jom hoyokʼa, ar ona do atar giḍikakʼ hoyokʼa.

Levitikus 4:30

Ona tayom naeke do kạṭupʼte uniyakʼ thoṛa mãyãm hataokate jeredokʼ samaṅokʼakʼ pinḍ reakʼ dereńkoreye ojokʼakʼa; ar sarecʼakʼ mãyãm do pinḍ aṛereye dulkakʼa.

Levitikus 3:8

Uni do bheḍa hoponakʼ bohokʼ cetanre acʼakʼ tiye dohoytaea ar ńapamokʼ tạmbu samaṅreye gureya. Ona tayom Aronren hoponko do uni reakʼ mãyãm hataokate pinḍ beṛhaeteko irciyakʼa.

Levitikus 3:2

Samaṅetʼkạnicʼ do ạgu akade janwarakʼ bohokʼre acʼakʼ tiye dohoytaea ar ńapamokʼ tạmbu reakʼ duạr thene gureya. Ona tayom Aronren hoponko, metakʼme naeke do ona mãyãm hataokate pinḍ beṛhaeteko irciyakʼa.

Levitikus 1:11

Ar samaṅetʼkạnicʼ do pinḍ reakʼ utạr secʼre idikate Probhu Isor ńutumteye magea, ar Aronren hoponko do uniyakʼ mãyãm hataokate pinḍ beṛhaeteko irciyakʼa.

Levitikus 1:5

Ona tayom Probhu Isor samaṅre uni ḍaṅgra do dãṛẽye hoyokʼa ar naeke Aronren hoponko do uniyakʼ mãyãmte ńapamokʼ tạmbu reakʼ duạr ṭhenakʼ pinḍ beṛhaeteko irciyakʼa.

Levitikus 4:25

Ona tayom naeke do kại ńutumte samaṅ akade janwar khon thoṛa mãyãm kạṭupʼte hataokate jeredokʼ samaṅokʼakʼ pind reakʼ dereńkoreye ojokʼakʼa; ar sarecʼakʼ mãyãm do ona pinḍ aṛereye dulkakʼa.

Numeri 8:12

Ona tayom Liwiko do unkin ḍaṅgra cetanre tiko capoetakoa ar am do Probhu Isor ńutumtem samaṅkinạ, mitʼṭen do kại ńutumten dãṛẽ mente ar eṭakʼicʼte do Liwikoakʼ puruchun lạgitʼ jeredokʼ samaṅokʼakʼ ńutumte.