Levitikus 8:14 - সান্তালী বাইবেল

¹⁴ Ona tayom uni do kại ńutumte samaṅokʼicʼ ḍaṅgrae ạgukedea. Unre Aron ar uniren hoponko do ḍaṅgrawakʼ bohokʼre akoakʼ tiko dohoketʼtakoa.

Levitikus 8:14 Referans Kwoze

Jeheskel 43:19

Sadok bõsren naekeko okoe do ińakʼ sekʼwae lạgitʼ iń ṭhenko hijukʼ onko do mitʼṭen ạnḍiạ ḍaṅgra samaṅokʼ lạgitʼem emakoa.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

Romiko lạgitʼ Pạul Apostolakʼ ciṭhi 8:3

Manwawakʼ kại gunạkʼte ạnko do nijor akan tahẽkana, ona iạte ạn oka bae daṛeakʼkan tahẽkan, Isor ona do acʼgeye onka akada. Uni do kại meṭao lạgitʼ acʼren bin-dusạn Hopon manwa muṭhạn emkateye kolkedea ar acʼren Hoponakʼ gujukʼ hotete kại reakʼe bicạrketʼte ona reakʼ daṛeye ocokʼkeda.

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Sereńko 66:15

Iń do am lạgitʼ lodgopʼ janwarkote jeredokʼakʼ iń samaṅ ama ar ona sãote jeredokʼ bhiḍi reakʼ mońj sogeń samaṅama; iń do ḍaṅgra ar meromgeń dãṛẽama. (Sela)

Levitikus 16:21

Ar acʼakʼ banar ti do uni merom bodawakʼ bohokʼreye dohoya ar Israelkoakʼ sanam behokakʼ ar bebatao, metakʼme onkoakʼ sanam ghạṭko reakʼ aṅgockate merom bodawakʼ bohokʼreye ladewaea. Ar ona kạmi lạgitʼe sapṛao akan hoṛ hotete uni do hahaṅkarteye kolgotʼkaea.

Levitikus 16:6

Ar Aron do acʼ ar acʼ bõsrenkoakʼ puruchun lạgitʼ kại ńutumte samaṅokʼren ḍaṅgrae samaṅea.

Levitikus 8:2

“Am do Aron ar uniren hoponko nonḍem ạgukoa. Ar ona sãote onkoakʼ kicricʼko, ojokʼ bahalokʼ reakʼ sunum, kại ńutumte samaṅokʼren ḍaṅgra, barea bheḍa ar bin khạmiyanakʼ piṭhạ reakʼ ḍạlicʼ hõm ạgu daraya.

Levitikus 1:4

Ar uni do jeredokʼ samaṅokʼakʼ lạgitʼe ạgu akade ḍaṅgrawakʼ bohokʼre tiye dohoytaea; ar ona do acʼakʼ puruchun lạgitʼ ataṅokʼtaea.

Levitikus 4:15

Ona tayom Israelkoren mukhiyạko do Probhu Isor samaṅre uni ḍaṅgrawakʼ bohokʼre tiko dohoytakoa. Ar naeke do Probhu Isor samaṅre uniye gureya.

Numeri 8:12

Ona tayom Liwiko do unkin ḍaṅgra cetanre tiko capoetakoa ar am do Probhu Isor ńutumtem samaṅkinạ, mitʼṭen do kại ńutumten dãṛẽ mente ar eṭakʼicʼte do Liwikoakʼ puruchun lạgitʼ jeredokʼ samaṅokʼakʼ ńutumte.

Jeheskel 43:20

Ar am do uniyakʼ thoṛa mãyãm hataokate pinḍ reakʼ ponea dereńre, ar tala hĩs reakʼ ponon konare ar aṛete joto secʼem joda; nonkate kại puruchun reakʼ porobem hoeocoyte pinḍem sapha ocoya.

Jeheskel 44:27

Ona tayom oka hilokʼ uni do sekʼwa kạmi lạgitʼ mundil oṛakʼ reakʼ bhitri racateye bolokʼa un hilokʼ do apnar lạgitʼ kại ńutumte samaṅokʼakʼ samaṅ hoyokʼtaea. Noa do iń Probhu Isorgeń menetʼkana.