Levitikus 8:13 - সান্তালী বাইবেল

¹³ Ona tayom uni do Aronren hoponkoe ạguketʼkote aṅgrope horokʼatʼkoa ar ḍanḍa reakʼ paṭheakʼteye paṭheketʼkote bohokʼe dạhṛiketʼkoa. Ar Mose do sanamakʼge Probhu Isorakʼ hukum lekae kạmikeda.

Levitikus 8:13 Referans Kwoze

Johan sodor 5:10

Am do onko hotete mitʼṭecʼ rajosṭim benao akada ar aboren Isorakʼ sewae lạgitʼ naekekom hoyocoketʼkoa. Dhạrtire onkoge rajosṭiko calaoa.”

Johan sodor 1:6

Uni do aboko hotete mitʼṭecʼ rajosṭiye benao rakapʼakada ar acʼren Baba ar Isorakʼ sewa lạgitʼ naekeye hoyoco akatʼbona. Jaejug hạbicʼ Jisu Mạsiyakʼge ṭhonok hoyokʼtae ma ar jaejug hạbicʼ uniyakʼ daṛe do tahẽakae tahen ma. Amen.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Jesaea 61:6

Ar ape do Probhu Isorren naekepe ńum ocokʼa; ar hoṛko do aboren Isorren sapʼdapʼkoko metapea. Ape do boṅgan hoṛ jạtrenkoakʼ dhonpe jomtakoa ar onkoakʼ dhon iạtepe sabasikʼa.

Sereńko 132:9

Amren naekeko do dhorom reakʼ kicricʼko horogma, ar am botoram kanko do rạskạteko sereńma.

Exodus 40:13

Ar Aron do sonot kicricʼem horokʼaea arem ojokʼ bahalea ar iń ńutumtem begar dohoyea jemon naeke lekate ińakʼ sapʼ dapʼ kạmiye kạmi daṛeakʼa.

Levitikus 10:5

Moseyakʼ hukum leka unkin do hecʼkate Nadab ar Ạbihuakʼ mạ̃ṛĩ ḍera bahretekin oḍok idikeda. Unre unkinakʼ mạ̃ṛĩre naeke kicricʼ do horokʼge tahẽkana.

Jeheskel 42:14

Naekeko sekʼwa kạmi lạgitʼ okako kicricʼ horokʼkate mundil oṛakʼteko bolokʼ onako do niạ banar dolanreko bocʼ doho oṭokakʼa ar ona tayom do bahre racateko oḍok daṛeakʼa, ente onako do sonot utạrakʼ kicricʼkana. Hoṛkoakʼ jaegate calakʼ lahare onko do eṭakʼ kicricʼ horokʼ lagao akoa.”

Exodus 40:16

Probhu Isor Mose oka lekae hukumade tahẽkan onkage jotowakʼe kạmikeda.

Levitikus 8:21

Uni do bheḍawakʼ jaṅga ar lacʼ bhitri reakʼ hĩsko dakʼteye ạrupʼ saphakeda ar bheḍa do goṭate jeredokʼ samaṅokʼakʼ reakʼ pinḍ cetanreye atarkedea. Noa do Probhu Isor ńutumte seṅgelteakʼ mitʼṭecʼ samaṅokʼakʼ kana, one ona reakʼ jut so Probhu Isor doe kusiyakʼkan. Ar Mose do jotowakʼge Probhu Isorakʼ hukum lekae kạmikeda.