Levitikus 7:8 - সান্তালী বাইবেল

⁸ Jeredokʼ samaṅokʼakʼ reakʼ okoe naekeye kạmi uni do samaṅakade janwarakʼ harta acʼ lạgitʼe doho daṛeakʼa.

Levitikus 7:8 Referans Kwoze

Romiko lạgitʼ Pạul Apostolakʼ ciṭhi 13:14

Ape do kicricʼ leka Probhu Jisu Mạsi horokʼjoṅpe; ar jel reakʼ sana purạu lạgitʼ do alope moneyakʼa.

Numeri 19:5

Ar uni samaṅrege gạiyakʼ harta, jel, lacʼ ar gubriko sudhạpe atar giḍikakʼa.

Levitikus 4:11

Menkhan sarecʼ hĩsko, metakʼme, harta, jel, bohokʼ, jaṅga, lacʼ ar gubriko do ḍera bahrete idikate mitʼṭecʼ sapha ṭhạ̃ire one okare torocʼ giḍikʼ ona cetanre sahan reakʼ seṅgelteye atar giḍikakʼa.

Levitikus 1:6

Ar samaṅetʼkạnicʼ do uni ḍaṅgrae khalea ar phạṛi phạṛiye getʼ kuṭrạyea.

Exodus 29:14

Menkhan uni ḍaṅgrawakʼ jel, harta ar gubriko do Israelkoakʼ ḍera barhete idikatem atar giḍikakʼa. Noa do kại ńutumte mitʼṭecʼ samaṅokʼakʼ kana.

Genesis 3:21

Probhu Isor do Adam ar uniren bạhu lạgitʼ janwarakʼ harta reakʼ kicricʼe benaoketʼte unkine horokʼatʼkinạ.

Levitikus 7:7

“Kại ńutumte samaṅokʼakʼ ar dos ńutumte samaṅokʼakʼ niạm do mitʼ lekage onkae hoyokʼa. Okoeṭakʼ naeke niạ banar samaṅokʼakʼ reakʼ mitʼṭecʼte samaṅetʼkạnicʼakʼ puruchun reakʼe kạmikataere ona jel do naekeyakʼ hoyokʼa.

Levitikus 7:9

Culhạre sekao se celaṅre se taoware atawakʼ jomakʼ samaṅokʼakʼ jinis do uni naekeyakʼge hoyokʼa one okoe do jomakʼ samaṅokʼakʼ reakʼe kạmikatae.

Dosar Biboron 18:8

Acʼren apate doho oṭoakatʼ jiniskoe ạkhriń akatʼrehõ onḍenko Liwiko sãote uni do hạṭińre soman ạidạriye hoyokʼa.