Levitikus 7:32 - সান্তালী বাইবেল

³² Sulukren samaṅicʼ janwarakʼ jojomsa bulu phạṛi reakʼ jel do naeke emae hoyokʼa.

Levitikus 7:32 Referans Kwoze

Numeri 6:20

Ona tayom naeke do dolek samaṅokʼakʼ lekate Probhu Isor samaṅreye dolaoa. Noa do sonotakʼ jinis kana ar ona do naekeyakʼge hoyokʼa. Ona chaḍa dolao akatʼ koṛam reakʼ jel ar samaṅ akatʼ bulu hõ naekeyakʼ hoyokʼtaea. Noako hoylen tayom uni nạsri hoṛ do darkha rasae ńũ daṛeakʼa.

Levitikus 9:21

Ar Mose cetʼlekae hukumade tahẽkan onkage uni do dolek samaṅokʼakʼ lekate koṛam reakʼ jel ar jojom bulu reakʼ phạṛi do Probhu Isor samaṅreye dolaokeda.

Levitikus 7:34

Israelkoakʼ sanam sulukren samaṅokʼakʼ khon iń ńutumte dolek dohoakatʼ koṛam reakʼ jel ar samaṅakʼ bulu reakʼ jel do naeke Aron ar uniren hoponkoń ematʼkoa. Noa do Israelko ṭhen khon onkoakʼ bakhra hĩs kana.”

Dosar Biboron 18:3

“Disạm hoṛko okoe do ḍaṅgra, merom boda, bheḍako samaṅokʼakʼ lạgitʼko ạguko onko reakʼ phạṛi, banar jambe reakʼ jel ar remetʼ do naekeko emaea; noako do naekeakʼge hoyokʼa.

Levitikus 10:14

Menkhan Probhu Isor ńutumte dolek akatʼ koṛam reakʼ jel ar bulu reakʼ phạṛi do am ar amren hopon ar hoponera jotogeko jom daṛeakʼa. Menkhan noa do mitʼṭecʼ sapha ṭhạ̃irepe joma. Israelkoakʼ sanam sulukren samaṅokʼakʼ noa hĩs do am ar amren hopon ar hoponerako lạgitʼ kana.

Exodus 29:27

“Aron ar uniren hoponkoakʼ naeke hudạ bahal porobren sid emokʼren bheḍawakʼ khon hataoakʼ dolao samaṅokʼakʼ jel ar samaṅ akatʼ bulu reakʼ jel do Probhu Isor ńutumtem begar dohokakʼa.

Levitikus 7:33

Aronren okoeṭakʼ hopon do sulukren samaṅicʼ janwarakʼ mãyãm ar itile samaṅ uni do bakhra lekate jojom bulu phạṛi reakʼ jele ńama.

Numeri 5:9

Israel hoponko okaṭakʼ sonotakʼ jinis naeke ṭhenko ạgui ona do jotoge uniyakʼ hoyokʼa.

1 Samuel 9:24

Onate uni do senkate bulu ar ona sãoteakʼ jel ạgukate Sạul samaṅreye dohokeda. Ar Samuel do Sạule metadea, “Noa do am lạgitʼge doho akan tahẽkana; ne jomme. Am do teheń nonḍem joma iạte hoṛko neotako jokhecʼge noa do am lạgitʼiń begar dohoakatʼ tahẽkana.