Levitikus 7:18 - সান্তালী বাইবেল

¹⁸ Ar tesar hilokʼ hõ ona jel jomogokʼ enḍekhan Probhu Isor do ona samaṅakʼ bae ataṅa. Ar samaṅ akatʼicʼakʼ hõ ona do baṅ ataṅokʼtaea, ente ona jel do unre chutakʼ jinisge hoyokʼa. Ar okoe ona jele jom uni do ona kại lạgitʼ dạyike tahena.

Levitikus 7:18 Referans Kwoze

Numeri 18:27

Noa samaṅokʼakʼge apeakʼ khạrại reakʼ phosol ar apeakʼ darkha lelen kunḍ reakʼ darkha rasa mente lekhakʼtapea.

Levitikus 22:25

Eṭakʼ jạtrenkoakʼ jãhãe hoṛakʼ ti khon nonkan janwar hataokate aperen Isor ńutumte jomakʼ samaṅokʼakʼ menkate alope samaṅkoa. Onkore dos menakʼte jãhãn bhạlạiyrege bako lagaokʼa.”

Levitikus 11:41

“Huḍiń janwarko modre okoe do otreko ṭuṅdạṅ baṛae onko do hirkhạwan jiwiyanko mente bujhạukope. Onko do alope jomkoa.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekan hoṛko bańcaoko lạgitʼgeye hijukʼa.

Romiko lạgitʼ Pạul Apostolakʼ ciṭhi 4:11

Khatna ạurire biswạs iạtege Isor do dhorom menteye lekhakedea ar onage tahẽkana uniyakʼ sạbudokʼ reakʼ cinhạ do. Enḍekhan ńelokʼkana, khatna begorte okoe do eken biswạs hotete dhorom menteko ataṅ ocokʼkan, onko sanamkoren hõ Abraham doe baba kana.

Luk 16:15

Unre Jisui metatʼkoa, “Ape do hoṛko samaṅre dhorompe udugokʼ kana, menkhan Isor do apeakʼ mon reakʼe baḍaegea. Ente manwa ṭhen okaṭakʼ manotakʼkan, Isor samaṅre ona do hirkhạwakʼ kana.

Malaki 1:13

Ape do noa hõpe meneda, ‘Noako do samani haronokʼakʼ kana!’ Ape do luṭ ocoakan, leḍha se ruạkʼkan janwarpe ạguiyetʼkoa ar samaṅokʼren porob ńutumtepe samaṅetʼkoa, menkhan cetʼ iń do apeakʼ ti khon onań ataṅ daṛekea? Iń Probhu Isorge noa katha doń meneda.

Malaki 1:10

“Hae! Ape modre mitʼ hoṛ hõ mundil oṛakʼ reakʼ duạre sińlere ar ińakʼ pinḍ cetanre ạuṛiyakʼ reakʼ seṅgel bape jeretʼ lekhan iń do ạḍiń kusikokʼa. Ape cetanre iń doń khĩs akana ar samaṅokʼakʼ reakʼ jinisko hõ apeakʼ tite bạń ataṅa.

Amos 5:22

Ape do iń ńutumte jeredokʼ samaṅokʼakʼ ar jomakʼ samaṅokʼakʼpe samaṅrele hõ iń do ona bạń ataṅtapea. Ape do lodgopʼ janwarkote sulukren samaṅokʼakʼpe samaṅạńre hõ samaṅạńre hõ ona secʼ do bạń beṅgeda.

Hosea 8:13

Iń ńutumte janwar samaṅkate onko do ona reakʼ jelko jojomkana menkhan iń Probhu Isor do onkore kusi bạnuńa. Ńitokʼ iń do onkoakʼ dusṭạmi reakʼ kathań disạite kại reakʼ sạjạiyiń emakoa; ar onko do Misorteko ruạṛ calakʼa.

Jeheskel 18:20

Okoeye kại uni do khạṭigeye gujukʼa. Hopon do apatakʼ dos iạte sạjại ohoe ńamlea ar apat hõ hoponakʼ dos iạte bae sạjại ocokʼa. Dhorom hoṛ do acʼakʼ dhorom kạmi reakʼ joe ńama ar bạṛicʼ hoṛ do acʼakʼ dusṭạmi reakʼ jogeye ńama.

Jirimiạ 14:12

Onkoko upạsetʼre hõ onkoakʼ rakʼ do bạń ańjomtakoa; jeredokʼ samaṅokʼakʼ ar anaj samaṅokʼakʼko samaṅre hõ iń do bạń ataṅtakoa. Ona bodolte lạṛhại, akal ar mahamạrgeń kola ar onateń maraokoa.”

Jirimiạ 14:10

Probhu Isor do noko hoṛko reaṅgeye meneda, “Onko do ạcur baṛaeko kusiyakʼ kana; onko do jaṅga bako jirạuetʼtakoa. Onate iń do bạń ataṅetʼkoa; ar ńitokʼ do onkoakʼ dusṭạmi reaṅ iń disạ ruạṛa ar kại reakʼ sạjạiyiń emakoa.”

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

Jesaea 65:4

Onko do topakoreko ikṛum baṛaekana ar danaṅ ṭhạ̃ireko tahẽ aṅgakʼkana; onko do sukri jelko jomeda ar bespha jel reakʼ suṛạ hõ onkoakʼ celaṅre tahenkana.

Levitikus 22:23

Menkhan okoe ḍaṅgra se bheḍawakʼ jãhãnakʼ hĩsge bạ̃ṛti hara akantae seye khaṭoge onkan ḍaṅgra se bheḍa apnarakʼ kusi lekae samaṅ daṛeaea, tobe manotakʼ purun lạgitʼ samaṅokʼakʼ mente ona do baṅ ataṅokʼtaea.

Levitikus 20:19

Okoehõ jemon eṅgattetʼren boeha kuṛi se hatomtetʼ sãote aloe giticʼmidokʼ. Noa iạte peṛakʼ reakʼ bemanotakʼge hoyokʼa. Ar noa iạte unkin do dạyirekin paṛaokʼa.

Levitikus 20:17

“Nijạr miserat se kạki gogoren kuṛi baplayete uni tulucʼe giticʼmidokʼ noa do mitʼṭecʼ lajao paṛaoakʼ kạmi hoyokʼa. Uni misera do baṅ doe eṅgat secʼren kan ar baṅ doe apat secʼren kan ona do baṅ ganokʼa. Ar okoe onakoe onkae onko do hoṛ samaṅreko gocʼ ocokʼa. Ar miseratetʼe bemanot ocoyedete uni hoṛ do dạyireye paṛaokʼa.

Levitikus 17:16

Menkhan kicricʼko bae saphaetae ar ḍạbrạ hõ bae ḍạbrạkʼ enḍekhan uni do acʼakʼ bedhorom iạte dạyireye paṛaokʼa.”

Levitikus 10:19

Aron do Moseye metadea, “Teheń Probhu Isor samaṅre unkinakʼ kại ńutumte samaṅokʼakʼ ar jeredokʼ samaṅokʼakʼ reakʼ onusṭhanre noako ghoṭona paṛaoạdińa. Ar teheńakʼ dinre kại ńutumte samaṅokʼakʼ reakʼ ona jel jomle khan cetʼ Probhu Isore kusikokʼa?”

Levitikus 10:17

“Kại ńutumte samaṅokʼ reakʼ jel do sonot ṭhạ̃ire cedakʼ baben jomleda? Noa do sonot utạrakʼ jiniskana. Probhu Isor samaṅre Israelkoakʼ kại khon puruchun lạgitʼge onko doko ematʼben tahẽkana.

Levitikus 5:17

“Jãhãe begor baḍaete Probhu Isore mana akatʼ reakʼ jãhãnakʼe cekae enḍekhan uni do dusireye paṛaokʼa ar onate uni do dạyireye paṛaokʼa.

Levitikus 7:19

“Sulukren samaṅokʼ reakʼ jelre jãhãn chutakʼ jinis jakʼlen khan enḍekhan ona do baṅ jom hoyokʼa, ona do atar giḍikakʼ hoyokʼa. Ar baṅ jakʼlen khan okoe sapha menakʼko onkoko jom daṛeakʼa.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Levitikus 19:5

“Probhu Isor ńutumte sulukren samaṅokʼakʼpe samaṅre Probhu Isor jemon ape cetanreye kusikʼ onkape kạmiya.