Levitikus 7:14 - সান্তালী বাইবেল

¹⁴ Probhu Isor emae lạgitʼ uni do joto lekanakʼ jinis khon mitʼṭecʼ mitʼṭecʼkateye ạguiya. Ar okoeṭakʼ naeke do sulukren samaṅokʼicʼ janwarakʼ mãyãme irciy noako do uniyakʼge hoyokʼtaea.

Levitikus 7:14 Referans Kwoze

Numeri 18:19

Probhu Isor ńutumte Israelkoakʼ samaṅokʼakʼ sanam sonotakʼ jinis do am ar amren hoponkoakʼ jao okte reakʼ bakhra kana. Noa do Probhu Isorakʼ mẽtʼre am ar am bõsren sanamko lạgitʼ mitʼṭecʼ jaejug reakʼ bondobos kana.”

Numeri 31:41

Probhu Isor do Mose okae hukumade tahẽkan onkage uni do Probhu Isor ńutumte noko do bheja lekate tulokʼ samaṅokʼ lạgitʼ naeke Eleasarakʼ tireye jimạketʼkoa.

Numeri 31:29

Palṭonkoakʼ hạṭiń reakʼ noko bheja do Probhu Isor ńutumte tulokʼ samaṅokʼakʼ lekate naeke Eleasar ṭhenpe jimạkoa.

Levitikus 6:26

Okoeṭakʼ naeke noa samaṅokʼakʼ reakʼe kạmi uni do noa reakʼ jele joma. Uni do jãhãn sonot ṭhạ̃ire, metakʼme ńapamokʼ tạmbu reakʼ racare ona jojom hoyokʼtaea.

1 Korinthiko 10:18

Israel jạtrenko beṅgetʼakope. Onko modre okoe teṅgenakʼko jometʼkan onko do cetʼ ona pinḍ reakʼ jotoge bako bakhra joṅkana?

Dosar Biboron 18:8

Acʼren apate doho oṭoakatʼ jiniskoe ạkhriń akatʼrehõ onḍenko Liwiko sãote uni do hạṭińre soman ạidạriye hoyokʼa.