Levitikus 7:13 - সান্তালী বাইবেল

¹³ ar gun makʼnao johar lạgitʼ sulukren samaṅokʼakʼ jinis sãote thoṛa khạmiyanakʼ piṭhạ hõ tahena.

Levitikus 7:13 Referans Kwoze

Amos 4:5

Ape do gun manao reakʼ samaṅokʼakʼ lekate khạmiyanakʼ piṭhạpe samaṅetʼa ar apeakʼ monejoṅakʼ lekage samaṅokʼakʼ jiniskote bạḍạitepe perejokʼkana, ente E Israelko, ape do onagepe kusiyakʼkana. Iń Probhu Isorge noa katha doń menetʼkana.

Levitikus 23:17

Probhu Isor ńutumte dolao samaṅokʼakʼ lekate oṛakʼ khon pạhil rakapʼakʼ phosol khon thoṛape ạguiya. Ar ona dolao samaṅokʼakʼ jinis do pe keji tala holoṅte khạmiyanakʼ barea piṭhạ benao hoyokʼa.

1Timothi 4:4

Isore sirjạu akatʼ sanamakʼge bhagegea, onate okaṭakʼ hõ bạṛicʼ hudiskate giḍikakʼ lek do baṅkana; menkhan ona do jemon gun manao joharkate ataṅokʼ,

Mathae 13:33

Uni do arhõ mitʼṭecʼ phene lạiyatʼkoa: “Serma raj do khạmi lekana. Mitʼṭen maejiu do ona idikate gel irạl keji holoṅreye sipi mesalkeda. Onate joto holoṅ do khạmiyanakʼ hoyena.”

Levitikus 2:12

Pạhilre rakabokʼ phosol samaṅ lạgitʼ khạmi ar rasa do Probhu Isor ṭhenko idi daṛeakʼa, menkhan oka samaṅokʼakʼ reakʼ jut so uniye kusiyakʼ onkan samaṅokʼakʼ lekate khạmi ar rasa do pinḍre alope jereda.

Levitikus 23:18

Noa piṭhạ sãote eae goṭecʼ mitʼ bochorren niphuṭ utạrko bheḍa hopon, mitʼṭen ḍaṅgra ar barea bheḍa ạgukin hoyokʼa. Ar noko janwarkote Probhu Isor ńutumte mitʼṭecʼ jeredokʼ samaṅokʼakʼpe samaṅa, ar ona sãote din hilokʼ reakʼ jomakʼ samaṅokʼakʼ ar coḍor samaṅokʼakʼ hõpe samaṅa. Noako do jotoge seṅgelteakʼ samaṅokʼakʼ kana, one ona reakʼ jut so Probhu Isor doe kusiyakʼkan.