Levitikus 7:12 - সান্তালী বাইবেল

¹² Jãhãege sulukren samaṅokʼakʼ Probhu Isor ńutumte gunmanao emaeye menetʼ khan uni do noa gun makʼnao samaṅokʼakʼ sãote sunumre mesalakʼ bin khạmiyanakʼ piṭhạ, sunum ojokʼakʼ bin khạmiyanakʼ thapṛa piṭhạ ar sunumre sipiyakʼ mĩhĩ holoṅ reakʼ piṭhạ,

Levitikus 7:12 Referans Kwoze

Numeri 6:15

Niạko sãote jomakʼ samaṅokʼakʼ ar coḍorokʼ samaṅokʼakʼ jinis ar mitʼ ḍạlicʼ bin khạmiyanakʼ piṭhạ hõ lagaoea. Niạko piṭhạ do sunumre sipiyakʼ mĩhĩ holoṅ reakʼ piṭhạ ar sunum mesalakatʼ thapṛa piṭhạge hoyokʼ jạruṛa.

Levitikus 2:4

“Jãhãege culhạre rapakʼakʼ jãhãn jiniste jomakʼ samaṅokʼakʼe menetʼ khan uni do bin khạmiyanakʼ mĩhĩ holoṅte benao hoyokʼtaea. Ona do sunum mesalakatʼ bin khạmiyanakʼ piṭhạ se sunum ojokʼ akawatʼ bin khạmiyanakʼ thapṛa piṭhạkoge hoyokʼma.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Ibriko 13:15

Onate delabon, Mạsi hotete Isor ṭhen sarhao reakʼ samaṅokʼakʼ jaoge bon samaṅma, metakʼme Isorren hoṛ mente okoe apnarteko aṅgocetʼkan onko do akoakʼ mocate Isorko gun manao joharae ma.

Ephesiko lạgitʼ Pạul Apostolakʼ ciṭhi 5:20

Siń sạṭupʼ aboren Probhu Jisu Mạsi ńutumte Isor Baba gun manao joharaepe.

Romiko lạgitʼ Pạul Apostolakʼ ciṭhi 1:21

Manwa do uni reakʼakʼko baḍaekatere hõ Isor mente bako mạhimawadea, ar bako gunmanao joharadea. Onkoakʼ hudisjoṅakʼko do ạuṛiyakʼena ar onkoakʼ bebuj ontor do ńutte perecʼ akana.

Luk 17:18

Isor gun manao joharae lạgitʼ nui eṭakʼ jạtren chaḍa ar okoe hõ cetʼ bako ruạṛlena?

Luk 17:16

Uni do Samariạ Prodesren hoṛe tahẽkana.

Hosea 14:2

Ape do Probhu Isor ṭhen ruạṛ hijukʼpe ar uni metaepe, “Aleakʼ sanam kạiko ikạitaleme ar aleakʼ oka bhageakʼkan ona ataṅme jemon ale do damkom samaṅokʼakʼ leka aleakʼ luṭitele sarhaome.

Sereńko 116:17

Iń do am lạgitʼge gun manaoren dãṛẽń samaṅama ar amakʼ sarhao iń lại sodora.

Sereńko 107:8

Manwako lạgitʼ Probhu Isorakʼ hahaṛa kạmiko iạte ar uniyakʼ asambheṛ dulạṛ iạte onko do uniko sarhaokedea.

Sereńko 50:23

Okoeyakʼ jionre gun manao joharge uniyakʼ dãṛẽkan unige iń doe manot edeńkana; ar okoe ińakʼ horteye calakʼkan uni doń bańcaoea”

Nehemiạ 12:43

Isor do ḍher rạskại danatʼkote enhilokʼ hoṛko do maraṅ okocʼ mitʼṭen samaṅokʼakʼ porobko porobena arko hulạsena. Ar onkoren maejiuko ar gidrạko hõko rạskạyena. Jerusalemren hoṛkoakʼ noa rạskạ reakʼ andoṛ do ḍher sạṅgiń hạbicʼ ańjomena.

2 Bõsbudạ 33:16

Ona tayom uni do Probhu Isorakʼ pinḍ arhõe jut arokeda ar ona cetanre helmel ar gun makʼnao samaṅokʼakʼe samaṅkeda. Uni do Jihudạren hoṛkoe hukumatʼkoa jemon onko do Israelren Probhu Isorko sewawae.

2 Bõsbudạ 29:31

Inạ tayom Hiskiyại menkeda, “Ńitokʼ do Probhu Isor ṭhen apnrartetʼpe emakana. Ape do ńitokʼ hijukʼpe ar janwar samaṅokʼakʼ ar sarhao samaṅokʼakʼ jinisko Probhu Isorakʼ oṛakʼte ạguipe.” Unre sanamkoge onako ạgukeda ar okoe do jeredokʼ samaṅokʼ reakʼko menetʼ tahẽkan onko do ona jiniskoko ạgukeda.

Levitikus 22:29

Probhu Isor ńutumte jãhãn kusiteakʼ samaṅokʼakʼpe samaṅ khan uniye kusiyakʼ leka baṛe hoyokʼtapema.

Levitikus 7:15

Gun manao johar lạgitʼ noa samaṅokʼakʼ jel do enhilokʼge jom cabae hoyokʼa, ar setakʼ hạbicʼ do baṅ sarecʼkakʼ hoyokʼa.

Levitikus 6:16

Samaṅokʼakʼ jinis reakʼ sarecʼakʼ hạṭińko do Aron ar uniren hoponkoko joma. Ona do khạmi begor mesalkate jojom hoyokʼtakoa jãhãn sonot ṭhạ̃ire, metakʼme ńapamokʼ tạmbu reakʼ racare.

Levitikus 2:5

Ona jomakʼ samaṅokʼakʼ do luihạre isinokʼ lekanakʼ jiniskan khan ona do sunum mesalakatʼ bin khạmiyanakʼ mĩhĩ holoṅte benao hoyokʼa.

Amos 4:5

Ape do gun manao reakʼ samaṅokʼakʼ lekate khạmiyanakʼ piṭhạpe samaṅetʼa ar apeakʼ monejoṅakʼ lekage samaṅokʼakʼ jiniskote bạḍạitepe perejokʼkana, ente E Israelko, ape do onagepe kusiyakʼkana. Iń Probhu Isorge noa katha doń menetʼkana.