Levitikus 6:30 - সান্তালী বাইবেল

³⁰ Sonot ṭhạ̃ire kại ńutumte samaṅokʼicʼ janwarakʼ mãyãm do ńapamokʼ tạmbure aderlen khan ona reakʼ jel do baṅ jom hoyokʼa, ar ona do atar giḍikakʼ hoyokʼa.

Levitikus 6:30 Referans Kwoze

Ibriko 13:11

Kại ńutumte dãṛẽ samaṅ akatʼ janwarakʼ mãyãmante Israelren maraṅ naeke do sonot utạrakʼ jaegateye calakʼkan tahẽkana, menkhan janwarkoakʼ hoṛmo do Israelkoakʼ tahen jaega khon bahrete idikateko atar giḍikakʼkan tahẽkana.

Levitikus 10:18

Uni bodawakʼ mãyãm do sonot utạrakʼ ṭhạ̃ite baṅ idi ocolente ińakʼ hukum leka sonot ṭhạ̃ire ona jel do jom reakʼ lek tahẽkan tabena.”

Levitikus 4:1

Probhu Isor do Mose Israelko noa katha galmaraoakoe metadea, “Monre behok reakʼ monsubạ bạnukʼtae ar Probhu Isore mana akatʼ reakʼ jãhãnakʼe ceka akatʼ khan,

Numeri 18:9

Sonot utạrakʼ samaṅokʼakʼ lạgitʼ, metakʼme jomakʼ samaṅokʼakʼ, kại ńutumte samaṅokʼakʼ ar dos ńutumte samaṅokʼakʼ lạgitʼ Israelko jãhãnakʼge iń ṭhenko ạgui ar okaṭakʼ hạṭiń do pinḍ reakʼ seṅgelre baṅ jeredokʼ ona do apeakʼge hoyokʼa; ona do am ar amren bõskoakʼ kana.

Jeheskel 45:15

Israel disạm talare bhage jumireko ạtiń nonkan mimitʼ barsae bhiḍi-merom khon mitʼṭen hopon emokʼ hoyokʼtapea. Hoṛkoakʼ kại puruchun lạgitʼ noako do anaj samaṅokʼakʼ, jeredokʼ samaṅokʼakʼ ar sulukren samaṅokʼ lạgitʼko beoharokʼa.