Levitikus 6:22 - সান্তালী বাইবেল

²² Aron tayom uniren okoeṭakʼ hopon do maraṅ naeke hudạ lạgitʼe ojokʼ bahal ocokʼ uni hõ noa porobe hoeocoya. Noa do Probhu Isorakʼ kana, ar ona do jotoge atar cabae hoyokʼa.

Levitikus 6:22 Referans Kwoze

Ibriko 7:23

Lewiko modren ḍherkoge naekeko hoylena, ente gujukʼteko akoṭente okoe hõ jaejug hạbicʼ naeke giri do bako kạmi idi daṛeada.

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Dosar Biboron 10:6

Ar Israel hoponko do Be-erot Bene-jakan khon mohnḍakate Moserotreko seṭerena. Onḍege Aron doe gocʼena ar uni doe topa ocoyena. Uniren hopon Eleasar do uni bodolte maraṅ naekeye hoyena.

Levitikus 8:21

Uni do bheḍawakʼ jaṅga ar lacʼ bhitri reakʼ hĩsko dakʼteye ạrupʼ saphakeda ar bheḍa do goṭate jeredokʼ samaṅokʼakʼ reakʼ pinḍ cetanreye atarkedea. Noa do Probhu Isor ńutumte seṅgelteakʼ mitʼṭecʼ samaṅokʼakʼ kana, one ona reakʼ jut so Probhu Isor doe kusiyakʼkan. Ar Mose do jotowakʼge Probhu Isorakʼ hukum lekae kạmikeda.

Levitikus 4:3

“Uni kạkạiyicʼ do ojokʼ bahal ocoakan naekekan khane ar ona iạte sanam hoṛ dusiko hoyokʼ, enḍekhan ona lạgitʼ uni do kại reakʼ puruchun lekate Probhu Isor ṭhen mitʼṭen niphuṭ utạricʼ ḍaṅgra ạguiye hoyokʼtaea.

Levitikus 3:17

Jãhãregepe girobasokʼ ape do itil ar mãyãm do alope joma. Ar noage piṛhike piṛhi ape lạgitʼ niạm do tahẽyena. ”

Levitikus 6:21

Jomakʼ samaṅokʼakʼ lekate ona holoṅ do sunumre sipi mesalkate luihạre isinkate kecakʼ kecakʼge Probhu Isor samaṅre ạgui hoyokʼa. Ar noa reakʼ jut so Probhu Isor doe kusiyakʼa.

Levitikus 6:23

Naeke ạguwakʼ jomakʼ samaṅokʼakʼ do jotoge atar cabae hoyokʼa; ona do baṅ jomogokʼa.”

Levitikus 4:24

Uni do bodawakʼ bohokʼre acʼakʼ tiye dohoytaea ar jeredokʼ samaṅokʼakʼ dãṛẽ mente Probhu Isor samaṅreye gureya; noa do kại ńutumte mitʼṭen samaṅokʼakʼ kana.

Levitikus 6:10

Ar setakʼ jokhecʼ naeke do acʼakʼ mĩhĩ musnạ kicricʼ ar huḍiń penṭ horokʼkate pinḍ cetanre jeredokʼ samaṅokʼakʼ reakʼ torocʼ rakapʼkate pinḍ aṛereye dohokakʼa.

Levitikus 6:11

Ar ona tayom uni do kicricʼ bodolkate ḍera bahre sapha ṭhạ̃ire ona torocʼe idiya.

Hosea 4:8

Ińren hoṛkoakʼ kại gunạkʼte onkoakʼ do lab hoyokʼ kana ar ińren hoṛko kại lạgitʼko udgạuetʼkoa.