Levitikus 6:13 - সান্তালী বাইবেল

¹³ Ar pinḍ reakʼ seṅgel do jao okte joltege tahena, ar baṅge ĩṛĩcʼ ocowakʼ hoyokʼa.

Levitikus 6:13 Referans Kwoze

Levitikus 6:9

“Aron ar uniren hoponkom baḍae ocokoa, jeredokʼ samaṅokʼakʼ reakʼ niạm do nonka leka hoyokʼa. Ona samaṅokʼakʼ jinis do goṭa ńindạ ar setakʼ hạbicʼ pinḍ reakʼ seṅgel cetanre tahena, ar pinḍ reakʼ seṅgel do jol akaege dohokakʼ hoyokʼa.

Levitikus 6:12

Menkhan pinḍ cetan reakʼ seṅgel do jol dohokakʼge hoyokʼa, ona do baṅge ĩṛĩcʼ ocowakʼ hoyokʼa. Din hilokʼ setakʼ bela naeke do ona seṅgel cetanre sahane emakʼa ar onare jeredokʼ samaṅokʼakʼe dohoyte sulukren samaṅokʼakʼ reakʼ itilkoe jereda.

Levitikus 6:14

“Jomakʼ samaṅokʼakʼ niạm do nonkaleka. Aronren hoponko do jomakʼ samaṅokʼakʼ jinisko pinḍ ṭhen Probhu Isor samaṅreko ạguiya.

Exodus 29:1

“Naeke lekate jemon ińko sewawạń onate iń ńutumte onkom begar dohokoa. Am do mitʼṭen ḍaṅgra ar barea bheḍam hataokinạ. Onkoakʼ hoṛmore jemon jãhãn khũt alo tahen.

Exodus 29:2

Ona tayom mĩhĩ moeda reakʼ piṭhạko, sunum ojokʼakʼ piṭhạko ar thapṛa piṭhạkom benaoa. Noako reakʼ okaṭakʼre hõ khạmi do alom mesalakʼa.

Exodus 29:40

Pạhil bheḍa sãote do mitʼ keji irạl sae gram mĩhĩ holoṅ ar koṭecʼ roḍocʼakʼ mitʼ liṭar jạitun sunum sãote mesalkate samaṅ hoyokʼa. Ona chaḍa coḍor lạgitʼ mitʼ liṭar darkha rasa hõ samaṅ hoyokʼa.

Levitikus 9:24

Ar Probhu Isor ṭhen khon seṅgel oḍok hecʼente pinḍ cetan reakʼ jeredokʼ samaṅokʼakʼ ar sanam itilkoe jomkeda. Ar noa ńelte hoṛ doko sạhnạskeda ar taberenteko sewakeda.

Jesaea 31:9

Onkoren raj do botorteye dạṛ pạnḍuja; uniren senaputiko do jhạnḍi ńelte ạḍiko botorokʼa.” Sionre okoeyakʼ seṅgel ar Jerusalemre okoeyakʼ bhaṭa menakʼtae, uni Probhu Isorge niạ katha doe meneda.