Levitikus 6:11 - সান্তালী বাইবেল

¹¹ Ar ona tayom uni do kicricʼ bodolkate ḍera bahre sapha ṭhạ̃ire ona torocʼe idiya.

Levitikus 6:11 Referans Kwoze

Jeheskel 44:19

Onko do tinre bahre racare tahenkan hoṛko ṭhenko calakʼa unre sekʼwa kạmi reakʼ kicricʼ totʼkate sonot oṛakʼreko doho oṭokakʼa ar eṭakʼ kicricʼko horoga, jemon onkoakʼ kicricʼ reakʼ jakʼte hoṛko iń ńutumte aloko begarokʼ.

Levitikus 16:27

Kại reakʼ puruchun lạgitʼ kại ńutumtekin samaṅakan ḍaṅgra ar merom boda one unkinakʼ mãyãm do sonot utạrakʼ ṭhạ̃ire aderen, unkin do ḍera bahrete idikate harta, jel ar gubri sudhạ atar giḍikạkin hoyokʼa.

Levitikus 4:21

Naeke do uni ḍaṅgrawakʼ sarecʼakʼ hạṭińko ḍera bahreteye oḍok idiya ar kại ńutumte samaṅokʼicʼ eṭakʼ ḍaṅgra lekageye atareya. Ar noage goṭa Israel jạtrenkoakʼ kại ńutumte samaṅokʼakʼ do hoyokʼa.

Levitikus 6:10

Ar setakʼ jokhecʼ naeke do acʼakʼ mĩhĩ musnạ kicricʼ ar huḍiń penṭ horokʼkate pinḍ cetanre jeredokʼ samaṅokʼakʼ reakʼ torocʼ rakapʼkate pinḍ aṛereye dohokakʼa.

Levitikus 6:12

Menkhan pinḍ cetan reakʼ seṅgel do jol dohokakʼge hoyokʼa, ona do baṅge ĩṛĩcʼ ocowakʼ hoyokʼa. Din hilokʼ setakʼ bela naeke do ona seṅgel cetanre sahane emakʼa ar onare jeredokʼ samaṅokʼakʼe dohoyte sulukren samaṅokʼakʼ reakʼ itilkoe jereda.

Exodus 29:37

Pinḍ sapha ocoy lạgitʼ eae din hạbicʼ din hilokʼ puruchun porob hotete ona do iń ńutumtem begar dohoya. Ar onate pinḍ do sonot utạrokʼa. Onare jãhãnakʼge jagokʼ ona do iń ńutumte begar dohokʼa.

Levitikus 6:20

“Arone ojokʼ bahal ocokʼ dinre Aron ar uniren hopon do jomakʼ samaṅokʼakʼ lekate jaoge mitʼ keji irạl sae gram mĩhĩ holoṅ Probhu Isor samaṅreko ạguiya. Ar ona reakʼ adha do setakʼ jokhecʼ ar adha do ạyupʼ jokhecʼko samaṅa.

Levitikus 6:22

Aron tayom uniren okoeṭakʼ hopon do maraṅ naeke hudạ lạgitʼe ojokʼ bahal ocokʼ uni hõ noa porobe hoeocoya. Noa do Probhu Isorakʼ kana, ar ona do jotoge atar cabae hoyokʼa.

Levitikus 7:6

Naekeakʼ gharońjren sanam herel hoponge ona doko jom daṛeakʼa, menkhan sonot tạmbu reakʼ ṭhạ̃irege. Noa do sonot utạrakʼ jinis kana.

Levitikus 24:9

Noa piṭhạ do Aron ar uniren hoponko sonot tạmbu reakʼ ṭhạ̃ire jojom hoyokʼtakoa, ente Probhu Isor ńutumte seṅgelteakʼ samaṅokʼakʼ jinisko modre noa do mitʼṭecʼ sonot utạrakʼ jinis kana. Ar noa do onkoakʼ jao okte reakʼ bakhra kana.”