Levitikus 6:10 - সান্তালী বাইবেল

¹⁰ Ar setakʼ jokhecʼ naeke do acʼakʼ mĩhĩ musnạ kicricʼ ar huḍiń penṭ horokʼkate pinḍ cetanre jeredokʼ samaṅokʼakʼ reakʼ torocʼ rakapʼkate pinḍ aṛereye dohokakʼa.

Levitikus 6:10 Referans Kwoze

Levitikus 16:4

Uni do mĩhĩ musnạ kicricʼ reakʼ sonot kicricʼe horoga ar bhitrire hõ mĩhĩ musnạ kicricʼ reakʼ huḍiń kicricʼe horoga. Ar mĩhĩ musnạ reakʼ paṭheyakʼte ḍanḍae paṭhekʼa ar bohokʼ do mĩhĩ musnạ kicricʼteye dạhṛikʼa. Noa do sonotakʼ kicricʼko kana. Ar noa horog lahare uni doe ḍạbrạ saphakʼa.

Johan sodor 19:14

Sermaren palṭonko do ponḍ sapha musnạ kicricʼ horokʼkate ar ponḍ sadomre decʼkate uni tayom tayomteko calakʼkan tahẽkana.

Johan sodor 19:8

Uni do jhalkaokʼkan, sapha ar mĩhĩ musnạ kicricʼ bandekʼ lạgitʼ emakawadea. Ona kicricʼ do Isorren hoṛkoakʼ dhorom kạmiko kana.”

Johan sodor 7:13

Unre mitʼṭen murubbi doe metadińạ, “Ponḍ kicricʼ horokʼakatʼ noko hoṛ doko okoe kana? Ar oka khonko hecʼakana?”

Sereńko 37:20

Menkhan bạṛicʼ hoṛ doko maraokʼa; Probhu Isorren bạiriko do ṭạnḍi reakʼ saj leka, ar dhũạ lekako chanokʼa.

Sereńko 20:3

Amakʼ sanam dãṛẽ reakʼ katha uniyakʼ monre disạ tahentae ma, amakʼ jeredokʼakʼ dãṛẽko uni doe ataṅtam ma.

Numeri 16:35

Ar barsae mõṛẽgel hoṛ okoe do dhupko samaṅetʼ tahẽkan onko do Probhu ṭhen khon seṅgel oḍokente sanamkoe atar cabaketʼkoa.

Numeri 16:21

“Aben do eṭakʼ sanam hoṛko khon begarokʼ ben, jemon ńitge onkoń maraoko.”

Levitikus 1:13

Ar samaṅetʼkạnicʼ do jaṅgako ar lacʼ bhitri reakʼ hĩsko dakʼteye ạrupʼ saphaea ar naeke do onako sudhạ goṭa ḍaṅgrage pinḍ cetanreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Levitikus 1:9

Ar samaṅedeyicʼ do uniyakʼ jaṅga ar lacʼ bhitri reakʼ sanam hạṭińko dakʼteye ạrupʼ saphaea ar naeke do onako sudhạ goṭa ḍaṅgrage pinḍreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana, one ona reakʼ jut so Probhu Isor doe kusiyakʼkan.

Levitikus 6:11

Ar ona tayom uni do kicricʼ bodolkate ḍera bahre sapha ṭhạ̃ire ona torocʼe idiya.

Levitikus 8:2

“Am do Aron ar uniren hoponko nonḍem ạgukoa. Ar ona sãote onkoakʼ kicricʼko, ojokʼ bahalokʼ reakʼ sunum, kại ńutumte samaṅokʼren ḍaṅgra, barea bheḍa ar bin khạmiyanakʼ piṭhạ reakʼ ḍạlicʼ hõm ạgu daraya.

Jeheskel 44:19

Onko do tinre bahre racare tahenkan hoṛko ṭhenko calakʼa unre sekʼwa kạmi reakʼ kicricʼ totʼkate sonot oṛakʼreko doho oṭokakʼa ar eṭakʼ kicricʼko horoga, jemon onkoakʼ kicricʼ reakʼ jakʼte hoṛko iń ńutumte aloko begarokʼ.

Levitikus 2:11

“Probhu Isor ńutumte jomakʼ samaṅokʼ lạgitʼ jãhãnakʼge ạgukʼ ona do bin khạmiyanakʼ baṛe hoyokʼ ma. Probhu Isor ńutumte seṅgelre samaṅokʼakʼ jiniskore khạmi se rasa do alope jereda.

Levitikus 6:18

Aron bõsren sanam herel hoponkoge ona doko jom daṛeakʼa. Probhu Isor ńutumte seṅgelre samaṅokʼakʼ jinis reakʼ noa hĩs do piṛhike piṛhi onkoakʼge hoyokʼa. Ar jãhãege ona hĩse joṭed uni do Probhu Isor ńutumte begarokʼ hoyokʼtaea.”

Levitikus 6:22

Aron tayom uniren okoeṭakʼ hopon do maraṅ naeke hudạ lạgitʼe ojokʼ bahal ocokʼ uni hõ noa porobe hoeocoya. Noa do Probhu Isorakʼ kana, ar ona do jotoge atar cabae hoyokʼa.

Levitikus 21:22

Isor ńutumte samaṅakʼ jomakʼ modre sonotakʼ ar sonot utạrakʼ joto jomakʼge uni doe jom daṛeakʼa,