Levitikus 5:7 - সান্তালী বাইবেল

⁷ “Uni hoṛ do bhiḍi pạṭhi bae ạgu daṛeae, enḍekhan uniyakʼ ona behok reakʼ ḍanḍom lekate Probhu Isor ńutumte barea potam se barea parwa lagaoaea. Unkin modre mitʼṭen do kại ńutumte ar eṭagicʼ do jeredokʼ samaṅokʼakʼ lạgitʼ.

Levitikus 5:7 Referans Kwoze

Levitikus 12:8

Samaṅokʼ lạgitʼ bhiḍi hopon bae juṛạu daṛeae khan uni do barea potam ar baṅkhan barea parwa hopon ạgukin hoyokʼtaea. Unkin modre mitʼṭen do jeredokʼ samaṅokʼakʼ lạgitʼ ar eṭagicʼ do kại ńutumteye samaṅea. Nonkate naeke do chute meṭaokataea ar uni doe sapha utạrokʼa.”

Mathae 10:16

“Ńelpe, iń do hunḍạrko talare bhiḍiko lekań koletʼpea. Onate biń leka husiạrokʼpe ar parwa leka soṛa hoyokʼpe.

2 Korinthiko 8:12

Jãhãe emokʼ reakʼ monejoṅakʼ tahentae khan enḍekhan uni oka menakʼtae ona lekage Isor do uniyakʼ dane ataṅtaea, ar oka bạnukʼtae ona do Isor hõ bae khojkana.

Mathae 3:16

Ado Jisu bạptiskate dakʼ khone rakapʼen sãote sãote uni samaṅre serma do jhicʼena. Ar Isorren sonot Jiu do parwa leka acʼ cetanre pheḍ hijukʼkane ńelkedea.

Luk 2:24

Ona chaḍa “Mitʼ joṛa potam se barea parwa hopon” samaṅkin reakʼ katha cetʼleka Probhu Isorakʼ ạnre ol menakʼ onkage unkin do samaṅkin lạgitʼkin calaoena.

Levitikus 16:5

Kại ńutumte samaṅokʼakʼ lạgitʼ uni do Israelko ṭhen khon barea merom boda ar jeredokʼ samaṅokʼakʼ lạgitʼ mitʼṭen bheḍae hataoea.

Levitikus 15:30

Ar naeke do unkin modre mitʼṭen do kại ńutumte samaṅokʼakʼ ar eṭakʼicʼ do jeredokʼ samaṅokʼ menteye samaṅkinạ. Nonkate naeke do Probhu Isor samaṅreye puruchuna uniyakʼ saphakʼ lạgitʼ.”

Levitikus 9:3

Ar Israelkom metakoa jemon onko do Probhu Isor samaṅre kại ńutumte samaṅokʼ lạgitʼ mitʼṭen merom, jeredokʼ samaṅokʼ lạgitʼ mitʼṭen mĩhũ ar mitʼṭen bhiḍi hopon ar sulukren samaṅokʼ lạgitʼ mitʼṭen ḍaṅgra ar mitʼṭen bheḍako ạguko. Mĩhũ ar bheḍa hopon banarge jemon mitʼ bochor umerrenkin hoyokʼ ar jemon unkin do niphuṭ utạrkin hoyokʼ. Ar onko sãote jemon sunum mesalakatʼ jomakʼ samaṅokʼakʼ reakʼ jinis hõko ạgu darae. Noako nonkae hoyokʼtakoa ente Probhu Isor do onko ṭhene ńel ocokʼa.”

Levitikus 5:11

“Ar uni hoṛ barea potam se barea parwa hõ bae ạgu daṛeakin, enḍekhan kại ńutumte samaṅokʼ lạgitʼ uni do mitʼ keji irạlsae gram mĩhĩ holoṅ ạguiy hoyokʼtaea. Noa do kại ńutumte samaṅokʼakʼ kante onare sunum ar kunduru do baṅ mesalakʼ hoyokʼa.

Mathae 21:12

Ado Jisu mundilteye boloyen khan onḍeko kiriń-ạkhrińkan tahẽkan joto doe laga oḍokketʼkoa. Uni do ṭaka bodolkoakʼ mạciko ar parwa kiriń-ạkhirińkoakʼ duṛupʼakʼkoe ulṭạu giḍikatʼteye metatʼkoa,

Levitikus 7:1

“Noa do hoyokʼ kana dos ńutumte samaṅokʼakʼ niạm. Samaṅokʼakʼ reakʼ noa jel do sonot utạrakʼ kana.

Levitikus 12:6

“Menkhan koṛa se kuṛi gidrạ janam tayom uniyakʼ chut meṭaokʼ reakʼ dinko purạulen khan uni do ńapamokʼ tạmbu reakʼ duạr samaṅre jeredokʼ samaṅokʼakʼ lạgitʼ naeke ṭhen mitʼ bochor umerren mitʼṭen bhiḍi hopon ar kại ńutumte samaṅokʼ lạgitʼ mitʼṭen potam se parwa hopon idi kin hoyokʼtaea.

Levitikus 14:30

Naeke do potam se parwa uni jãhãeṭakʼgeye kulạu daṛeakin unkingeye hataokina. Ona tayom unkin cẽṛẽ modre mitʼṭen do kại ńutumte samaṅokʼakʼ ar eṭakʼicʼ do jeredokʼ samaṅokʼakʼ menkate, jomakʼ samaṅokʼakʼ sãoteye samaṅkinạ. Nonkate naeke do Probhu Isor samaṅre uniyakʼ saphakʼ reakʼe puruchuna.”

Numeri 5:6

“Israel hoponkom metakoa, manwa okako kại ona reakʼ mitʼṭecʼ kạmikate jãhãe herel se maejiu Probhu Isorre bepạtiạre hoylen khan uni doe dusi ocokʼa.

Numeri 6:10

Ar irạl mãhã hilokʼ do ńapamokʼ tạmbu reakʼ duạrre naeke ṭhen barea potam ar baṅkhan barea parwa idikin hoyokʼtaea.

Numeri 6:11

Mạ̃ṛĩ ṭhene tahẽkante uni doe besaphagea ar uni saphakʼ lạgitʼ naeke do mitʼṭen cẽṛẽ hataokate kại ńutumteye samaṅea ar eṭakʼicʼ do jeredokʼ samaṅokʼakʼ ńutumteye samaṅea. Ar enhilokʼ uni do acʼakʼ bohokʼ upʼ Probhu Isor ńutumteye sonot ocoytaea,

Levitikus 27:8

“Ar manotakʼe samaṅetʼ kạnicʼ doe reṅgecʼ hoṛkan khan ar niṭ akatʼ reakʼ dam emokʼ reakʼ daṛe bạnukʼtae khan uni do naeke ṭhen idiye hoyokʼa. Ar naeke do unre uniyakʼ daṛe leka ona reakʼ dame ṭhikaea.