Levitikus 5:2 - সান্তালী বাইবেল

² “Ar jãhãe begor baḍaete jãhãn besaphawakʼe joṭetʼ eman lekhan uni do besapha ar dusi hoṛe hoyokʼa, baṅ do besapha janwar ar ạsul janwarakʼ mạ̃ṛĩkan ar baṅ do leńokʼ ṭunḍạṅkan kạṭicʼ jãhãnkoakʼ mạ̃ṛĩkan.

Levitikus 5:2 Referans Kwoze

Levitikus 5:17

“Jãhãe begor baḍaete Probhu Isore mana akatʼ reakʼ jãhãnakʼe cekae enḍekhan uni do dusireye paṛaokʼa ar onate uni do dạyireye paṛaokʼa.

Dosar Biboron 14:8

Sukri doko besaphagea; khurạ hạṭińgetakore hõ bako pạgura. Onkoakʼ jel do alope joma ar joṭetʼ hõ alope joṭeda.

Hagae 2:13

Unre Hagaeye metatʼkoa, “Gocʼ hoṛe joṭetʼ akade iạteye bhonḍ akan nonkan jãhãe hoṛ noako reakʼ mitʼṭecʼe joṭetʼ tiyog, enḍekhan ona jinis do cetʼ bhonḍakʼ hoyokʼa? ” Naekeko roṛ ruạṛkeda, “Hẽ, ona do bhonḍakʼge hoyokʼa.”

Levitikus 11:11

Ente hirkhạwan jiwiyan kanako onate onko jom do baṅ ganokʼa ar onkoakʼ mạ̃ṛĩ hõ hirkhạwakʼ jinis mente bujhạupe.

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Luk 11:44

Hae ape do! Ente ape do begor cinhạ akatʼ topa lekanko kanape. One hoṛko do begor baḍaete ona cetanteko taṛam paromokʼ kan.”

Jesaea 52:11

Ma oḍokokʼpe, men ona jaega khon oḍok hijukʼpe. Ar chutakʼ jãhãn jinisko alope joṭeda. Ape okoe Probhu Isorakʼ bhajankope gokʼ idiyetʼ ape do ona jaega khon oḍok hijukʼpe ar saphakʼpe.

Sereńko 19:12

Apnarakʼ bhul do okoeye bujhạu daṛeakʼa? Ińakʼ bin baḍae dosko reakʼ baṛe ikạitińme.

Levitikus 7:21

Jãhãege manwa se janwarakʼ jãhãn chutakʼ jinis se eṭakʼ jãhãn chutakʼ hirkhạwakʼ jinise joṭed ar ona tayom Probhu Isor ṭhen samaṅ akatʼ sulukren samaṅokʼ reakʼ jele jom enḍekhan uni hõ acʼakʼ jạtrenko khone biṭlạha ocokʼa.”

Levitikus 5:4

“Begor sontorteye kiriyạkʼ nonkan jãhãnakʼ reaṅ jãhãe begor hudiskate boge-bạṛicʼe kiriạkʼ enḍekhan begor baḍaeteye onka akatʼre hõ uni do dusireye paṛaokʼa.

Levitikus 4:13

“Ar goṭa Israel jạtrenko bạṛicʼakʼ reakʼ monsubạ doho baṅkate Probhu Isore mana akatʼ jãhãnakʼge begor baḍaeteko onkae enḍekhan onko do ona bako baḍae akatʼre hõ dusiko hoyokʼa.

Levitikus 5:3

“Manwae chutokʼ nonkan jãhãn besaphawakʼ jãhãege begor baḍaeteye joṭetʼ lekhan uni hõ baḍae tayom do dusiye hoyokʼa.

Levitikus 11:8

Onkoakʼ jel do alope joma ar onkoakʼ mạ̃ṛĩ hõ alope joṭeda. Noko doko besaphagea.

Numeri 19:22

Besapha akan hoṛ jãhãnakʼgeye joṭed onage besaphawakʼ hoyokʼa ar uni joṭetʼakʼ jinis okoeye joṭed uni hõ ạyupʼ hạbicʼ besapha akane tahen.”