Levitikus 5:15 - সান্তালী বাইবেল

¹⁵ “Jãhãe hoṛ monre kại reakʼ monsubạ doho baṅkate Probhu Isor ńutumte begar dohoakan jinisko babotreye kại enḍekhan uni do kại reakʼ juribana lekate Probhu Isor samaṅre mitʼṭen niphuṭ utạricʼ bheḍa ạguiye hoyokʼtaea. Ar noa do dos ńutumte samaṅokʼakʼ kana. Ona chaḍa dhorom reakʼ sekel lekate tinạkʼ rupạte bheḍawakʼ dam ṭhik dohokʼ unạkʼ rupạ do khuti purun lekate uni emae hoyokʼtaea.

Levitikus 5:15 Referans Kwoze

Exodus 30:13

Lekha akan hoṛkoakʼ dolte calakʼ ạurire mimitʼ hoṛ do gel gram ojon reakʼ dhorom sekel reakʼ adha sekelkate emokʼ hoyokʼtakoa. Ar niạ adha sekel do Probhu Isorakʼge hoyokʼa.

Esra 10:19

Noko sanamkoge akoren bạhu bạgiko reakʼko kiriạyena ar onkoakʼ dos gunạkʼte mimitʼ pal khon mitʼṭenkate bheḍa do dos ńutumteko samaṅketʼkoa.

Levitikus 7:6

Naekeakʼ gharońjren sanam herel hoponge ona doko jom daṛeakʼa, menkhan sonot tạmbu reakʼ ṭhạ̃irege. Noa do sonot utạrakʼ jinis kana.

Levitikus 7:1

“Noa do hoyokʼ kana dos ńutumte samaṅokʼakʼ niạm. Samaṅokʼakʼ reakʼ noa jel do sonot utạrakʼ kana.

Levitikus 6:6

Behok reakʼ juribana lekate uni do amem ṭhik akawade damren mitʼṭen niphuṭ utạricʼ bheḍa do Probhu Isor ńutumte samaṅe lạgitʼ naeke ṭhene ạguiyea.

Dosar Biboron 12:26

“Probhu Isore bachao akatʼ ṭhạ̃ire apeakʼ sonot jinisko ar manot akatʼakʼ jinisko idiy hoyokʼtapea.

Numeri 5:8

Khuti purun hatao lạgitʼ uni hoṛren jãhãe sor peṛa bae tahen khan ona do Probhu Isorakʼge hoyokʼa. Ona khuti purun ar uniyakʼ kại reakʼ puruchunren bheḍa do naekege emae hoyokʼa.

Levitikus 5:18

Unre uni do acʼakʼ kại ńutumte samaṅokʼakʼ lạgitʼ oneye ṭhik dohoakatʼ damren mitʼṭen bhiḍi ạgukate naekeakʼ tireye jimạyea. Ar begor baḍaeteye kại akatʼ iạte naeke do puruchun reakʼe kạmikataea; ar onate uni do ikạye ńama.

Levitikus 5:16

Ar ona sonot jinis babotreye kại akatʼ iạte uni do puruchun lekate noa emokʼ hoyokʼtaea. Ona chaḍa bheḍawakʼ dam sãote arhõ mõṛẽ hĩs reakʼ mitʼ hĩs do naeke tire emokʼ hoyokʼa. Ar naeke do uni bheḍa idikate kại reakʼ puruchunokʼ ńutumteye samaṅea ar onate uniyakʼ kại do ikạkʼtaea.

Levitikus 5:14

Noa tayom Probhu Isor do Moseye galmaraoadeteye metadea,

Numeri 5:5

Probhu Isor do Moseye galmaraoadea,

1 Samuel 6:3

Onkoko menkeda, “Israelkoren Isorakʼ sinduk kol ruạṛpe menetʼ khan ekenakʼ do alope kol ruạṛkakʼa. Ape do khạṭige uni ṭhen mitʼṭecʼ dos- samaṅokʼakʼpe kola. Enḍekhan ape do mońjpe tahena arpe baḍae daṛeakʼa, cedakʼ uniyakʼ keṭecʼ ti ape cetan khon baṅ ocogokʼ kana mente.”

2 Rapajko 12:16

Dos ńutumte samaṅokʼakʼ ar kại ńutumte samaṅokʼakʼ reakʼ ṭaka do Probhu Isorakʼ oṛakʼ reakʼ baksare bako dohoyetʼ tahẽkana; ona do naekekoakʼ bakhra kana.

Levitikus 1:3

“Uni do ona jeredokʼ samaṅokʼakʼ ḍaṅgrateye menetʼ khan enḍekhan uni do niphuṭ ạnḍiạ ḍaṅgrage ạguiye hoyokʼtaea. Probhu Isor jemon uni cetanreye kusikʼ onate uni do ńapamokʼ tạmbu reakʼ duạr ṭhen ḍaṅgrae ạguiyea.

Levitikus 1:10

“Noa jeredokʼ samaṅokʼakʼ do bheḍa se meromteye hoyocoe khan uni do mitʼṭen niphuṭ merom boda se bheḍa baṛeye ạguiyema.

Levitikus 14:12

“Ar naeke do unkin bhiḍi modren mitʼṭene hataoea ar mitʼ liṭer pe poa sunum tulucʼ dos ńutumte samaṅokʼakʼe samaṅa ar dolek samaṅokʼakʼ ńutumte Probhu Isor samaṅreye dolaoa.

Jeheskel 40:39

Phaṭok duạrte bolokʼ kandha reakʼ banarsa aṛerege bareakate ṭebil tahẽkana. Onako cetanre do jeredokʼ samaṅokʼakʼ, puruchun lạgitʼ samaṅokʼakʼ ar dos samaṅokʼren janwarkoakʼ jel getʼkateko dohoyetʼ tahẽkana.