Levitikus 4:31 - সান্তালী বাইবেল

³¹ Ar sulukren samaṅ akade janwarakʼ itil oḍok lekage nui samaṅ akade janwarakʼ itile oḍoktaea ar pinḍ cetanreye jeretʼ cabaya. Ar noa reakʼ jut so Probhu Isor doe kusiyakʼa. Nonkate naeke do uni hoṛakʼe puruchuna ar uniyakʼ kại do ikạkʼtaea.

Levitikus 4:31 Referans Kwoze

Levitikus 4:26

Uni do sulukren samaṅokʼicʼ janwarakʼ itil lekage uniyakʼ sanam itilko do pinḍ cetanreye jereda. Ar nonkate naeke do mukhiyạ hoṛakʼ puruchun reakʼe kạmikataea ar nonkate uniyakʼ kại do ikạkʼtaea.

Levitikus 4:35

Ar sulukren samaṅokʼicʼ bhiḍiyakʼ itil oḍok lekage uni do uniyakʼ hõ sanam itilkoe oḍoka. Ar ona tayom Probhu Isor ńutumte seṅgelteakʼ samaṅokʼakʼ mente uni do ona itilko pinḍ cetanreye jereda. Nonkate naeke do uni hoṛakʼe puruchuna ar onate uniyakʼ kại do ikạkʼtaea.

Levitikus 1:9

Ar samaṅedeyicʼ do uniyakʼ jaṅga ar lacʼ bhitri reakʼ sanam hạṭińko dakʼteye ạrupʼ saphaea ar naeke do onako sudhạ goṭa ḍaṅgrage pinḍreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana, one ona reakʼ jut so Probhu Isor doe kusiyakʼkan.

Levitikus 1:13

Ar samaṅetʼkạnicʼ do jaṅgako ar lacʼ bhitri reakʼ hĩsko dakʼteye ạrupʼ saphaea ar naeke do onako sudhạ goṭa ḍaṅgrage pinḍ cetanreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Exodus 29:18

Inạ tayom do pinḍ cetanrem atar giḍikaea. Noa do Probhu Isor ńutumte mitʼṭecʼ jeredokʼ samaṅokʼakʼge, metakʼme Probhu Isor ńutumte seṅgelre mitʼṭecʼ samaṅokʼakʼge, one ona reakʼ jut so do uniye kusiyakʼ kan.

Genesis 8:21

Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea.

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

Ibriko 10:14

ente Isorakʼ monsubạ lekate okoeko begar ocoakan ona mitʼṭen dãṛẽ hotete uni do jaejug hạbicʼ onkoe sạbit ocoakatʼkoa.

Ibriko 10:12

Menkhan Jisu do kại ńutumte jaejug lạgitʼ eken mitʼṭen dãṛẽye samaṅketʼte Isorakʼ jojomsa aṛereye duṛupʼena.

Ibriko 9:12

Merom ar ḍaṅgrakoakʼ mãyãmte Mạsi do ona sonot utạrakʼ ṭhạ̃ire bae bololena. Uni do acʼakʼ mãyãmte mitʼ dhaoge onḍeye boloyena. Nonkate uni do jaejug lạgitʼ kại khon bańcaokʼ reakʼ hore tearkeda.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Ephesiko lạgitʼ Pạul Apostolakʼ ciṭhi 5:2

Mạsi cetʼlekae dulạṛaketʼ bon ar abon lạgitʼ Isor ńutumte jut so lạgitʼ samaṅokʼakʼ lekate acʼtetʼgeye emen, ṭhik onkage ape hõ dulạṛ horte taṛampe.

Mathae 3:17

Unre serma khon mitʼṭen aṛaṅ ańjomena, “Nuige ińren dulạṛiạ Hopon, one unireń kusi akan.”

Jesaea 53:10

Probhu Isor do acʼakʼ kusilekage uniye talga tạuạkʼ ocokedea ar duke jom ocokedea. Probhu Isorren golam do tinre acʼakʼ jiwiye samaṅtaea unre uni do acʼren hoponkoe ńel ńamkoa ar uniyakʼ bahaokʼ dine baṛhaotaea; uni hotetege Probhu Isorakʼ sana do purạukʼa.

Jesaea 42:21

Probhu Isor doe kusiyena ar acʼakʼ dhorom ńutumte acʼakʼ ạnko maraṅ are ṭhonok ocoakada.

Jobakʼ 42:8

Onate ńitokʼ eae goṭen ḍaṅgra ar eae goṭen bheḍa ạgukate ińren guti Job ṭhen senokʼpe ar apnar lạgitʼ jeredokʼ samaṅokʼakʼ samaṅpe. Ińren guti Job do ape lạgitʼe koejoṅa ar iń do onań ataṅtaea, apeakʼ lelhatetʼ leka jo do bạń emapea.”

Esra 6:10

jemon onko do sermaren Isor ńutumte ataṅokʼ reakʼ samaṅokʼakʼ porobko porob daṛeakʼ ar raj ar raj hoponkoakʼ bhạlại lạgitʼko koe daṛeakʼ.

Levitikus 8:21

Uni do bheḍawakʼ jaṅga ar lacʼ bhitri reakʼ hĩsko dakʼteye ạrupʼ saphakeda ar bheḍa do goṭate jeredokʼ samaṅokʼakʼ reakʼ pinḍ cetanreye atarkedea. Noa do Probhu Isor ńutumte seṅgelteakʼ mitʼṭecʼ samaṅokʼakʼ kana, one ona reakʼ jut so Probhu Isor doe kusiyakʼkan. Ar Mose do jotowakʼge Probhu Isorakʼ hukum lekae kạmikeda.

Levitikus 4:19

Ar ḍaṅgrawakʼ sanam itilko oḍokkate uni do pinḍ cetanreye jeretʼ cabaya ar kại ńutumte samaṅokʼicʼ eṭakʼ ḍaṅgra hõe onkayea. Nonkate naeke do Israelkoakʼ kại ńutumteye puruchuna ar onkoakʼ kại do ikạkʼtakoa.

Levitikus 1:17

Uni do phạ̃kṛạ̃kʼre sapʼkate nonkae phạṛiyea jemon aloe topage. Ar ona tayom naeke do pinḍre jolokʼkan seṅgelreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Levitikus 2:9

Jomakʼ samaṅokʼakʼ reakʼ purạ samaṅokʼakʼ bodolte oka hạṭiń emokʼ hoyokʼ naeke do pinḍ cetanre eken onae jereda. Noa do seṅgelre mitʼṭen samaṅokʼakʼ kana, one ona reakʼ jut so do Probhu Isore kusiyakʼkan.

Levitikus 5:6

Unre ona behok reakʼ juribana lekate uni do Probhu Isor ńutumte kại reakʼ puruchun lạgitʼ mitʼṭen bhiḍi pạṭhi se merom pạṭhi ạguiye hoyokʼtaea, ar naeke do uniyakʼ puruchun reakʼe kạmikataea.

Levitikus 5:10

Ar eṭakʼicʼ cẽṛẽte do niạm lekate jeredokʼ samaṅokʼakʼ samaṅkate naeke do uniyakʼ puruchun reakʼe bebostawaea; ar onate uniyakʼ kại do ikạkʼtaea.

Levitikus 14:18

Ar ti reakʼ sarecʼ sunum do bohokʼreye ojokʼaea. Nonkate Probhu Isor samaṅre uni ńutumteye puruchuna.

Levitikus 15:15

Unre naeke do unkin modre mitʼṭen do kại ńutumte ar eṭagicʼ do jeredokʼ samaṅokʼakʼ menteye samaṅkinạ. Ar besaphawakʼ oḍokokʼ iạte okoe chutgeye tahẽkan uni saphakʼ lạgitʼ naeke do Probhu Isor samaṅreye puruchuna.

Levitikus 19:22

Ar naeke do dos ńutumtren uni bheḍa Probhu Isor samaṅreye ạguiyea ar uniyakʼ kại reakʼe puruchuna. Onate uniyakʼ kại do ikạkʼtaea.

Numeri 15:25

Naeke do goṭa Israel jạtrenko lạgitʼ ona behokakʼ reakʼe puruchuna. Onate onko do ikạko ńama, ente baḍaekate do bako onka akada ar onkoakʼ bhul iạte Probhu Isor ńutumte seṅgelteakʼ samaṅokʼakʼ ar kại ńutumte samaṅokʼakʼko samaṅa.