Levitikus 4:27 - সান্তালী বাইবেল

²⁷ “Israelko modren jãhãege monre kại reakʼ monsubạ doho baṅkate Probhu Isore mana akatʼ reakʼ jãhãnakʼe cekae enḍekhan uni hõ dusi hoṛe hoyokʼa.

Levitikus 4:27 Referans Kwoze

Numeri 15:27

“Menkhan eken mitʼ hoṛ bhulkate behokakʼe kạmi akatʼ khan enḍekhan uni do kại ńutumte samaṅokʼakʼ lạgitʼ mitʼ bochor umerren merom pạṭhi ạguiye hoyokʼtaea.

Levitikus 4:13

“Ar goṭa Israel jạtrenko bạṛicʼakʼ reakʼ monsubạ doho baṅkate Probhu Isore mana akatʼ jãhãnakʼge begor baḍaeteko onkae enḍekhan onko do ona bako baḍae akatʼre hõ dusiko hoyokʼa.

Numeri 15:29

Andhateye ghạṭ akatʼ nonkan mitʼke mitʼ hoṛ lạgitʼ hõ inạ niạmge tahẽyena. Uni do baṅ doe Israelkan baṅ doe eṭakʼ jạtren kan.

Numeri 5:6

“Israel hoponkom metakoa, manwa okako kại ona reakʼ mitʼṭecʼ kạmikate jãhãe herel se maejiu Probhu Isorre bepạtiạre hoylen khan uni doe dusi ocokʼa.

Numeri 15:16

Ape lạgitʼ ar ape talareko girobasokʼ kan eṭakʼ jạtren hoṛko lạgitʼ inạ mitʼ hukum ar inạ mitʼ ạn-ạrige tahẽyena.”

Exodus 12:49

Israelko lạgitʼ ar ape talareko tahenkan eṭakʼ jạtren hoṛko lạgitʼ hõ inạ mitʼ hukumge tahẽyena.”

Levitikus 4:22

“Jãhãe mukhiyạ hoṛ monre bạṛicʼakʼ jãhãnakʼ doho baṅkate acʼren Probhu Isore mana akatʼ reakʼ jãhãnakʼe cekae enḍekhan uni hõ dusi hoṛe hoyokʼa.

Levitikus 9:15

Ona tayom Aron do hoṛkoren samaṅokʼren janwarkoe ạguketʼkoa. Uni do hoṛkoakʼ kại ńutumte merome dãṛẽkedea ar lahate leka uni hotetege kại ńutumte samaṅokʼakʼe samaṅkeda.

Jeheskel 45:20

Okoe do bhulte se begor baḍaete mundil oṛakʼ upạrte jãhãnakʼko kại onko lạgitʼ do cando reakʼ eae hilokʼ onkagem kạmiya. Nonkate ape do kại ńutumte samaṅokʼ reakʼ porob hoyocokate mundil oṛakʼpe saphaea.

Levitikus 5:17

“Jãhãe begor baḍaete Probhu Isore mana akatʼ reakʼ jãhãnakʼe cekae enḍekhan uni do dusireye paṛaokʼa ar onate uni do dạyireye paṛaokʼa.

Numeri 15:22

“Bhul iạte Mose hotete emakʼ Probhu Isorakʼ noako hukum reakʼ jãhãṭakʼ bape manao ar ona hukum emokʼ hilokʼ khon piṛhike piṛhipe onkae ar ona bhul do sanamkoakʼ bin baḍaege tahen, enḍekhan ona baḍae tayom Probhu Isor kusi ocoye lạgitʼ jut so lekate goṭa Israel jạtrenko do mitʼṭen ḍaṅgra ạgukate jeredokʼ samaṅokʼakʼko samaṅa. Ona sãote jaoge jomakʼ samaṅokʼakʼ ar coḍor samaṅokʼakʼ samaṅ hoyokʼa ar kại ńutumte mitʼṭen merom boda hõ samaṅe hoyokʼa.

Sereńko 19:13

Baḍae tulucʼ bạḍạiteakʼ kại khon amren golam do sạńgińre dohokạńme; jemon iń cetanre ona do mạliki aloe calao daṛeakʼ. Enḍekhan iń do khạṭiń hoy daṛeakʼa, ar Isorakʼ maraṅ ghạṭko khon miridos iń tahena.

Jeheskel 45:17

Ar disạm cakʼlaoyicʼ do sanamakʼ porobko, molokʼ candoko reakʼ ar jirạukʼ mãhã lạgitʼ, metakʼme Israel jạtrenkoakʼ niṭ akatʼ sanamakʼ porobko lạgitʼ jeredokʼ samaṅokʼakʼ lạgitʼ, anaj samaṅokʼakʼ lạgitʼ, coḍor samaṅokʼakʼ lạgitʼ jiniskoe kulạu juṛạua. Uni do Israelkoakʼ kại ńutumte puruchunokʼ lạgitʼ samaṅokʼakʼ, anaj samaṅokʼakʼ, jeredokʼ samaṅokʼakʼ ar sulukren samaṅokʼakʼ lạgitʼ jiniskoe kulạu juṛạua.