Biblia Todo Logo
Bib sou entènèt

- Piblisite -




Levitikus 4:25 - সান্তালী বাইবেল

25 Ona tayom naeke do kại ńutumte samaṅ akade janwar khon thoṛa mãyãm kạṭupʼte hataokate jeredokʼ samaṅokʼakʼ pind reakʼ dereńkoreye ojokʼakʼa; ar sarecʼakʼ mãyãm do ona pinḍ aṛereye dulkakʼa.

Gade chapit la Kopi




Levitikus 4:25
18 Referans Kwoze  

Ona tayom naeke do kạṭupʼte uni samaṅ akade bhiḍiyakʼ mãyãm hataokate jeredokʼ samaṅokʼ pinḍ reakʼ dereńkoreye ojokʼakʼa; ar sarecʼakʼ mãyãm do pinḍ aṛereye dulkakʼa.


Ona tayom naeke do kạṭupʼte uniyakʼ thoṛa mãyãm hataokate jeredokʼ samaṅokʼakʼ pinḍ reakʼ dereńkoreye ojokʼakʼa; ar sarecʼakʼ mãyãm do pinḍ aṛereye dulkakʼa.


Ona tayom thoṛa mãyãm hataokate uni do ńapamokʼ tạmbure Probhu Isor samaṅre oka jut so dhudhup pinḍ menakʼ ona reakʼ dereńkoreye ojokʼakʼa. Ar ona tayom do ńapamokʼ tạmbu reakʼ duạr ṭhen one okare jeredokʼ samaṅokʼakʼ pinḍ menakʼ ona aṛereye dulkakʼa.


Inạ tayom thoṛa mãyãm hataokate ńapamokʼ tạmbure Probhu Isor samaṅre one okare jut so mosola reakʼ pinḍ menakʼ ona reakʼ dereńkoreye ojokʼakʼa. Ar sarecʼakʼ mãyãmte do ńapamokʼ tạmbu reakʼ duạr ṭhen one okare jeredokʼ samaṅokʼakʼ reakʼ pinḍ menakʼ ona aṛereye dulkakʼa.


Unre uniren hoponko do mĩhũ reakʼ mãyãm hataokate acʼ ṭhenko ạgukeda. Ar Aron do ona mãyãmre acʼakʼ kạṭupʼkoe topoketʼte pinḍ reakʼ dereńreye ojokʼada ar sarecʼ mãyãm do pinḍ aṛereye dulkada.


Moseyakʼ ạn-ạri lekate sanam jiniskoge mãyãmte saphakʼ kana ar begor mãyãm jorote kại do oho ikạlena.


Mạsige ạnkoe purạuketʼte ona reakʼ daṛe doe mạutạkeda, jemon acʼre okoeko pạtiạukʼ onko do Isor ṭhen dhorom menteko ataṅ ocokʼ.


Ape do cetʼ bape baḍaea? Ape do cetʼ bape ańjomeda? Pạhil khonge cetʼ onako katha do baṅ lại akawatʼpea? Dhạrti rehedokʼ khonge cetʼ bape bujhạu akada?


Ńapamokʼ tạmbu khon oḍok hecʼkate Aron do Probhu Isor samaṅre pinḍ reakʼ besaphawakʼ reakʼe puruchuna. Uni do ḍaṅgra ar merom bodawakʼ thoṛa mãyãm hataokate pinḍ reakʼ dereńkoreye ojokʼakʼa.


Ar ona tayom Mose do uni ḍaṅgrae dãṛẽkedete uniyakʼ mãyãme hataokeda ar pinḍ saphae lạgitʼ kạṭupʼte ona mãyãm hataokate pinḍ reakʼ dereńkoe ojokʼada. Ar sarecʼakʼ mãyãm do pinḍ aṛereye dulkada. Nonkate uni do puruchun reakʼe kạmiketʼte pinḍ do Probhu Isor ńutumteye begarkada.


Ona tayom uni do sekʼwa tạmbu ar ona bhitri reakʼ sanamakʼ cetanre ojokʼ bahalokʼ reakʼ sunume ojokʼada ar nonkate Probhu Isor ńutumte onakoe begarkeda.


Sanamakʼ do Isor lạgitʼ kangea ar uni hotetege sanamakʼ do hoyakana. Onate ạḍi utạr hoponko acʼakʼ mạhimaren bhạgiyạdarko hoyocoko lạgitʼ Jisu do duk jom talate sạbit ocoye reakʼ lek tahẽkantaea.


Uni do bodawakʼ bohokʼre acʼakʼ tiye dohoytaea ar jeredokʼ samaṅokʼakʼ dãṛẽ mente Probhu Isor samaṅreye gureya; noa do kại ńutumte mitʼṭen samaṅokʼakʼ kana.


Ar thoṛa mãyãmem hataoa ar kạṭupʼte pinḍ reakʼ dereńkom ojokʼakʼa ar sarecʼ mãyãm do pinḍ aṛerem dulkakʼa.


Ona tayom uni cẽṛẽ khon thoṛa mãyãm hataokate pinḍ beṛhaeteye irciya, ar sarecʼakʼ mãyãm do roḍocʼ oḍokkate pinḍ aṛereye joro hińjida; noa do kại ńutumte mitʼṭen samaṅokʼakʼ kana.


ente mãyãmrege jiwi do tahen kana. Onate apeakʼ jiwi bodolte iń do pinḍ cetanre apeakʼ kại reakʼ puruchun lạgitʼ iń bebosta akatʼpea. Ar mãyãmre jiwi menakʼte ona do kại reakʼe puruchuneda.


Swiv nou:

Piblisite


Piblisite