Levitikus 3:17 - সান্তালী বাইবেল

¹⁷ Jãhãregepe girobasokʼ ape do itil ar mãyãm do alope joma. Ar noage piṛhike piṛhi ape lạgitʼ niạm do tahẽyena. ”

Levitikus 3:17 Referans Kwoze

Genesis 9:4

menkhan jiwi sudhạ, metakʼme mãyãm sudhạ jel do alope joma.

Mathae 26:28

ente noa do bondobos reakʼ ińakʼ mãyãm kana, oka do ạḍi hoṛko ńutumte jorokʼkan kại ikạkʼ lạgitʼ.

Dosar Biboron 15:23

Menkhan uniyakʼ mãyãm do alope joma; dakʼ leka ona do otrepe dul giḍikakʼa.

Dosar Biboron 12:23

Menkhan sontor akae tahenpe mãyãm do alope joma, ente mãyãmkangea jiwi do, onate jel sãote jiwi hõ alope joma.

Dosar Biboron 12:16

Menkhan mãyãm jom do baṅ ganaokʼtapea; ona do dakʼ leka otrepe dul giḍikakʼa.

Levitikus 17:7

Probhu Isorre bepạtiạr iạte boda-bhutko ńutumte janwar dãṛẽkate apnartetʼ aloko ạkhrińokʼma. Noa do mitʼṭecʼ niạm leka piṛhike piṛhi manao idiy hoyokʼtakoa.

Levitikus 6:18

Aron bõsren sanam herel hoponkoge ona doko jom daṛeakʼa. Probhu Isor ńutumte seṅgelre samaṅokʼakʼ jinis reakʼ noa hĩs do piṛhike piṛhi onkoakʼge hoyokʼa. Ar jãhãege ona hĩse joṭed uni do Probhu Isor ńutumte begarokʼ hoyokʼtaea.”

Levitikus 3:16

Naeke do noako samaṅokʼakʼ jomakʼ lekate pinḍ cetanreye jereda. Noa do seṅgelteakʼ mitʼṭen samaṅokʼakʼ kana, one ona reakʼ jut so Probhu Isor doe kusiyakʼkan. Ar samaṅ akade janwarakʼ itil do jotoge Probhu Isorakʼ kana.

Ephesiko lạgitʼ Pạul Apostolakʼ ciṭhi 5:26

Mạsiyakʼ monsubạ do hoyokʼ kana jemon uni do acʼakʼ kathate dakʼre um saphakate onae sonot jemon acʼge apnar lạgitʼ mitʼṭecʼ ṭhonokanakʼ manḍerre samaṅ daṛeakʼ. Unre manḍerre bin dagan, se bin digdhạ se onkan jãhãnakʼge baṅ tahena, bickom ona do sonot ar niphuṭge hoyokʼa.

Ephesiko lạgitʼ Pạul Apostolakʼ ciṭhi 1:7

Isorakʼ bin mucạtʼ dayate Mạsi tulucʼ bon jopoṛao akante uniyakʼ mãyãm hotete bon chaḍao ocoakana, metakʼme kại reakʼ ikạ bon ńam akada.

Aposkạmi 15:29

Ona jạruṛokʼakʼko reaṅ do hoyokʼ kana: Boṅga ṭhen samaṅakʼ jãhãnakʼge alope joma, mãyãm hõ alope ńũiya, ar limbạtʼ gocʼkoakʼ jel hõ alope joma, ar sanam lekan loṭghuṭi khon sahaṛ akae tahenpe. Ar noako khon sạṅgińrepe tahen khan bhage hoyokʼtapea. Ma napaete tahen tabonpe.”

Jeheskel 44:15

“Menkhan Israelko do tinre iń ṭhen khon bạṛicʼ horteko senlena unre Sadok bõsren okoe Liwi do naekeko lekate ińakʼ oṛakʼre pạtiạr salakʼ akoakʼ dạyikko palon akatʼ onkoge iń sewawạń lạgitʼ iń ṭhenko hecʼdaṛeakʼa; onko do mãyãm ar itil samaṅ lạgitʼ iń samaṅreko teṅgo daṛeakʼa. Iń Probhu Isorge noa katha doń menetʼkana.

Jeheskel 33:25

Ona iạte am do onkom metakoa, Probhu Isore menetʼkana, ‘ape do mãyãm sudhạ jelpe jomeda, ar boṅgakope sewa akokana ar mãyãmpe joroyetʼkana; enḍekhan ape do cetʼ disạmpe ạidạri joṅa?

Dosar Biboron 32:14

Uni do palrenkoakʼ dahe ar bhiḍi meromko reakʼ toa, ar bhiḍi hoponkoakʼ jele jom ocokedea, Basan disạmren palren merom bodakoakʼ itil do guhum reakʼ mĩhĩ holoṅ tulucʼe jom ocokedea. E Israel, am do darkha reakʼ rasagem ńũ akada.

Levitikus 23:14

Aperen Isor ṭhen noa samaṅokʼakʼ ạuripe em hạbicʼ noa nãwã anaj reakʼ khon ape do bape jom daṛeakʼa. Ona chaḍa ona khon benaoakʼ jãhãn piṭhạ se seṅgelre rapakʼ hõ baṅ ganokʼa. Ar jãhãregepe girobasokʼ piṛhike piṛhi ape lạgitʼ noa do mitʼṭecʼ niạmge tahẽyena.

Levitikus 7:36

Ar oka hilokʼko ojokʼ bahal ocolen enhilokʼge Probhu Isor do Israelkoe hukumatʼko tahẽkana jemon piṛhike piṛhi onkoren bõs do noako ńam.

1Timothi 4:4

Isore sirjạu akatʼ sanamakʼge bhagegea, onate okaṭakʼ hõ bạṛicʼ hudiskate giḍikakʼ lek do baṅkana; menkhan ona do jemon gun manao joharkate ataṅokʼ,

Mathae 16:24

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kuruse gogma ar ińe pańjańma.

Jeheskel 44:7

Apeakʼ eṭakʼ bạṛicʼakʼ colonko sãote ape do iń ṭhen jomakʼ, itil ar mãyãm samaṅokʼakʼpe samaṅ jokhecʼ ontor ar hoṛmore bin khatna akan bidisiạko ińakʼ oṛakʼrepe ader akatʼkote ińakʼ oṛakʼpe besonot akada ar onkoakʼ kạmi hotete ińakʼ bondobospe bạtil akada.

Nehemiạ 8:10

Nehemiạ do onkoe metatʼkoa, “Ape do senkate bhage bhage jomakʼ ar heṛem heṛemakʼ darkha rasa ńũipe ar okoeyakʼ jomakʼ bạnukʼtako onko hõ thoṛa emakope. Teheńakʼ din do aboren Probhu Isor ńutumte sonotakʼ din kana. Ar alope dukokʼa, ente Probhu Isore emakʼ rạskạge apeakʼ daṛe do.”

Numeri 19:21

Israelko lạgitʼ noa do mitʼṭecʼ tahẽ utạrakʼ niạmge hoyokʼa. “Okoe hoṛ noa saphakʼ reakʼ dakʼe irciy uni hõ acʼakʼ kicricʼkoe saphaetaea. Ar jãhãege noa saphakʼ reakʼ dakʼe joṭed enḍekhan uni do ạyupʼ hạbicʼ besapha akane tahena.

Levitikus 16:34

“Noa do ape lạgitʼ mitʼṭecʼ niạm kana. Uni do Israelkoakʼ sanam kại reakʼ puruchun lạgitʼ bochorre mitʼ dhao kạmi hoyokʼtaea.” Ar Mose do Probhu Isore hukum akawade leka jotowakʼgeye kạmikeda.

Exodus 27:21

Noa ńapamokʼ reakʼ tạmbu samaṅre oka orwal tahen ona orwal bahrere Aron ar uniren hoponko do ạyupʼ khon setakʼ hạbicʼ Probhu Isor samaṅre diuheko ńel todarota. Ar Israelko do piṛhike piṛhi niạ niạmko panjaya.

Levitikus 4:1

Probhu Isor do Mose Israelko noa katha galmaraoakoe metadea, “Monre behok reakʼ monsubạ bạnukʼtae ar Probhu Isore mana akatʼ reakʼ jãhãnakʼe ceka akatʼ khan,

Levitikus 6:22

Aron tayom uniren okoeṭakʼ hopon do maraṅ naeke hudạ lạgitʼe ojokʼ bahal ocokʼ uni hõ noa porobe hoeocoya. Noa do Probhu Isorakʼ kana, ar ona do jotoge atar cabae hoyokʼa.

Levitikus 7:34

Israelkoakʼ sanam sulukren samaṅokʼakʼ khon iń ńutumte dolek dohoakatʼ koṛam reakʼ jel ar samaṅakʼ bulu reakʼ jel do naeke Aron ar uniren hoponkoń ematʼkoa. Noa do Israelko ṭhen khon onkoakʼ bakhra hĩs kana.”

Levitikus 10:9

“Am ar amren hoponkin ape do bubulakʼ ńũkate ńapamokʼ tạmbure alope bolokʼa, arpe bololen khan ape hõpe gujukʼa. Noa do piṛhike piṛhi mitʼṭecʼ jaejug reakʼ niạmge tahena.

Levitikus 10:15

Seṅgelteakʼ samaṅokʼakʼ lạgitʼ tinre itilko ạgukʼa unre Probhu Isor samaṅre ona do dolek samaṅokʼakʼ lekate dolao lạgitʼ bulu phạṛi ar koṛam reakʼ jel ạgui hoyokʼa. Probhu Isorakʼ hukum leka noa bulu reakʼ phạṛi ar koṛam reakʼ jel do am ar amren hoponko ar hoponerakoakʼ bakhra kana.”

Levitikus 16:29

“Inạ tayom okań menetʼ ona do ape lạgitʼ mitʼṭecʼ tahẽ utạrakʼ niạmge tahena. Bochor reakʼ eae cando reakʼ gelakʼ dinre ape do apeakʼ ontorpe nindhạn ocoytapea. Enhilokʼ do cetʼge alope kạmiya. Israelkoge cetʼ ar Israelko talareko girobasokʼkan eṭakʼ jạtren hoṛkoge cetʼ, ona do sanamko manao hoyokʼtapea,

Levitikus 23:21

Enhilokʼ ape do mitʼṭecʼ sonot jarwakʼpe hoeocoya. Enhilokʼ do cetʼge alope kạmiya. Ar jãhãregepe girobasokʼ noa niạm do piṛhike piṛhi ape lạgitʼ tahẽyena.

Levitikus 24:3

Ńapamokʼ tạmbure goha sinduk reakʼ orwal bahrere Aron do ạyupʼ khon setakʼ hạbicʼ Probhu Isor samaṅre diuheko jaogeye sajao dohoya. Ar noa niạm do piṛhike piṛhi tahena.

Exodus 28:43

Aron ar uniren hoponko tinre ńapamokʼ tạmbureko bolokʼa se sonot ṭhạ̃i reakʼ pinḍre sewa kạmi lạgitʼko laha idikʼa unre onko do noa kạṭicʼ penko horoga. Nonkate onko do bin dusạnko tahena ar bako gujukʼa. Aron ar uniren bõsko lạgitʼ noage mitʼṭecʼ niạm leka tahẽyena.

Levitikus 6:15

Ar naeke do purạ samaṅokʼakʼ bodolte ona khon mitʼ cuputʼ mĩhĩ holoṅ, sunum ar jomakʼ samaṅokʼ jinis cetanre dohoakan sanam kunduru hataokate pinḍ cetanreye jereda. Ar noa reakʼ jut so Probhu Isor doe kusiyakʼa.

Levitikus 19:26

“Mãyãm sudhạ jãhãn jel alope joma. Alope guniya ar alope bhabaoa.

Levitikus 24:9

Noa piṭhạ do Aron ar uniren hoponko sonot tạmbu reakʼ ṭhạ̃ire jojom hoyokʼtakoa, ente Probhu Isor ńutumte seṅgelteakʼ samaṅokʼakʼ jinisko modre noa do mitʼṭecʼ sonot utạrakʼ jinis kana. Ar noa do onkoakʼ jao okte reakʼ bakhra kana.”

Dosar Biboron 12:24

Ona do alogepe joma, dakʼ leka otrepe dul giḍikakʼa.

2 Bõsbudạ 29:35

Sulukren samaṅokʼakʼ reakʼ itil jeredokʼ porob ar jeredokʼ samaṅokʼakʼ reakʼ porob ar ona sãote coḍor samaṅokʼakʼ porobko seletʼ aema samaṅokʼakʼ porobko porobena. Nonkate Probhu Isorakʼ oṛakʼ reakʼ sapʼsor kạmi do arhõ ehopʼena.