Levitikus 27:30 - সান্তালী বাইবেল

³⁰ “Jumi khon oka ńamokʼ ona reakʼ gel hĩs reakʼ mitʼ hĩs do Probhu Isorakʼ kana- ona do jumi reakʼ phosolge cetʼ ar dare reakʼ joge cetʼ. Ona do Probhu Isor ńutumte begar dohokakʼ hoyokʼa.

Levitikus 27:30 Referans Kwoze

Genesis 28:22

Ar noa dhiri oka do cinhạ khunṭi lekań teṅgoketʼ nonḍege Isorakʼ oṛakʼ do hoyokʼa. E Isor, jãhãnakʼgem imạń ona reakʼ gel hĩs reakʼ mitʼ hĩs do amiń emama.”

Mathae 23:23

“Hae, ape sostor baḍaeko, Phạrusiko ar phạsiạrako do! Ape do ṭhik lekage pudina, muhori ar jirạ reakʼ bhag do gel hạṭiń reakʼ mitʼ hạṭińge Isorpe emaekana; menkhan bicạr, mãyã, ar pạtiạr, okaṭakʼ do Moseyakʼ ạn-ạriko reakʼ arhõ jạruṛanakʼ kan ona dope bạgi oṭoakawada. Onate lahateakʼko são sãote tayomakʼko hõ manao lektapea.

Nehemiạ 13:12

Ona tayom Jihudạren sanam hoṛko do akoakʼ anajko, nãwã darkha rasa ar sunumko reakʼ gelakʼ hĩs reakʼ mitʼ hĩs do khajańci oṛakʼteko ạgukeda.

Luk 18:12

Iń do haptare bar dhaoiń upạsetʼkana ar ińakʼ sanam upjạuakʼ ar rojgarakʼ khon gel hạṭiń reakʼ mitʼ hạṭiń do amiń emamkana.’

2 Bõsbudạ 31:12

Ona tayom hoṛko do dan-sandes, ar jotowakʼ jinis reakʼ gel hạṭiń reakʼ mitʼ hạṭiń ar Probhu Isor ńutumte begar dohoakatʼ jinisko pạtiạr salakʼ khajańci oṛakʼte ạguko ehopʼena. Konaniạ ńutuman mitʼṭen Liwi cetanre noako jinis ńel todarot reakʼ bhar do tahẽkana ar uniren boeha Simai do uniren gokʼṛoyicʼe tahẽkana.

Genesis 14:20

Okoe do amren bạiriko amakʼ tireye jimạketʼko uni maraṅ Isorakʼ sarhao baṛe hoyokʼtae ma.” Unre Abram do acʼakʼ ruạṛ ạguakatʼ jinisko reakʼ gel hĩs khon mitʼ hĩs do Melkisedeke emadea.

Luk 11:42

“Hae ape Phạrusiko do! Ape do eken podina, tejpat ar mitʼke mitʼ aṛakʼ sakam reakʼ gel hạṭiń reakʼ mitʼ hạṭińge Isorpe emae kana, menkhan dhorom bicạr ar Isorakʼ dulạṛ secʼ do bape moneyakʼkana. Onate sedaeakʼko pańjae são sãote tayom reakʼakʼko hõ pańjae lek tapea.

Nehemiạ 12:44

Khajańci oṛakʼre okako danko ạguiyetʼ tahẽkan ar pạhil rakabokʼ phosolko ar gel hĩsko ạguiyetʼ tahẽkan ona ńel todarot lạgitʼ unre hoṛkoko bahalketʼkoa. Onko do ato beṛhaeteakʼ khet baṛgeko khon ạn lekate naeke ar liwiko lạgitʼ hoṛko ṭhen khon phosol reakʼ hĩsko ạguiyetʼ tahẽkana. Unre Jihudạren hoṛ do kusiteko emokʼkan tahẽkana, ente sekʼwakan naeke ar liwikoakʼ kạmi iạte onko doko kusikʼ kan tahẽkana.

Levitikus 27:29

Jãhãe hoṛ Probhu Isor ńutumte sarapakʼ tabereye sodorokʼ enḍekhan uni do baṅ chaḍaoe hoyokʼa, uni do gocʼ giḍikae hoyokʼa.

Levitikus 27:31

Jãhãege ona gel hĩs reakʼ mitʼ hĩs chaḍaoe menjoṅ enḍekhan ona reakʼ dam sãote arhõ mõṛẽ hĩs reakʼ mitʼ hĩs bạ̃ṛti emokʼ hoyokʼtaea.

Dosar Biboron 18:8

Acʼren apate doho oṭoakatʼ jiniskoe ạkhriń akatʼrehõ onḍenko Liwiko sãote uni do hạṭińre soman ạidạriye hoyokʼa.

Dosar Biboron 26:12

“Tesarakʼ bochor, metakʼme, gel hạṭiń reakʼ mitʼ hạṭiń emokʼ bochorre, apeakʼ arjaoakʼ sanam phosol reakʼ gel hạṭiń reakʼ mitʼ hạṭińpe begar sạtlere arpe tirpitlenre Liwiko, upriạko, ṭũạr amarko ar rạnḍi maejiukope emakoa. Onate onko do apeakʼ disạmre jom-ńũkateko tirpitokʼa.

Genesis 47:24

Ar Phosol ir tayom do mõṛẽ hĩs reakʼ mitʼ hĩs Pharaope emaea, ar sarecʼ pon hĩs do jumi reakʼ itạ lạgitʼ ar gharońjren hoṛko ar gidrạko lạgitʼ jomakʼpe dohojoṅa.”

Genesis 47:26

Tayomte Joseph do Misor disạm reakʼ jaega-jumi reaṅ noae ạnkeda, joto phosol reakʼ mõṛẽ hĩs reakʼ mitʼ hĩs do Pharaoakʼ hoyokʼa. Ar noa ạn do teheń hạbicʼ hõ Misor disạmre calakʼkana. Eken naekekoakʼ jumikoge Pharaoakʼ sompotti modre baṅ paṛaolena.