Levitikus 27:29 - সান্তালী বাইবেল

²⁹ Jãhãe hoṛ Probhu Isor ńutumte sarapakʼ tabereye sodorokʼ enḍekhan uni do baṅ chaḍaoe hoyokʼa, uni do gocʼ giḍikae hoyokʼa.

Levitikus 27:29 Referans Kwoze

Levitikus 27:28

“Jãhãe hoṛ acʼren jãhãnicʼge Probhu Isor ńutumte marao reakʼe sarapae enḍekhan uni do ar bae ạkhriń daṛeaea se bae chaḍao daṛeaea. Baṅ do gharońj reakʼ jumige cetʼ ar manwa se mĩhũ-meromge cetʼ. Nonkanakʼ jãhãnakʼge maraoakʼ reakʼ sarapakʼ tabere sodorokʼ ona jotoge Probhu Isor ńutumte sonotakʼ jinis kana.

Levitikus 27:30

“Jumi khon oka ńamokʼ ona reakʼ gel hĩs reakʼ mitʼ hĩs do Probhu Isorakʼ kana- ona do jumi reakʼ phosolge cetʼ ar dare reakʼ joge cetʼ. Ona do Probhu Isor ńutumte begar dohokakʼ hoyokʼa.

1 Samuel 15:3

Ńitokʼ am do senkate Amalekiko tulucʼ lạṛhạime ar onkoakʼ cetʼko menakʼ ona jotowakʼem marao giḍikatakoa; onko do alom dayawakoa. Onkoren herel ar maejiuko, koṛa ar-kuṛi gidrạko, toa ńuńukan gidrạko, ḍaṅgra-biḍhiko, ũṭko, gadhako jotom gocʼ cabakoa.’ ”

1 Samuel 15:8

Amalekikoren Og raj do jiwetʼteye sapʼkedea ar eṭakʼ sanam hoṛko doe marao cabaketʼkoa.

1 Rapajko 20:42

Uni nạbi do raje metadea, “Probhu Isor do niạ kathae meneda, ‘okoe do ḍahaokʼ maraokʼ reakʼ sarapiń emade tahẽkan am do unim aṛakʼkedea. Onate uniyakʼ jiwi bodolte amakʼ jiwi ar uniren hoṛko bodolte amren hoṛkoakʼ jiwi hataokʼa.’ ”