Levitikus 27:28 - সান্তালী বাইবেল

²⁸ “Jãhãe hoṛ acʼren jãhãnicʼge Probhu Isor ńutumte marao reakʼe sarapae enḍekhan uni do ar bae ạkhriń daṛeaea se bae chaḍao daṛeaea. Baṅ do gharońj reakʼ jumige cetʼ ar manwa se mĩhũ-meromge cetʼ. Nonkanakʼ jãhãnakʼge maraoakʼ reakʼ sarapakʼ tabere sodorokʼ ona jotoge Probhu Isor ńutumte sonotakʼ jinis kana.

Levitikus 27:28 Referans Kwoze

Exodus 22:20

“Probhu Isor chaḍa jãhãege jãhãe debota ṭhen jãhãnakʼe samaṅ enḍekhan uni hõ goje hoyokʼa.

Levitikus 27:21

Hulạsokʼ bochorre tinre jumi khalasokʼa unre Probhu Isor ńutumte jarkharokʼ reakʼ sarapakʼ tabere tahen jumi lekage ona do Probhu Isor ńutumte sonotge tahena. Ar ona do unre naekeakʼ sompotti hoyokʼa.

Dosar Biboron 25:19

Aperen Probhu Isor okaṭakʼ disạm do sompotti lekate dokhol lạgitʼe emapekan onḍe beṛhaeten bạiriko sãote lạṛhạikate tinreye jirạu ocopea unre dhạrti khon Amalekikope marao utạrkoa. Noa katha do alogepe hiṛińa.

1 Samuel 15:18

Uni do mitʼṭecʼ kạmi lạgitʼe kolletʼmea are metatʼme tahẽkana, ‘am do senkate kạiyanko, metakʼme Amalekikom marao giḍikakoa. Onko ạuriko ḍahao maraokʼ hạbicʼ onko tulucʼem lạṛhạiya.’

Josuạ 7:1

Jerikho nagraha maraokʼ reakʼ sarapanakʼ jinisko babotre Israelko do pạtiạrangeko tahẽkana. Menkhan Jihudạ gusṭiren Kạrmi hopon Akhan do onako jinis khon thoṛa do acʼ lạgitʼe dohokeda. Uni do Sabdaeren hopon Serahren goṛomtetʼ koṛae tahẽkana. Uni do noa kạmi iạte Israelko cetanre Probhu Isorakʼ pite caṛhao ocoketʼtaea.

Josuạ 6:26

“Inạ tayom Josuạ do kiriạyenteye menkeda, “Jerikho nagraha okoe hoṛ arhõe benao rakab unire do Probhu Isorakʼ sarap paṛaokʼa: Pạhilicʼ hoponakʼ jiwite uni do ona reakʼ rehetʼe rakaba, ar huḍińicʼ hoponakʼ jiwite ona reakʼ phaṭok duạrkoe gathaoa.”

Numeri 18:14

Israelko talare sarapakʼko tabere lại sodorokʼ mitʼke mitʼ jinisko do amakʼge hoyokʼa.

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

Galathiko lạgitʼ Pạul Apostolakʼ ciṭhi 3:10

Sonot sostorre olakana, “Sarapanicʼ kanae uni do, one okoe ạn-ạri reakʼ mimitʼ hukumko leka bae senokʼkan.” Enḍekhan ńelokʼ kana, ạn-ạrire bhorsakʼkan sanamkorege noa sarap do menakʼa.

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

Romiko lạgitʼ Pạul Apostolakʼ ciṭhi 9:3

Ińren boehako bodolte, metakʼme iń jạtren hoṛko bodolte hoydaṛeakʼ khan iń apnarge Mạsi ṭhen khon pharakokʼ reakʼ sarapiń hataokea.

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

1 Samuel 15:3

Ńitokʼ am do senkate Amalekiko tulucʼ lạṛhạime ar onkoakʼ cetʼko menakʼ ona jotowakʼem marao giḍikatakoa; onko do alom dayawakoa. Onkoren herel ar maejiuko, koṛa ar-kuṛi gidrạko, toa ńuńukan gidrạko, ḍaṅgra-biḍhiko, ũṭko, gadhako jotom gocʼ cabakoa.’ ”

Bikʼcạrko 21:18

Aboren kuṛiko do onko tulucʼ babon bapla daṛeako, ente bon kiriạ akana, jãhãege Benjạminrenko lạgitʼ acʼren hoponerae emokʼ enḍekhan uni do sarapanicʼe hoyokʼa.”

Bikʼcạrko 21:11

Onkoko menkeda, “Ape do mitʼke mitʼ herel hopon ar okoe do kũạri kuṛiko baṅkan nonkan mitʼke mitʼ maejiuko hõpe gocʼkoa.”

Bikʼcạrko 21:5

Mispare onko do mitʼṭecʼ kajakko kiriạyena, ona do noage je, Mispare Probhu Isor samaṅre jãhãege bae hạjirokʼ enḍekhan uni do khạṭigeye gocʼ ocokʼa. Ar onate onko do apan ạpin kupulikʼko ehopʼena, “Israelren sanam gusṭiko khon okoe Mispate Probhu Isor samaṅre bako hecʼakana?”

Josuạ 7:25

Ona tayom Josuại menkeda, “Abo cetanre cedakʼ muhin dom ạgukeda? Teheń Probhu Isor do amre hõ muhine paṛao ocoya.” Unre sanam Israelko do pạhilre Akhan ar ona tayom do uni gharońjren sanamko dhiriteko tiń gocʼketʼkoa. Ar ona tayom do jotowakʼko jeretʼ giḍikada.

Levitikus 27:27

Menkhan jãhãn besapha janwarren pạhil hoponkan khane enḍekhan naekeye ṭhik dohoakatʼ dam sãote arhõ mõṛẽ hĩs reakʼ mitʼ hĩs dam bạ̃ṛti emkate uniye chaḍao daṛeaea. Ar bae chaḍaoe khan uni do ona ṭhik dohoakatʼ damtege ạkhrińe hoyokʼa.

Levitikus 27:29

Jãhãe hoṛ Probhu Isor ńutumte sarapakʼ tabereye sodorokʼ enḍekhan uni do baṅ chaḍaoe hoyokʼa, uni do gocʼ giḍikae hoyokʼa.

Dosar Biboron 7:26

Jãhãn hirkhạwakʼ jinisko oṛakʼte alope adera. Onako do mon ar ontorte hirkhạwakʼpe ar giḍikakʼpe, ente onako cetanre do maraokʼ reakʼ sarap menakʼa. Ar oṛakʼtepe ader khan ape cetanre hõ sarap paṛaokʼa.

Jeheskel 44:29

Onko do anaj samaṅokʼakʼ, kại ńutumte samaṅokʼakʼ ar dos ńutumte samaṅokʼakʼ jinisko joma; Israel disạmre Probhu Isor ńutumte emakʼ mitʼke mitʼ jiniskoge onkoakʼ hoyokʼa; onako do baṅ chaḍao ạgukʼa.

Jeheskel 48:14

Liwiko ona jumi do bako ạkhriń daṛeakʼa se akoakʼ hĩs hõ bako bodol daṛeakʼa. Ona do joto khon bhageakʼ jumi kana ar eṭakʼkoakʼ tire ona emako do baṅ ganokʼa, ente Probhu Isor ńutumte ona do sonot akana.

Levitikus 21:22

Isor ńutumte samaṅakʼ jomakʼ modre sonotakʼ ar sonot utạrakʼ joto jomakʼge uni doe jom daṛeakʼa,

2 Bõsbudạ 31:14

Hoṛkoakʼ kusi lekateakʼ samaṅokʼakʼ jinis reakʼ bhar do purub secʼ reakʼ duạr horhoyicʼ Liwi Imnaren hopon Kori cetanre tahẽkana. Ar Probhu Isor emae joto dan-sandes ar sonot utạrakʼ jinisko hạṭiń reakʼ bhar hõ uni cetanrege tahẽkana.