Levitikus 27:14 - সান্তালী বাইবেল

¹⁴ “Jãhãe hoṛ Probhu ńutumte sonot menkate acʼakʼ oṛakʼe sonot akatʼ khan naeke do oṛakʼ ńelkate ona reakʼ oka dame ṭhik onage ona reakʼ dam do hoyokʼa.

Levitikus 27:14 Referans Kwoze

Numeri 18:14

Israelko talare sarapakʼko tabere lại sodorokʼ mitʼke mitʼ jinisko do amakʼge hoyokʼa.

Levitikus 27:21

Hulạsokʼ bochorre tinre jumi khalasokʼa unre Probhu Isor ńutumte jarkharokʼ reakʼ sarapakʼ tabere tahen jumi lekage ona do Probhu Isor ńutumte sonotge tahena. Ar ona do unre naekeakʼ sompotti hoyokʼa.

Levitikus 27:13

Ar manote dohoyetʼkạnicʼ jodi uni chaḍaoe menjoṅ enḍekhan uni janwarakʼ dam sãote uni do arhõ mõṛẽ hĩs reakʼ mitʼ hĩs dam ḍher emokʼ hoyokʼtaea.

Levitikus 27:15

Ar acʼakʼ sonot akatʼakʼ oṛakʼ chaḍao ruạṛe men enḍekhan uni do ona oṛakʼ reakʼ dam sãote arhõ mõṛẽ hĩs reakʼ mitʼ hĩs dam ḍher emokʼ hoyokʼtaea. Ar ona tayom do arhõ acʼakʼ oṛakʼ hoe ruạṛokʼtaea.

Levitikus 27:17

Ar hulạsokʼ bochorre acʼakʼ jumi Probhu Isor ńutumteye sonot khan enḍekhan naeke oka dame ṭhikae onage jumi reakʼ dam do hoyokʼa.

Levitikus 27:18

Menkhan hulạsokʼ bochor tayom acʼakʼ jumiye sonot ocoe khan enḍekhan naeke do hulạsokʼ bochor hisạbte ona reakʼ dame ṭhik dohoya. Onate naeke okaṭakʼe ṭhik dohoakatʼ purạ dam khon niạ dam do komaokʼa.