Levitikus 26:39 - সান্তালী বাইবেল

³⁹ Ona tayom aperen okoe onḍeko tahen onko do akoren ar hapṛamkoakʼ dos iạteko caba idikʼa.

Levitikus 26:39 Referans Kwoze

Jeheskel 4:17

ente jomakʼ ar ńũi reakʼ do ṭonṭa hoyokʼa. Onko do tharbasaoateko beṅgetʼ joṅa ar akoakʼ kại iạteko heṛokʼa.

Jeheskel 33:10

“E manwa hopon, am do Israel jạtrenkom metakoa, ‘apepe meneda apeakʼ behokakʼ ar kại reakʼ bojhatepe lade ocoakana; ar onategepe heṛokʼkana, jiwetʼ tahen reakʼ asge bạnukʼtapea.’

Jeheskel 24:23

Bohokʼre dạhṛipe tola ar jaṅgare cạṭkipe horoga. Ar bape homora se rakʼ hõ bape raga, menkhan apan ạpin ghạṭ iạtepe nijorokʼa ar eṭakʼko ṭhenpe geraṅ baṛaea.

Jeheskel 6:9

Onko do boṅgan hoṛ jạtrenko talare iń reaṅ noa kathako disạya, onkoakʼ bepạtiạr ontor ar mẽtʼte cetʼ lekako duk ocoakadińạ mente; onkoakʼ ontor do iń khon ghańjeṛ akantakoa ar onkoakʼ mẽtʼ do boṅga murhutʼko ńamko lạgitʼ ahkaokʼ kantakoa. Onkoakʼ sanam bạṛicʼ ar hirkhạwakʼ kạmi lạgitʼ onko do apnartetʼko hirkhạjoṅa.

Dosar Biboron 28:65

Onko jạtrenko talare suluk do bape ńama, ar jirạukʼ lạgitʼ apnarakʼ jãhãn ṭhạ̃ige baṅ tahentapea. Onḍe Probhu Isor do dhak dhakaokʼkan mon ar loraokʼkan jiwi ar as akan koyokʼ horakatʼ mẽtʼe emapea, ar apeakʼ ontor do be asteye perecʼ ocoytapea.

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Sakariạ 10:9

Ar jạt jạtrenko talareń pasnao akatʼkore hõ sạṅgiń disạmre onko do ińko disạyińạ. Onko ar onkoren hopon ar hoponerako jiwetʼko tahena ar onko doko ruạṛ hijukʼa.

Hosea 5:15

Ar tin hạbicʼ onko do akoakʼ dos bako aṅgoc ar iń secʼ bako moneyakʼ unhạbicʼ iń do ińakʼ jaegate ruạṛ senkate onḍeń tahena. Onkoakʼ duk kosṭore onko do gagoj salakʼ iń ṭhenko ruạṛ hijukʼa.”

Jeheskel 36:31

Ar unre ape do apeakʼ bạṛicʼ colon ar bạṛicʼ kạmiko reakʼ kathape disạiya ar apeakʼ kại ar bạṛicʼakʼ kạmiko iạte apnartetʼpe hirkhạ joṅa.

Jeheskel 20:43

Onḍe apeakʼ lahateakʼ colon reakʼ katha ar okako kạmi hotete apnartetʼpe bhonḍlen onakope disạya ar apeakʼ sanam bạṛicʼ kạmiko iạte apnartetʼpe hirkhạjoṅa.

Jeheskel 18:19

“Enhõ ape dope meneda, ‘apatakʼ dos iạte hopon do cedakʼ sạjại bae ńama?’ Uni hopon do hok ar dhorom reakʼe kạmi akada ar ińakʼ sanam niạmko joton salakʼe palon akada, onate khạṭige uni doe bańcaokʼa.

Rak̕joṅ 4:9

Akalte gujukʼ khon tarwaṛete gujukʼge bhagea; ińren hoṛko do khet reakʼ phosol ṭonṭate reṅgecʼ jalateko ạsitʼ cabakʼkana.

Jirimiạ 31:29

Ona jokhecʼ hoṛko do ar bako mena, ‘Apatko do jojo darkha joko jomakada, menkhan ḍaṭa do hoponkoakʼ khoroyentakoa.’

Jirimiạ 29:12

Unre ape do ińpe hohowạńạ ar iń ṭhen hecʼkatepe koejoṅa; ar iń do apeakʼ iń ańjomtapea.

Jirimiạ 3:25

Dela hijukʼpe, abo do aboakʼ lajaoakʼre bon kunḍlạṅokʼma,, aboakʼ lajao do aboko danaṅ esetʼbon ma. Juạn okte khon teheń hạbicʼ abo do aboren Probhu Isor upạrte bon kạiyeda, ar aboren hapṛamko hõ onkageko kạmileda. Abo do aboren Probhu Isorakʼ bon bebatao akada.”

Nehemiạ 1:9

menkhan iń ṭhenpe ruạṛ hijukʼ ar ińakʼ hukumkope dohoy ar ona lekape kạmi, enḍekhan aperen bondi akan hoṛko dhạrti reakʼ mitʼ mucạtʼreko tahenre hõ iń do onḍe khoniń hạr samṭaokoa ar tahen lạgitʼ okaṭakʼ ṭhạ̃iyiń bachao akawan onḍeń idikoa.’

Dosar Biboron 30:1

“Apeko samaṅre oka bhor ar sarapiń sodorketʼ ona sanamakʼge ape cetanre hijukʼa. Ona tayom Probhu Isor okoe jạtrenko talare tinreye chirchạturpea ar onko talarepe girobasokʼa unre ape do noako kathape moneyakʼa.

Dosar Biboron 5:9

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Numeri 14:18

‘Probhu Isor do ạḍi anecʼ edrekʼicʼ ar dayateye kisạ̃ṛgea uni do behok ar hul ikʼkạyicʼ kanae menkhan dusiyicʼ doe sạjạiyea; ar apatkoakʼ kại do hoponko ṭhen pe pon piṛhi hạbicʼe pańja halayetʼkana.’

Exodus 34:7

Uniyakʼ asambheṛ daya do hajar piṛhi hạbicʼ tahenkana. Uni do behokakʼ, hul ar kạikoe ikạyetʼ kana, menkhan dusiyicʼ doe sạjạiyedea. Uni do apatakʼ ghạṭko onkoren hoponko ṭhen pe pon piṛhi hạbicʼe pańja halayetʼ kana.”

Jesaea 14:21

Onkoren hapṛamkoakʼ kại iạte onkoren hoponko gocʼko lạgitʼ mitʼṭecʼ jaega ṭhik dohoyme. Onko do disạm ạidạri lạgitʼ bako beretʼa; ar prithimi do akoakʼ nagrahakote bako pereja.”

Jesaea 24:16

Dhạrti reakʼ ses simạ khon ale do niạ sereńle ańjom ńameda, “Dhoromicʼ Isorakʼge sarhao baṛe hoyokʼtae ma!” Menkhan ińiń meneda, “Hae! Iń do sorbonasreń paṛao akana, ente bepạtiạrko doko bepạtiạreda; hẽ onko do ạḍitetʼko bepạtiạr akada.”

Rak̕joṅ 1:3

Kosṭo ar kajak khaṭaokʼ tayom Jihudạ do sạṅgińteye bondi idi ocoakana. Uni do eṭakʼ jạtrenko talareye girobasokʼ kana; ar okarehõ jirạu do bae ńam akada. Okoe uniko khudạulede onko do uniyakʼ dạrun dukko talatege uniko sapʼ tiyokʼ akadea.

Dosar Biboron 8:20

Probhu Isor do ape samaṅre jạtrenkoe marao giḍi akatʼko leka Probhu Isorakʼ bebatao iạte ape hõpe marao utạrokʼa.

Esra 9:7

Aleren hapṛamkoakʼ okte khon ehopʼkate teheń hạbicʼ ạḍitetʼle ghạṭ akada. Aleakʼ kại gunạkʼtege ale ar aleren rapajko, ar naekeko do eṭakʼ rajakʼ tireko bondi ocoakana arko gocʼ ocoakana, onko doko luṭ ocoakana arko bemanot ocoakana ar teheń hõ inạ dosarege menakʼa.