Levitikus 26:36 - সান্তালী বাইবেল

³⁶ Aperen okoe do bạirikoakʼ disạmre jiwetʼko tahen onkoakʼ ontorre nonkan botor iń caṛhao ocoya, onko do hoete sakam reakʼ saḍeko ańjomlere hõ botorteko ńir pharakokʼa. Lạṛhại botorte cetʼleka manwako ńir pharakokʼ onkage onko hõko ńirjoṅa. Ar bako lagalekore hõ onko doko ńir pharakokʼa arko tohotʼ bhindạṛokʼa.

Levitikus 26:36 Referans Kwoze

Jeheskel 21:7

Onko do tinre amko kulimea, ‘cedakʼem kũhrạukʼ kana?’ Am dom mena, ‘okaṭakʼ sombat hijukʼkan ona lạgitʼ iń kũhrạukʼ kana. Unre sanamkoakʼ mon do udạsokʼa ar ti do lạbṛujokʼtakoa; onkoakʼ mon do latwagokʼa ar gunṭhi do nijor cabakʼtakoa. Probhu Isore menetʼ kana, ona do hijukʼkana; ar hoyokʼte hõ hoyokʼgea.’ ”

Jesaea 30:17

Mitʼ hoṛ botoraete aperen do hajar hoṛko dạṛa ar mõṛẽ hoṛ botorakote sanamkogepe dạṛ pạnḍuja; onate aperen lạṛhại phạdko do buru cetan reakʼ jhạnḍi chaḍa ar cetʼge baṅ tahentakoa.

Levitikus 26:17

Iń do mẽtʼ ar mẽtʼteń ńelpea ar bạiriko ṭhenpe bhagao ocokʼa. Ar hirkhạwape hoṛge apeko ḍanṭaopea ar celege bako khudạupere hõ ape dope ńir baṛaea.

Jeheskel 21:15

Iń do onkoakʼ sanam nagraha reakʼ phaṭok duạrkore noa gogocʼ reakʼ tarwaṛeń dohoakada jemon onkoakʼ mon do udạs cabakʼtako ar ḍher hoṛko gujukʼ. Hẽ, ona tarwaṛe do bijli leka malkaokʼa; ona do gogocʼ lạgitʼge laser ocoakana.

Jeheskel 21:12

E manwa hopon, ragme ar homor halaṅme, ente ona tarwaṛe do ińren hoṛko upạrte ar Israelren sanam mukhiyạko upạrtehõ kana. Onko do ińren hoṛko sãote tarwaṛe ṭhenko soprot ocoakana. Onate am do koṛam ceṭagtam.

Jesaea 7:4

Ar niạ katha ben metaea, ‘Sontor akan ar nirola monan tahenme ar alom botorokʼa. Dhũạkʼkan ona ṭhuṭkutʼ kuṭrạ ńelte, metakʼme Resin, Aramrenko ar Remaliạren hoponakʼ jaljalaokʼkan edre seṅgel ńelte mon do alom lạbṛukʼ ocoytama.

Jesaea 7:2

Unre Dạud bõsren hoṛko men ocoyena, “Aramren lạṛhại phạdko do gate lekate Ephrayimreko ḍera akana.” Niạ katha ańjomkate Ahas ar uniren hoṛkoakʼ mon do botorte hoete bir reakʼ dareko leka dalmalaoentakoa.

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

2 Bõsbudạ 14:14

Onko do Gera beṛhaeteakʼ sanam atokoko marao giḍikada, ente onḍenko hoṛko do Probhu Isor ạḍiko botoradea. Ar luṭ reakʼ aema jinisko tahẽkante onko do onako atoko luṭkeda.

1 Samuel 17:24

Ar Israelren lạṛhại phạdko do uni hoṛ ńelte botorte uni samaṅ khonko ńir pharakena.

Josuạ 5:1

Jordan gaḍa pạchim secʼren Amorikoren sanam rajko ar doreão aṛe reakʼ sanam Kanani rajko tinreko ańjomkeda, abo bon parom hijukʼre Probhu Isor cetʼleka jordan gaḍa reakʼ dakʼ, metakʼme Israelko samaṅ khone ańjetʼ ocoletʼ un khon onkoakʼ as do chuṭạuentakoa; Israelko samaṅre teṅgokʼ reakʼ dil ar do baṅ hoylentakoa.

Dosar Biboron 1:44

Ona ńelte okoe Amoriko ona burureko girobasokʼkan tahẽkan onko do ape upạrte lạṛhại lạgitʼko oḍok hecʼena. Ar mitʼ jhãk dumur leka apeko lagaketʼpea ar Seir reakʼ Horma nagraha hạbicʼko tuṛ idiketʼpea.

Genesis 35:5

Ona tayom onko doko mohnḍayena. Onkoakʼ calakʼ horre Isor do aḍe pase nagraharen hoṛko talare nonkan mitʼṭecʼ botore rakapʼ ocokeda ar onate Jakobren hoṛ do celege bako khudạuletʼkoa.

Genesis 4:12

Jumi dom casgea menkhan ḍher phosol do baṅ hoyokʼtama. Ar uḍạcal hoṛ leka dhạrtirem ạcur baṛaea.”

Levitikus 26:35

Apnarakʼ disạmrepe girobasokʼ jokhecʼ apeakʼ jumiko jirạukʼ reakʼ bochor bae ńamleda menkhan tinre ujạṛ akan tahena unre jumiko do jirạue ńama.

Josuạ 7:5

Nagraha reakʼ phaṭok khon Ae nagraharen hoṛko do Israelkoko khudạu idiketʼkote Sabarim reakʼ tapol jaegare onkoren pegel turui hoṛko gocʼketʼkoa. Onate Israelkoakʼ mon reakʼ jor do rạputʼentakoa.

Jobakʼ 13:25

Hoete oṭaṅokʼkan sakam do cetʼem toras ocokea? Ar rohoṛ bhusạko do cetʼem khudạukea?

Sereńko 53:5

Amre jhãp emokʼkankoakʼ jaṅ do uniye gejertakoa; onko do lahate botor baṅ tahẽkantakore hõ, enhõ ńitokʼ do ạḍi bạṛicʼko botorena; Isor do onkoe bad giḍikatʼkoa, onate onko do lajaorem paṛao ocoakatʼkoa.

Jirimiạ 37:10

Okoe Babelren lạṛhại phạdko apeko akromonetʼpe onko jodi sanamkope bhagaoko ar onkoren eken hạ̃n akan hoṛko tạmbureko tahen, enḍekhan onkoge oḍok hecʼkate niạ nagraha do seṅgelteko ḍahao maraoa.

Jirimiạ 46:16

Onko do ghane ghạṛicʼko tohodokʼa; ar hạni nại cetanre lade ghuguko bhindạṛokʼa. Onkoko mena, ‘ma beretʼpe, dela abo do sasantaokoakʼ tarwaṛe samaṅ khon aboren hoṛko ṭhen ar apnarakʼ disạmte bon ruạṛ calakʼa.’

Rak̕joṅ 1:3

Kosṭo ar kajak khaṭaokʼ tayom Jihudạ do sạṅgińteye bondi idi ocoakana. Uni do eṭakʼ jạtrenko talareye girobasokʼ kana; ar okarehõ jirạu do bae ńam akada. Okoe uniko khudạulede onko do uniyakʼ dạrun dukko talatege uniko sapʼ tiyokʼ akadea.

Rak̕joṅ 1:6

Sion kuṛiyakʼ sanam mahatto do caba akantaea. Uniren mukhiyạko do nonkan jel lekako hoyakana okoe do ạtiń ṭạnḍiko bako ńametʼkan; onko doko nijorente onko laha lahateko dạṛkeda. One okoe do onkoko khudạuetʼko.

Rak̕joṅ 4:19

Abo okoeko lagayetʼ bon tahẽkan onko do pajhaṛ khon hõ coṭkargeko tahẽkana; onko do burukoreko laga baṛayetʼ bon tahẽkana ar hahaṅkarre abo lạgitʼko tãṛãkʼkokʼ kan tahẽkana.

Sereńko 53:6

Israelkoakʼ babańcao do Sion khonge hijukʼa. Isor do tinre acʼren hoṛkoakʼ dosae ruạṛkatakoa unre Jakob bõskoren doko rạskạkʼa ar Israelko doko kusikʼa.

Sereńko 89:43

Am do uniyakʼ tarwaṛem bhotṛo ocoakatʼtaea; ar lạṛhạire uni do bam jitạu ocoadea.

Hosea 8:3

Menkhan okaṭakʼ bhageakʼ kan Israel do onae nihạ̃t giḍi akada, onate bạiri do uniko khudạu baṛayea.