Levitikus 26:30 - সান্তালী বাইবেল

³⁰ Iń do apeakʼ pujạ reakʼ than boṭkocʼkoń marao giḍikatapea, dhup reakʼ pinḍkoń rạputʼ giḍikakʼa ar aperen bin jiwiyan debotako cetanre apeakʼ mạ̃ṛĩkoń ṭhikikakʼa, ar edre mẽtʼteń ńelpea.

Levitikus 26:30 Referans Kwoze

2 Rapajko 23:20

Josiạ do onako pinḍ cetanrege onḍenko naekekoe gurketʼkoa ar onako cetanre manwakoakʼ jaṅkoe atarkeda. Ar ona tayom uni do Jerusalemteye ruạṛ calaoena.

Jesaea 27:9

Niạ hotete Jakobakʼ kại reakʼ rin do puruchunokʼtaea, menkhan uniyakʼ joto kạiko sạṅgiń giḍikatae lahare cun dhiri leka uniyakʼ pinḍ reakʼ dhirikoe gejertaea; onate Asera muṭhạn se dhup-pinḍko do ar baṅ tahena.

Jeheskel 6:13

Israelko do akoakʼ pinḍ beṛhaeten boṅga murhutʼko talare, maraṅ maraṅ buru cetankore, darebuṭạkore ar hạṛiạṛ sakam darekore, debdạru buṭạkore, metakʼme okako ṭhạ̃ikore onkoren boṅga murhutʼko ńutumte jut mosola reakʼ dhupko jeretʼetʼ tahẽkan onako ṭhạ̃ire onko do gocʼ akanko tahena. Unre sarecʼ jiwetʼ tahen hoṛko baḍae daṛeakʼa iń kangeạń Probhu Isor do.

Jirimiạ 14:19

E Probhu Isor, Jihudạ do cetʼem nihạ̃t giḍikakʼa? Ar Sion hõ cetʼem hirkhạwakʼ kana? Cetʼ iạte nonka dom kosṭo ocoyetʼlea, ale do cekate bale boge daṛeakʼ kana? Suluk reakʼle aslena menkhan jãhãn bhạlạige baṅ hecʼatʼlea, bogekʼ lạgitʼle aslena menkhan bạṛicʼ botorge alere paṛaoena.

Sereńko 89:38

Menkhan am dom bạgi giḍi akadińạ, arem nihạ̃t akadińạ; amge ojokʼicʼ hoṛ upạrtem raṅgao akana.

2 Bõsbudạ 31:1

Ado porob mucạtʼen khan onḍeko jarwa akan Israelko doko oḍokente Jihudạ nagrahate senkate sewawakʼ dhiriko, Asera muṭhạnko, than boṭkocʼko ar pinḍkoko marao giḍikada. Onko do Jihudạ, Benjạmin, Ephrayim ar Manase gusṭikoakʼ goṭa ṭoṭhate senkate onkageko kạmikeda. Nokoko marao cabaketʼko tayom Israelko do apan ạpin ato ar nagrahateko ruạṛ calaoena.

2 Bõsbudạ 23:17

Ona tayom sanam hoṛko do Bakʼal debotawakʼ mundilte bolokate murtiko rạputʼ giḍikatʼkoa. Onko do pinḍ ar murtikoko rạputʼ gejerketʼkoa. Ar Bakʼal debotaren naeke Matan do pinḍ samaṅregeko gocʼkedea.

2 Rapajko 23:16

Ona tayom uni do beṛhaeteye beṅgetʼ ạcurkeda ar buru ṭhen okako topa tahẽkan onḍe khon jaṅkoe ạguketʼte pinḍ cetanreye atarketʼte onae bhõnḍ ocokeda.

2 Rapajko 23:8

Josiạ do Jihudạ reakʼ nagraha ar atoko khon sanam naekeye ạguketʼkoa ar Geba khon Berseba hạbicʼ okako than boṭkocʼre onko do dhupko jeretʼetʼ tahẽkan onakoe bhõnḍ ocokeda. Uni do Josuạwakʼ phaṭok-duạrte bolokʼ horre okako than boṭkocʼ tahẽkan onako hõe rạputʼ giḍikada. Niạ phaṭok do nagraha reakʼ maraṅakʼ phaṭok duạr khon leṅga secʼre tahẽkana.

1 Rapajko 13:2

Uni do Probhu Isorakʼ katha leka pinḍ upạrteye roṛ saḍekeda, “E pinḍ, E pinḍ, Probhu Isor do niạ kathae meneda, ‘Dạud bõsre Josiạ ńutuman mitʼṭen hopone janamokʼa. Ar usul than boṭkocʼkore okoe naekeko ńitokʼ am cetanre janwarko samaṅetʼko uni do onko naekeko am cetanreye samaṅkoa ar manwakoakʼ jaṅ hõe atar giḍikatakoa.’ ”

Levitikus 26:15

ar ińakʼ niạmko bape hetawakʼ ar ińakʼ ạn-ạrikope nindạu ar ińakʼ hukumko bape senakʼte ińakʼ bondobospe rạpud,

Levitikus 26:11

Iń do bạń dea giḍikapea. Ape talaregeń girobasokʼa.

Levitikus 20:23

Ape samaṅ khon okoe jạtrenkoń laga ńirko onko leka do alope colona. Onkoakʼ colon iạte onko do hirkhạ mẽtʼteń ńeletʼkoa.

Genesis 19:13

ente noa ṭhạ̃i ḍahao marao lạgitʼge ạliń doliń sapṛao akana. Ente noa ṭhạ̃iren hoṛkoakʼ rakʼ do Probhu Isor ṭhen seṭer akana, ar ạliń do ona ḍahao marao lạgitʼ liń kol ocoakana.

Dosar Biboron 32:19

“Ona ńelte Probhu Isor do acʼren hopon ar hoponerako khon acʼakʼ mẽtʼãhãe danaṅketʼtaea, ente onko do edreteko khĩs ocoakadea.

1 Rapajko 13:32

ente Bethel reakʼ pinḍ ar Samariạ reakʼ sanam atoko reakʼ usul than boṭkocʼko reakʼ mundil upạrte Probhu Isorakʼ katha leka onako reaṅ uniye roṛ saḍe akatʼakʼ do khạṭige hoyokʼa.”

Sereńko 106:40

Onate Probhu Isorakʼ edre do onko hoṛ cetanre caṛhaoena; ar okoe acʼakʼ ạidạrireko tahẽkan onko doe hirkhạwatʼkoa.

Jeheskel 43:7

Uni doe menkeda, “E manwa hopon, noa do ińakʼ siṅghạson reakʼ ṭhạ̃i ar ińakʼ jaṅga dohoy lạgitʼ jaega kana. Iń do nonḍege Israelko talareń girobasokʼa. Israelko tishõ ińakʼ sonot ńutum do bako besonot ocoytińạ. Baṅ do ako ar baṅ do onkoren rapajkoakʼ laṭghaṭ iạte, ar akoren gocʼakan rapajko ńutumte dikʼsạwakʼko teṅgoe hotete onko do ińakʼ ńutum ar bako besonot ocoytińạ.

Amos 6:8

Phạdkoren Probhu Isor do acʼakʼ ńutumte kiriạkateye meneda, “Iń do Jakobakʼ bạḍại ar uniyakʼ gaṛkoń hirkhạwakʼ kana; onate apeakʼ nagraha ar onare menakʼ jotowakʼ do eṭakʼ hoṛakʼ tireń jimạkakʼa.”

Amos 7:9

Isahak bõsren hoṛkoakʼ than boṭkocʼko ar Israelakʼ koejoṅ reakʼ eṭakʼ ṭhạ̃iko do maraokʼ giḍikʼa. Iń do tarwaṛete Jerobiam bõsrenko upạrteń teṅgona.”

Jirimiạ 16:18

Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

Jeheskel 16:39

Ona tayom do amren dulạṛiạkoakʼ tireń soprotmea; onko do amren boṅga muṭhạnkoakʼ duṛupʼakʼko marao giḍikakʼa. Onko do amakʼ kicricʼko bhạnduṛtama ar amakʼ mońj mońj gohnako hataoa ar am do uluṅ ar laṅgaṭgeko bạgi oṭowama.

Hosea 10:2

Uniren hoṛkoakʼ ontor do bepạtiạr getakoa; onate onko do ńitokʼ dos reakʼ bojha asen baṛae hoyokʼtakoa. Probhu Isor do onkoakʼ pinḍkoe rạputʼ giḍikatakoa ar onkoakʼ pujạ reakʼ dhirikoe marao cabaetakoa.