Levitikus 26:26 - সান্তালী বাইবেল

²⁶ Iń do apere akaliń kola. Unre gel goṭen maejiu do mitʼṭecʼ culhạre piṭhạko rapakʼapea, ar jojom jokhecʼ piṭhạ do soṅkatepe emokʼa. Ar lacʼ bikʼ do bape jom ńama.

Levitikus 26:26 Referans Kwoze

Mikạ 6:14

Ape dope jomgea menkhan bape bikʼa; lacʼre reṅgecʼ do tahengetapea. Apeakʼ jinisko mitʼ ṭhạ̃i khon eṭakʼ ṭhạ̃itepe idiygea menkhan cetʼge bape rukhiyạ daṛeakʼa, ar thoṛape rukhiyạ daṛeakʼ khan hõ ona do lạṛhạiteń marao giḍikatapea.

Jesaea 3:1

Ńitokʼ ńelme, phạdkoren Probhu Isor do Jerusalem ar Jihudạ khon ṭheṅga ar ṭhesae ocokʼeda. Uni do onkoakʼ sanam jomakʼ ar dakʼkoe ocoga.

Jeheskel 5:16

Am maraome lạgitʼge am cetanre akal reakʼ botoranakʼ sariń aṛaga. Iń do am cetanre ona akal arhõń ḍher ocoya ar amakʼ jomakʼ reakʼ jogaṛ hõń bond ocoya.

Sereńko 105:16

Ona tayom uni do onkoakʼ disạmre akale hoyocokeda ar jomakʼteye ṭonṭaketʼkoa;

Hagae 1:6

Ape do ḍhergepe eretʼkana, menkhan thoṛagepe ireda. Jom dope jometʼgea, menkhan bape bikʼ kana. Darkha rasape ńũiyetʼkangea, menkhan ḍher do bape ńameda. Kicricʼpe horokʼetʼgea, menkhan bape lolokʼ kana. Ar beton ńamkate do bhugạkʼ thạilạkʼrepe dohoyetʼkana.

Jeheskel 14:13

“E manwa hopon, jãhã disạmren bepạtiạrakʼko kạmite iń reaṅko kại, ar iń do onko upạrte ińakʼ tiyiń tiyạrte ona lạgitʼ piṭhạ reakʼ jogao iń bond ocoy, ar onate akaliń kolte manwako ar janwarkoń maraoko,

Jeheskel 4:16

Ona tayom uni do ińe metadińạ, “E manwa hopon, iń do Jerusalemre jom reakʼ jogao doń bonda. Hoṛko do dạndikate tulạkate jomakʼko joma ar dakʼ do tharbasaoate soṅkateko ńũiya,

Jesaea 9:20

Onko do leṅgati secʼko losagre hõ reṅgecʼkoa ar jojomti secʼko tạhuṛre hõ bako tirpitokʼa. Sesre onko do apnarren hoṛkoakʼ jelgeko joma.

Hosea 4:10

Onko doko jomgea menkhan bako tirpitokʼa; onko doko laṭghaṭa menkhan lekhare bako ḍherokʼa, ente onko do boṅgako iạte Probhu Isorko bạgi giḍi akadea.

Jeheskel 4:10

Din hilokʼ soṅkate barsae pongel gram jomakʼ do enhilokʼge mitʼ domem joma.

Jirimiạ 14:12

Onkoko upạsetʼre hõ onkoakʼ rakʼ do bạń ańjomtakoa; jeredokʼ samaṅokʼakʼ ar anaj samaṅokʼakʼko samaṅre hõ iń do bạń ataṅtakoa. Ona bodolte lạṛhại, akal ar mahamạrgeń kola ar onateń maraokoa.”

Levitikus 26:27

“Niạko tayom hõ ińakʼ kathako bape luturakʼ ar iń birudpe senokʼ,

2 Rapajko 6:25

Unre nagrahare maraṅ akal ńelena. Niạ gherao do nunạkʼ din hạbicʼ hoyena je, mitʼṭen gadhawakʼ bohokʼ do mitʼ keji rupạte ar mitʼ keji reakʼ pon hạṭiń reakʼ mitʼ hạṭiń parwa icʼ do eae gram rupạte ạkhrińokʼ ehopʼena.

Jesaea 5:10

Pegel bighạ darkha bagwan khon eken bargel bar liṭar darkha rasa ńamokʼa, ar mitʼsae irạgel keji itạ khon eken gel irạl keji phosolge janamokʼa.”

Jeheskel 4:17

ente jomakʼ ar ńũi reakʼ do ṭonṭa hoyokʼa. Onko do tharbasaoateko beṅgetʼ joṅa ar akoakʼ kại iạteko heṛokʼa.

Jesaea 9:19

Phạdkoren Probhu Isorakʼ edrete disạm do jarkharokʼa, ar hoṛko do seṅgel lạgitʼ sahan lekako hoyokʼa. Celege acʼren boeha hõ bae dayawaea.